ദുബായില് പിടിവിട്ട് സ്വര്ണവില, ഒറ്റരാത്രിയില് വില മാറിമറിഞ്ഞു.. ബുക്ക് ചെയ്തവര്ക്ക് നേട്ടം!
ദുബായ്: തുടര്ച്ചയായ ഇടിവിന് ശേഷം ദുബായി സ്വര്ണവിലയില് വലിയ വര്ധനവ്. ദുബായ് സ്വര്ണത്തിന്റെ വില ഒറ്റ രാത്രിയില് ഗ്രാമിന് 3 ദിര്ഹത്തില് കൂടുതല് ഉയര്ന്നു. ഇതോടെ ഗ്രാം സ്വര്ണത്തിന് 370 ദിര്ഹത്തിനാണ് ഇന്ന് വ്യാപാരം നടക്കുന്നത്. ജൂണ് 23 ന് ശേഷം ഇത് ആദ്യമായാണ് ഈ നിലയിലേക്ക് സ്വര്ണ വില മടങ്ങുന്നത്. ദുബായ് ഗോള്ഡ് സൂക്കിലും മറ്റിടങ്ങളിലെ ജ്വല്ലറി സ്റ്റോറുകളിലും പെട്ടെന്നുള്ള വില വര്ധനവ് പ്രകടമാണ്.
പ്രാദേശിക സ്വര്ണ വില 370 ദിര്ഹമോ അതില് കൂടുതലോ ആയപ്പോഴെല്ലാം ഉപഭോക്താക്കള് അനുകൂലമായി പ്രതികരിച്ചിട്ടില്ല. 370 ദിര്ഹത്തിന്റെ നിലവാരം തുടര്ന്നാല് ഇന്നും അതേ വികാരം തന്നെയാണ് ആഭരണ വ്യാപാരികള് പ്രതീക്ഷിക്കുന്നു. 'ദുബായ് സമ്മര് സര്പ്രൈസസ് 2025 സ്വര്ണ റാഫിള് നറുക്കെടുപ്പുകള് മാത്രമാണ് ഡിമാന്ഡ് വര്ധിപ്പിക്കുമെന്ന പ്രതീക്ഷ നല്കുന്നത്,'' ഒരു ജ്വല്ലറി ഉടമ പറഞ്ഞു.
'റാഫിള് പ്രവേശന വില 1,500 ദിര്ഹത്തില് നിന്ന് 1,000 ദിര്ഹമായി കുറയ്ക്കാനുള്ള തീരുമാനമായിരുന്നു ഏറ്റവും നല്ല തീരുമാനമെന്ന് കൂടുതല് കൂടുതല് വ്യക്തമായിക്കൊണ്ടിരിക്കുകയാണ്. പ്രത്യേകിച്ചും സ്വര്ണ വിലകള് ദൈനംദിന അടിസ്ഥാനത്തില് ചാഞ്ചാട്ടമുണ്ടാക്കുമ്പോള്,' അദ്ദേഹം കൂട്ടിച്ചേര്ത്തു. അതേസമയം കഴിഞ്ഞ ദിവസം വില കുറഞ്ഞപ്പോള് സ്വര്ണം ബുക്ക് ചെയ്തവരെ സംബന്ധിച്ചിടത്തോളം ഇത് നേട്ടമായി.
ഗ്രാം സ്വര്ണത്തിന് 365 ദിര്ഹത്തിലേക്ക് പോയപ്പോള് തന്നെ മിക്ക ഉപഭോക്താക്കളും ജ്വല്ലറിയിലെത്തി ബുക്ക് ചെയ്തിരുന്നു. മിക്ക വില ലോക്ക്-ഇന്നുകളും 365.75 ദിര്ഹത്തിലാണ് നടന്നത്. ദുബായിലെ സ്വര്ണ വിലയിലെ പെട്ടെന്നുള്ള വര്ദ്ധനവോടെ ഇന്ന് എന്താണ് സംഭവിക്കുന്നതെന്ന് അടിസ്ഥാനമാക്കി ഈ ഷോപ്പര്മാര് ശരിയായ തീരുമാനമെടുത്തേക്കാം എന്നാണ് വ്യാപാരികള് പറയുന്നത്.
