എന്തൊരു പോക്കാണിത് പൊന്നേ..! ദുബായിലും റെക്കോഡ് തൂക്കി സ്വര്ണം; കേരളത്തേക്കാള് ലാഭം തന്നെ
ആഗോള വിപണിയില് വില വര്ധിച്ചതോടെ ദുബായിലും സ്വര്ണ്ണത്തിന്റെയും വെള്ളിയുടെയും വിലയില് കുത്തനെയുള്ള കുതിച്ചുചാട്ടം പ്രകടമായി. അന്താരാഷ്ട്ര ചരക്ക് വിപണിയിലുടനീളം നിലനില്ക്കുന്ന ശക്തമായ ബുള്ളിഷ് വികാരത്തെ പ്രതിഫലിപ്പിക്കുന്നതാണ് ഇന്നത്തെ സ്വര്ണത്തിന്റെയും വെള്ളിയുടെയും വിലയിലെ കുത്തനെയുള്ള കുതിച്ചുചാട്ടം എന്ന് വിപണി വിദഗ്ധര് പറഞ്ഞു.
ഗ്രീന്ലാന്ഡ് സംഘര്ഷങ്ങള്, പുതിയ വ്യാപാര യുദ്ധ ആശങ്കകള്, ഇന്ത്യ-യുഎസ് വ്യാപാര കരാറിനെച്ചൊല്ലിയുള്ള അനിശ്ചിതത്വം എന്നിവയ്ക്കിടയില് സുരക്ഷിത നിക്ഷേപമെന്ന ആവശ്യം മൂലമാണ് ഇന്ന് സ്വര്ണത്തിന്റെയും വെള്ളിയുടെയും വില റെക്കോര്ഡ് ഉയരത്തിലെത്തിയത്. മറ്റ് സ്ഥലങ്ങളില് നിന്ന് വ്യത്യസ്തമായി, താരതമ്യേന സ്ഥിരതയുള്ള വിലകള്, ഗുണനിലവാരം, നികുതി ആനുകൂല്യങ്ങള് എന്നിവ കാരണം ദുബായിലെ സ്വര്ണത്തിന് ശക്തമായ ഡിമാന്ഡ് തുടരുന്നു.
ഇന്ന് ദുബായില് 24 കാരറ്റ് സ്വര്ണത്തിന്റെ വില ഗ്രാമിന് 14,243 രൂപയായി ഉയര്ന്നു. അതുപോലെ, ദുബായില് 22 കാരറ്റ് സ്വര്ണത്തിന്റെ വില ഗ്രാമിന് 206 രൂപ ഉയര്ന്ന് 13,190 രൂപയായി. 18 കാരറ്റ് സ്വര്ണത്തിന്റെ വില ഇന്ന് ഗ്രാമിന് 169 രൂപ ഉയര്ന്ന് 10,840 രൂപയായി. 2026 ന്റെ തുടക്കം മുതല് സ്വര്ണത്തിന്റെയും വെള്ളിയുടെയും വില ഗണ്യമായി കുതിച്ചുയര്ന്നു. 2025 ല് സ്വര്ണ വില 100% ത്തിലധികം ഉയര്ന്നു.
2026 ലെ ആദ്യ മൂന്ന് ആഴ്ചകളില് ഈ വിലയേറിയ ലോഹം മികച്ച വരുമാനം നല്കി. ഭൗമരാഷ്ട്രീയ അനിശ്ചിതത്വങ്ങള് കാരണം സുരക്ഷിത നിക്ഷേപമെന്ന നിലയില് സ്വര്ണത്തിന്റെ ആവശ്യകത വര്ധിച്ചതിനാല് വില കൂടുതല് ഉയര്ന്ന നിലയിലെത്തി. ചുരുങ്ങിയ സമയത്തിനുള്ളില് ഇത്രയും ശക്തമായ നിലയിലെത്തിയിട്ടും, വിപണികള് അനിശ്ചിതത്വത്തിലായതിനാല് സ്വര്ണ വില കുറയുന്നതിന്റെ ലക്ഷണങ്ങള് കാണിക്കുന്നില്ല.
'വിപണികള് അനിശ്ചിതത്വത്തില് തുടരുന്നിടത്തോളം കാലം സ്വര്ണം അതിന്റെ ഉയര്ന്ന വിലനിലവാരം നിലനിര്ത്തുമെന്ന് കാണിക്കുന്ന ഒരു പോസിറ്റീവ് സൂചകമാണിത് എന്ന് ഇന്ത്യ ബുള്ളിയന് & ജ്വല്ലേഴ്സ് അസോസിയേഷന് (ഐബിജെഎ) വൈസ് പ്രസിഡന്റും ആസ്പെക്റ്റ് ഗ്ലോബല് വെഞ്ച്വേഴ്സിന്റെ എക്സിക്യൂട്ടീവ് ചെയര്പേഴ്സണുമായ അക്ഷ കാംബോജ് അഭിപ്രായപ്പെട്ടു.
വെള്ളി വിലയിലും ദുബായില് ഗണ്യമായ വര്ധനവുണ്ടായി. ബുധനാഴ്ച ദുബായ് വെള്ളി നിരക്ക് ഔണ്സിന് 348.74 ദിര്ഹം ആയി ഉയര്ന്നു. 2025 ല് വെള്ളി വില ഏകദേശം 190% ഉയര്ന്നു, 2026 ലെ ആദ്യ മാസത്തില് ഏകദേശം 25% ല് കൂടുതലാണ് വെളുത്ത ലോഹത്തിന്റെ വിലയില് വര്ധനവുണ്ടായിരിക്കുന്നത്.
Click it and Unblock the Notifications
Sign in with Google