ഒരു ദിര്ഹത്തിന് 25 രൂപ; യുഎഇ പ്രവാസികള്ക്ക് നാട്ടിലേക്ക് പണം അയക്കാന് പറ്റിയ സമയം, കാത്തിരിക്കണോ
ദുബായ്: ഇന്ത്യന് രൂപ വലിയ തോതില് മൂല്യം ഇടിഞ്ഞു. ഡോളറിനെതിരെ 91.75 എന്ന നിരക്കിലേക്ക് എത്തി. ചരിത്രത്തിലെ ഏറ്റവും വലിയ ഇടിവിലാണ് രൂപ. ഇനിയും മൂല്യം ഇടിയുമെന്ന് റിപ്പോര്ട്ടുകളുണ്ട്. റിസര്വ് ബാങ്ക് കാര്യമായ ഇടപെടല് നടത്തുന്നില്ലെന്നാണ് വിവരം. ഈ വേളയില് യുഎഇയിലെ പ്രവാസികള്ക്ക് മികച്ച അവസരമാണ് വന്നിരിക്കുന്നത്.
ഇതിന് മുമ്പ് ഇന്ത്യന് രൂപ ഏറ്റവും വലിയ ഇടിവ് രേഖപ്പെടുത്തിയത് ഡിസംബര് 16നായിരുന്നു. ഡോളറിന് എതിരെ 91.14 എന്ന നിരക്കായിരുന്നു അന്ന് രേഖപ്പെടുത്തിയത്. എന്നാല് ഇന്ന് 92ലേക്ക് അടുക്കുന്ന കാഴ്ചയാണ്. 76 പൈസയാണ് ഇന്ന് ഇടിഞ്ഞത്. വലിയ തോതില് ഓരോ ദിവസവും രൂപ മൂല്യം ഇടിയുകയാണ്. ഇതാണ് പ്രവാസികള്ക്ക് നാട്ടിലേക്ക് പണം അയക്കാന് മികച്ച അവസരം ഒരുക്കിയത്.
ഈ വേളയില് നാട്ടിലേക്ക് വന്തോതില് പണം അയക്കാന് പ്രവാസികള് താല്പ്പര്യപ്പെടുമെന്നാണ് കരുതുന്നത്. രൂപ മൂല്യം കുറയുന്ന സമയം പ്രവാസികള് ഉപയോഗപ്പെടുത്താറുണ്ട്. ചിലര് പണം കടം വാങ്ങിയും നാട്ടിലേക്ക് അയക്കും. മറ്റു ചിലര് ശമ്പളം അഡ്വാന്സ് വാങ്ങി അയക്കാനും തയ്യാറാകും. എന്നാല് ഇത്തവണ അതിന്റെ ആവശ്യമില്ലെന്നാണ് കരുതുന്നത്. കാരണം വരും ദിവസങ്ങളില് രൂപ കൂടുതല് ഇടിയാനാണ് സാധ്യത.
രൂപയുടെ മൂല്യം നിശ്ചത നിരക്കില് നിലനിര്ത്താന് ശ്രമിക്കുമെന്ന് ആര്ബിഐ വ്യക്തമാക്കിയിട്ടില്ല. അതുകൊണ്ടുതന്നെ ആര്ബിഐയുടെ ഭാഗത്ത് നിന്ന് ത്വരിത നടപടി സാമ്പത്തിക നിരീക്ഷകര് പ്രതീക്ഷിക്കുന്നില്ല. രൂപ വീണ്ടും ഇടിയുമെന്ന വിലയിരുത്തലിന് കാരണം ഇതാണ്. പ്രവാസി പണം കൂടുതലായി രാജ്യത്തേക്ക് വരാന് ഇത് വഴിയൊരുക്കും. അതേസമയം, മറ്റൊരു തിരിച്ചടിയുണ്ട്.
രൂപ ദിര്ഹം ഡോളര് മൂല്യത്തില് നേട്ടവും കോട്ടവും
യുഎഇയിലെ ചില എക്സ്ചേഞ്ചുകളില് 24.80 രൂപയാണ് ദിര്ഹമിന് നല്കുന്നത്. എന്നാല് ചിലയിടങ്ങളില് ഇതിനേക്കാള് ഉയര്ന്ന മൂല്യം കിട്ടുന്നുണ്ടത്രെ. രൂപ 92ല് എത്തിയാല് ദിര്ഹത്തിന് 25 എന്ന നിരക്ക് കിട്ടുമെന്നും റിപ്പോര്ട്ടുകള് സൂചിപ്പിക്കുന്നു. സൗദി അറേബ്യ, ഖത്തര്, യുഎഇ, കുവൈത്ത്, ഒമാന്, ബഹ്റൈന്, അമേരിക്ക, കാനഡ, മലേഷ്യ തുടങ്ങി ഇന്ത്യന് പ്രവാസികള് കൂടുതലുള്ള രാജ്യങ്ങളില് നിന്നെല്ലാം കൂടുതല് പണം രാജ്യത്തേക്ക് ഒഴുകുമെന്നാണ് പ്രതീക്ഷ.
