14 കാരറ്റ് ആഭരണം വാങ്ങുന്നത് മണ്ടത്തരം..? അതേ വിലയ്ക്ക് 18 കാരറ്റ് സ്വര്ണം വാങ്ങാലോ..!
സ്വര്ണ വില റെക്കോഡിലേക്ക് അനുദിനം കുതിക്കുമ്പോള് ഉപഭോക്താക്കളെ പിടിച്ചു നിര്ത്താന് പുതിയ തന്ത്രങ്ങള് പരീക്ഷിക്കുകയാണ് വ്യാപാരികള്. ഇതിന്റെ ഭാഗമായാണ് ലോകത്തെ ഏറ്റവും തിരക്കുള്ള സ്വര്ണ വിപണികളിലൊന്നായ ദുബായ് വില കുറഞ്ഞ 14 കാരറ്റ് ആഭരണങ്ങള് പുറത്തിറക്കിയത്. എന്നാല് ദുബായ് ആദ്യമായി 14 കാരറ്റ് സ്വര്ണത്തിന്റെ വില ഔദ്യോഗികമായി പ്രഖ്യാപിച്ചപ്പോള് പലര്ക്കും ഒരു സംശയം കൂടി ഉടലെടുത്തു.
നഗരത്തിലുടനീളമുള്ള കടകളില് നിന്ന് 14 കാരറ്റ് സ്വര്ണാഭരണങ്ങള് വാങ്ങാന് കഴിയുമോ എന്നതാണ് അത്. നിബന്ധനകള് വിധേയമായി ഇത് സാധിക്കും എന്നാണ് ജ്വല്ലറികളുടെയും വ്യാപാരികളുടെയും അഭിപ്രായം. ദുബായിലെ മിക്ക ജ്വല്ലറി സ്റ്റോറുകളും റെഡിമെയ്ഡ് 14 കാരറ്റ് സ്വര്ണാഭരണങ്ങള് സ്റ്റോക്കില് സൂക്ഷിക്കാറില്ല എന്ന് ഗോള്ഡ് ആന്ഡ് ജെംസ് ഗാലറിയുടെ ഉടമയായ അസിം ദാമുദി പറഞ്ഞു.
14 കാരറ്റ് ആഭരണങ്ങള് സാധാരണയായി സ്റ്റോറുകളില് പ്രദര്ശിപ്പിക്കാറില്ലെങ്കിലും ആവശ്യത്തിന് അനുസരിച്ച് നിര്മിച്ച് നല്കാറുണ്ട്്. ദുബായില് ഇപ്പോഴും 14 കാരറ്റ് സ്വര്ണത്തിന് വലിയ പ്രചാരമില്ലെന്നും അദ്ദേഹം കൂട്ടിച്ചേര്ത്തു. ആഭരണ വ്യാപാരികളുടെ അഭിപ്രായത്തില്, ദുബായ് നിവാസികള്ക്കിടയില് ഏറ്റവും പ്രചാരമുള്ള ചോയ്സ് 18 കാരറ്റ് സ്വര്ണമാണ്. തൊട്ടു പിന്നാലെ 22 കാരറ്റ് സ്വര്ണ്ണവും.
14 കാരറ്റ് ആഭരണങ്ങളില് ചില ഉപഭോക്താക്കള് മാത്രമേ താല്പ്പര്യം കാണിക്കുന്നുള്ളൂവെന്നും എന്നിട്ടും ഡിമാന്ഡ് പരിമിതമാണെന്നും ദാമുദി പറഞ്ഞു. ''ഇത് എങ്ങനെയാണ് എന്ന് അറിയാന് വേണ്ടി കാണാന് വേണ്ടി മാത്രമാണ് കുറച്ച് പേര് ഇത് ഓര്ഡര് ചെയ്യുന്നത്. ഇത് ഇപ്പോഴും വിപണിയില് വളരെ പുതിയതാണ്. മിക്ക ആളുകളും 14 കാരറ്റ് സ്വര്ണം തിരഞ്ഞെടുക്കുന്നത് അലങ്കാര ആവശ്യങ്ങള്ക്ക് മാത്രമാണ്. നിക്ഷേപമായിട്ടല്ല,' അദ്ദേഹം പറഞ്ഞു.
സ്വര്ണ്ണ വിലയിലെ വര്ധനവാണ് ചില ഉപഭോക്താക്കള് 14 കാരറ്റ് സ്വര്ണ്ണം നോക്കുന്നതിന്റെ ഒരു കാരണമെന്ന് സായ്ബ ജ്വല്ലേഴ്സിലെ സുരേഷ് പറഞ്ഞു. സ്വര്ണ വില വളരെ ഉയര്ന്നതിനാല് ആളുകള് 14 കാരറ്റ് സ്വര്ണത്തെ ക്കുറിച്ച് ചോദിക്കാന് തുടങ്ങിയിട്ടുണ്ട് എന്നും അദ്ദേഹം പറഞ്ഞു. എന്നിരുന്നാലും, വാങ്ങുന്നവര് പലപ്പോഴും അവഗണിക്കുന്ന ഒരു പ്രധാന ഘടകം പണിക്കൂലിയാണ് എന്നും അദ്ദേഹം ചൂണ്ടിക്കാട്ടി.