സ്വര്ണ്ണ വിലയിലെ കുതിച്ചുചാട്ടം തുടരുമോ?
ഇന്നലെ ഉച്ച കഴിഞ്ഞ് മുതല് തന്നെ സ്വര്ണ വില വീണ്ടും ഉയരുന്നതിന്റെ സൂചനകള് ഉണ്ടായിരുന്നു. ആഗോള സമ്പദ്വ്യവസ്ഥയില് അത്തരമൊരു വര്ധനവിനെ പിന്തുണയ്ക്കുന്ന തരത്തില് വലിയ മാറ്റമൊന്നും സംഭവിച്ചിട്ടില്ലാത്തതിനാല് പലരും അത്ഭുതപ്പെട്ടു. യുഎസും പ്രധാന പങ്കാളികളും തമ്മില് വ്യാപാര കരാറുകള് നടക്കുന്നുണ്ടായിരുന്നു. ട്രംപ് ബജറ്റ് മതിയായ പിന്തുണയോടെ സെനറ്റില് നടന്നു.
ഭൗമരാഷ്ട്രീയ രംഗത്ത് വലിയ ആശങ്കകളൊന്നും ഉണ്ടായിരുന്നില്ല. എന്നിരുന്നാലും, ഇന്ന് രാവിലെ 7 മണിയോടെ 40 ഡോളറിലധികം നേട്ടമുണ്ടായ ശേഷം, സ്വര്ണ്ണം ഇപ്പോള് ഔണ്സിന് 3,300 ഡോളറില് കൂടുതലായി തിരിച്ചെത്തി. അന്താരാഷ്ട്ര വിപണിയിലുണ്ടായ ഈ മാറ്റം തന്നെയാണ് ദുബായിലും പ്രതിഫലിച്ചത്. അതേസമയം ഇന്ന് ഇന്ത്യയിലും സ്വര്ണവിലയില് വലിയ വര്ധനവ് ഉണ്ടായിട്ടുണ്ട്.
ഒരു പവന് സ്വര്ണത്തിന് 72160 രൂപയാണ് ഇന്നത്തെ വില. 22 കാരറ്റ് സ്വര്ണം ഗ്രാമിന് 105 രൂപ വര്ധിച്ചതോടെ 9020 രൂപയില് ആണ് വ്യാപാരം നടത്തുന്നത്. ഏകദേശം രണ്ടാഴ്ചയ്ക്ക് ശേഷമാണ് ഗ്രാം നിരക്ക് 9000 കടക്കുന്നത്. ഒരു പവന് 840 രൂപയാണ് ഇന്ന് വര്ധിച്ചത്. അന്താരാഷ്ട്ര വിപണിയില് സ്വര്ണ വില ഔണ്സിന് 3200 ഡോളറിലേക്ക് വീഴും എന്ന് പ്രതീക്ഷിച്ചിരുന്നിടത്ത് നിന്ന് 3320 ഡോളറിലേക്ക് കുതിക്കുകയാണ് ചെയ്തത്.
അതേസമയം 18 കാരറ്റ് സ്വര്ണത്തിനും വിലയില് വര്ധനവ് ഉണ്ടായിട്ടുണ്ട്. ഇന്ന് ഗ്രാമിന് 85 രൂപ കൂടിയതോടെ ഈ ഇനം സ്വര്ണം ഒരു ഗ്രാം വാങ്ങിക്കാന് ഇന്ന് 7400 രൂപ കൊടുക്കണം. ഒരു പവന് 59200 ല് ആണ് ഇന്ന് വ്യാപാരം നടക്കുന്നത്. അതിനിടെ ഇന്ത്യയില് ഇന്ന് വെള്ളിയുടെ വിലയില് മാറ്റമൊന്നുമില്ല. ഒരു ഗ്രാം വെള്ളിക്ക് 115 രൂപ എന്ന നിരക്കില് ആണ് വ്യാപാരം നടക്കുന്നത്.
Click it and Unblock the Notifications
Sign in with Google