അമേരിക്ക ഗ്രീന്ലാന്റില് അവകാശവാദം ഉന്നയിച്ചതോടെ യൂറോപ്പിലെ നിക്ഷേപകര് ആശങ്കയിലാണ്. അവര് അമേരിക്കയിലെ ഓഹരി വിറ്റഴിച്ച് ഡോളര് സ്വര്ണത്തിലേക്ക് മാറ്റാന് തിടുക്കം കൂട്ടുകയാണ്. ഇതോടെ ഡോളര് മൂല്യം ഇടിയുകയും സ്വര്ണം വില കയറുകയും ചെയ്തു. ഇതിനൊപ്പമാണ് രൂപയില് നിന്നും നിക്ഷേപകര് പിന്വലിയുന്നത്. അമേരിക്കയുമായി വ്യാപാര കരാറില് എത്താന് സാധിക്കാത്തതും രൂപയ്ക്ക് മങ്ങലേല്ക്കാന് കാരണമായി.
രൂപ മൂല്യം കുറയുമ്പോള് കയറ്റുമതിക്കാര്ക്ക് നേട്ടമാകും. അവര് വിദേശത്തേക്ക് അയക്കുന്ന ചരക്കുകള്ക്ക് ഉയര്ന്ന മൂല്യം കിട്ടും. നാട്ടില് ബാങ്ക് വായ്പയുള്ള പ്രവാസികള്ക്ക് വേഗത്തില് തിരിച്ചടവിന് വഴിയൊരുങ്ങുന്നു എന്ന നേട്ടവും ഈ വേളയിലുണ്ട്. അതേസമയം, ഇറക്കുമതിക്കാര് കുടുങ്ങും. ഉയര്ന്ന വില നല്കി ചരക്കുകള് ഇറക്കേണ്ട അവസ്ഥ അവരെ നഷ്ടത്തിലേക്ക് എത്തിക്കും. നാട്ടിലുള്ളവര്ക്ക് അവശ്യ വസ്തുക്കള്ക്ക് ഉയര്ന്ന വില നല്കേണ്ട അവസ്ഥയും വരും.
-
പ്രതീക്ഷിക്കാത്ത സമയത്ത് ധനം കൈവശം വന്നുചേരും, സ്ഥലം വാങ്ങും, കൃഷിയിൽ നിന്ന് വരുമാനം, നാൾഫലം -
പുതിയ വീടും കാറും സ്വന്തമാക്കും.. ഒപ്പം കൈനിറയെ സ്വര്ണവും; ഈ രാശിക്കാര്ക്കിനി നല്ലകാലം -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
2% അല്ല, ഡിഎ 3% വര്ധിച്ച് 61% മാകും!!? 56,100 രൂപ ശമ്പളമുള്ളവര്ക്ക് 90,321 രൂപ കിട്ടും! -
മാളവ്യ രാജയോഗം എല്ലാം മാറ്റി മറിക്കും; ഈ രാശിക്കാരുടെ വിവാഹം നടക്കും, ശമ്പളം വർധിക്കാൻ സാധ്യത! -
സ്വര്ണവില കുറഞ്ഞു; 74000 രൂപയ്ക്ക് എട്ട് ഗ്രാം വാങ്ങാം, ആഭരണത്തിന് ഈ സ്വര്ണം മതി, പവന് വില -
സ്വര്ണം തിരിച്ചുകയറി; ഇന്ന് വന് വില മുന്നേറ്റത്തിന് കാരണം ഇതാണ്, ഇന്നത്തെ പവന് വില -
പലതരം സുഖഭോഗങ്ങള് അനുഭവിക്കാന് അവസരം, ഭാര്യയുടെ ആഗ്രഹങ്ങള് നിറവേറ്റും, ജോലിയിൽ പ്രമോഷൻ, നാൾഫലം -
പൃഥ്വിരാജ് ബോംബേയിൽ ഷൂട്ടിംഗുമായ നടന്നാൽ പോര,ഇടക്ക് നാട്ടിൽ വന്ന് അമ്മയെ കെട്ടിപിടിക്കുകയൊക്കെ വേണം';മേജർ രവി -
സ്കൂൾ അവധി :ചെറിയ പെരുന്നാൾ ആഘോഷമാക്കാം -
യാത്രക്കാര്ക്ക് 10000 രൂപയുടെ കൂപ്പണുകള്; 246 പൈലറ്റുമാരെ നിയമിച്ചു: ഇന്ഡിഗോ ഇനി വലയ്ക്കില്ലെന്ന് കേന്ദ്രം -
അഞ്ജലി നായരും വീണാ നായരും ലക്ഷ്മി പ്രിയയും ഉമ്മൻ ചാണ്ടിയുടെ മരുമകനും, കളം പിടിക്കാൻ ട്വന്റി 20
Click it and Unblock the Notifications
Sign in with Google