14 കാരറ്റ്, 18 കാരറ്റ് അല്ലെങ്കില് 22 കാരറ്റ് സ്വര്ണ്ണത്തേക്കാള് കടുപ്പമുള്ളതാണ്. ആഭരണങ്ങള് നിര്മ്മിക്കാന് കൂടുതല് പരിശ്രമവും കൃത്യതയും ആവശ്യമാണ്, അതിനാല് നിര്മ്മാണ നിരക്കുകള് അല്പ്പം കൂടുതലാണ് എന്നും സുരേഷ് പറഞ്ഞു. തല്ഫലമായി, ഉപഭോക്താക്കള് 14 കാരറ്റ് ആഭരണത്തിന്റെ അന്തിമ വില കണക്കാക്കുമ്പോള്, അത് പലപ്പോഴും 18 കാരറ്റ് ആഭരണത്തിന്റെ വിലയ്ക്ക് അടുത്ത് വരും.
14 കാരറ്റ് ആഭരണങ്ങള് ചുരുക്കം ചില സ്റ്റോറുകളില് മാത്രമേ ലഭ്യമാകൂ എന്ന് ദുബായിലെ ഗോള്ഡ് സൂക്കിലെ സ്വര്ണ വ്യാപാരിയായ അഫാന് സാദ പറഞ്ഞു. ഇത് പ്രധാനമായും വിനോദ സഞ്ചാരികള്ക്കായി അവരുടെ ഇഷ്ടാനുസരണം നിര്മ്മിക്കപ്പെടുന്നു. ഈ കടകള് സന്ദര്ശകരെ കൂടുതല് ആകര്ഷിക്കുന്നു. താമസക്കാര് അധികം അത് ആവശ്യപ്പെടുന്നത് തങ്ങള് കണ്ടിട്ടില്ല എന്നും അദ്ദേഹം പറഞ്ഞു.
വില വര്ധനവ് ഉണ്ടായിരുന്നിട്ടും, ദുബായില് 18 കാരറ്റ്, 22 കാരറ്റ് സ്വര്ണ്ണത്തിന് കൂടുതല് ആവശ്യക്കാരുണ്ടെന്ന് വ്യാപാരികള് പറഞ്ഞു. വാങ്ങുന്നതിന്റെ ഉദ്ദേശ്യത്തെ ക്കുറിച്ച് വാങ്ങുന്നവര്ക്ക് വ്യക്തതയുണ്ടെന്ന് വിദഗ്ദ്ധര് ചൂണ്ടിക്കാട്ടുന്നു. ഫാഷന് ആഭരണങ്ങള്ക്കോ ഇടയ്ക്കിടെ ധരിക്കുന്നതിനോ 14 കാരറ്റ് അനുയോജ്യമായിരിക്കാമെങ്കിലും, പ്രാദേശിക വിപണിയില് ഇത് ഒരു നിക്ഷേപ ഓപ്ഷനായി വ്യാപകമായി കാണുന്നില്ല.
-
ലോകത്തുള്ളത് 31 ട്രില്യണ് ഡോളര് മൂല്യമുള്ള സ്വര്ണം! എന്നിട്ടും നിക്ഷേപകരുടെ കൈവശം 3% മാത്രം!! -
ദുബായിൽ സ്വർണത്തിന് മാർച്ചിൽ 12 ശതമാനം വിലയിടിഞ്ഞു; കാരണങ്ങൾ പലത്, ഇനി തിരിച്ചുവരവിന്റെ പാതയിൽ! -
പ്രവാസി രക്ഷിതാക്കൾ ശ്രദ്ധിക്കുക! സ്കൂളുകളിൽ ഏപ്രിൽ 6 മുതൽ വരുന്നത് വലിയ മാറ്റങ്ങൾ -
സ്വര്ണവില കുതിച്ചുകയറി; ഇനി വന് മുന്നേറ്റം, ഒരു പവന് ആഭരണത്തിന് 1.20 ലക്ഷം രൂപ, ഗ്രാം വില അറിയാം -
സ്വർണം 1 പവന് 2 ലക്ഷമല്ല, 4 പവൻ 2 ലക്ഷത്തിന് വാങ്ങാം: അൽപം കാത്തിരിക്കൂ, സ്വർണം കുത്തനെ ഇടിയുമെന്ന് വിദഗ്ധൻ -
സ്വര്ണം, വെള്ളി ആഭരണങ്ങള് ഇറക്കുമതി ചെയ്യാനാകില്ലേ? പുതിയ നിയന്ത്രണവുമായി കേന്ദ്രം -
സ്വർണ വില കൂട്ടുന്ന സെൻട്രൽ ബാങ്കുകൾ; ഏറ്റവും വലിയ പണി തരുന്നത് ചൈന തന്നെ, പോളണ്ടും പിന്നിലല്ല..കണക്ക് പുറത്ത് -
സ്വര്ണവില വീണ്ടും കുറഞ്ഞു; ഉച്ചയ്ക്ക് ശേഷം വന് ഇടിവ്, ഇത് നല്ല അവസരം, പുതിയ പവന് വില അറിയാം -
നിങ്ങളുടെ സ്വര്ണാഭരണം ഇന്ഷ്വര് ചെയ്തിട്ടുണ്ടോ? പ്രീമിയം തുക ഇത്ര മാത്രം, നേട്ടങ്ങളിത് -
ഏപ്രില് മാസത്തില് സ്വര്ണവില കുതിച്ചുയരും..! ഇപ്പോള് വാങ്ങിയാല് ലാഭം കൊയ്യാം, സംഭവിക്കാന് പോകുന്നത് -
സ്വര്ണവില കുത്തനെ താഴേക്ക്; ആഭരണം വാങ്ങുന്നവര് അറിയേണ്ട കാര്യം, രൂപ കുതിച്ചു, പവന് വില -
സ്വർണ വില 20 ശതമാനം ഇടിയും, സ്വപ്നമല്ല..പവൻ വില 88,000 രൂപ വരെ, ഗ്രാം വില 11,000ത്തിലേക്ക് ..; പുതിയ പ്രവചനം
Click it and Unblock the Notifications
Sign in with Google