ഇറാന് പടുകുഴിയില് വീണു; കടയില് പോകാന് ചാക്ക് പണം കരുതണം!! ഒപ്പം മറ്റൊരു തിരിച്ചടിയും
ടെഹ്റാന്: അടുത്ത കാലം വരെ അമേരിക്കയോടും ഇസ്രായേലിനോടും കൊമ്പുകോര്ത്തിരുന്ന പശ്ചിമേഷ്യന് രാജ്യമാണ് ഇറാന്. മേഖലയിലെ പ്രധാന സൈനിക ശക്തിയായും ഇറാനെ വിലയിരുത്തിയിരുന്നു. സൗദി അറേബ്യ, യുഎഇ എന്നീ ജിസിസി രാജ്യങ്ങളുമായുള്ള അകലം ഇറാന് കുറച്ചെങ്കിലും രാജ്യം നിലവില് നേരിടുന്നത് അതിരുകളില്ലാത്ത പ്രതിസന്ധിയാണത്രെ.
ഹസന് റൂഹാനി പ്രസിഡന്റായിരുന്ന വേളയില് അമേരിക്കയുമായി ആണവ കരാര് ഒപ്പുവയ്ക്കാന് സാധിച്ചത് ഇറാന് വലിയ നേട്ടമായിരുന്നു. ഉപരോധം ഭാഗികമായി നീങ്ങാനും അല്പ്പം വിപണിയില് ഇടപെടാനും ഇറാന് സാധിച്ചിരുന്നു. എന്നാല് പിന്നീട് വന്ന ഇബ്രാഹിം റഈസി ഹെലികോപ്റ്റര് അപകടത്തില് കൊല്ലപ്പെട്ടു. ശേഷം പ്രസിഡന്റായ മസൂദ് പെഷസ്കിയാന് വേണ്ടത്ര തിളങ്ങാനും സാധിച്ചിട്ടില്ല. അതിനിടെയാണ് പുതിയ സാമ്പത്തിക വെല്ലുവിളി.
ഇറാന്റെ കറന്സിയായ റിയാല് കനത്ത മൂല്യ ശോഷണം ആണ് നേരിടുന്നത്. അനൗദ്യോഗിക വിപണിയില് ഡോളറിനെതിരെ 756000 റിയാല് എന്ന നിലയിലേക്ക് കഴിഞ്ഞ വാരാന്ത്യത്തില് മൂക്കുകുത്തിയെന്ന് ബോണ്ബാസ്റ്റ് ഡോട്ട് കോമിനെ ഉദ്ധരിച്ച് റോയിട്ടേഴ്സ് റിപ്പോര്ട്ട് ചെയ്യുന്നു. ഇത് ഇറാനിലെ സാധാരണക്കാരെയാണ് ശരിക്കും ബാധിച്ചിരിക്കുന്നത്. അവശ്യ വസ്തുക്കള് വാങ്ങാന് പോലും വലിയ തുക കൈയ്യില് കരുതേണ്ട അവസ്ഥയാണ്.
ആണവ പദ്ധതിയുടെ പേരില് അമേരിക്കയും യൂറോപ്പും ഉപരോധം പ്രഖ്യാപിച്ചതാണ് സാമ്പത്തികമായി ഇറാനെ ഞെരുക്കുന്നത്. ട്രംപ് ജനുവരി 20ന് യുഎസ് പ്രസിഡന്റായി വീണ്ടും അധികാരമേല്ക്കുന്നതോടെ ഇറാനെതിരെ കൂടുതല് നടപടികള് പ്രതീക്ഷിക്കുന്നുണ്ട്. ഇതോടെ ഇറാന്റെ സാമ്പത്തിക രംഗം കൂടുതല് തകരും. ഇത് എഴുന്നേറ്റ് നില്ക്കാന് സാധിക്കാത്ത വിധം ഇറാനെ തളര്ത്തുമെന്നാണ് കരുതുന്നത്.
അതിനിടെയാണ് രാഷ്ട്രീയമായ തിരിച്ചടി മറുഭാഗത്ത് ഇറാന് ഏല്ക്കുന്നത്. സഖ്യകക്ഷിയായ സിറിയയിലെ പ്രസിഡന്റ് ബശ്ശാറുല് അസദിന് നാടുവിടേണ്ടി വന്നു. വിമതര് ഭരണം പിടിച്ചതോടെ അസദ് റഷ്യയില് അഭയം തേടിയിരിക്കുകയാണ്. ലബനാനിലെ ഹിസ്ബുല്ലയ്ക്ക് ഇറാന് സഹായം ചെയ്തിരുന്നത് സിറിയയിലൂടെയാണ്. അവിടെ ഭരണം മാറിയത് ഇറാന്റെ നീക്കങ്ങള്ക്ക് തിരിച്ചടിയാകും.
ലബനാനില് കരുത്തരായിരുന്ന ഹിസ്ബുല്ലയും തളര്ന്ന മട്ടാണ്. ഇറാന്റെ സഹായം പഴയ പോലെ ലഭിക്കാതിരിക്കുന്നതാണ് കാരണം. അതേസമയം, ഇസ്രായേലിന് മുമ്പില് കീഴടങ്ങില്ല എന്ന് ഹിസ്ബുല്ല ആവര്ത്തിക്കുന്നുണ്ട്. പശ്ചിമേഷ്യയില് ഒരു വര്ഷമായി തുടരുന്ന ശക്തമായ യുദ്ധത്തില് ഇറാന് പിന്തുണയ്ക്കുന്നവര്ക്ക് സൈനികമായി ക്ഷീണം സംഭവിച്ചു എന്നാണ് ഇതുവരെയുള്ള ചിത്രം.
ഇസ്രായേല് നടത്തിയ ശക്തമായ ആക്രമണത്തിന് തുല്യമായ തിരിച്ചടി നല്കാന് ഇറാന് സാധിക്കാത്തതും ഇറാന്റെ ക്ഷീണമാണ് പ്രകടിപ്പിക്കുന്നത്. ഹമാസ് നേതാവ് ഇസ്മാഈല് ഹനിയ്യയെ ടെഹ്റാനിലെ അതീവ സുരക്ഷയുള്ള പ്രദേശത്ത് വച്ചാണ് ഇസ്രായേല് കൊലപ്പെടുത്തിയത്. ഇറാനില് സുരക്ഷ തീരെ കുറവാണ് എന്ന് തെളിയിക്കുന്നത് കൂടിയാണ് ഈ സംഭവം. ഹിസ്ബുല്ലയുടെ ഹസന് നസറുല്ല ഉള്പ്പെടെയുള്ള മുതിര്ന്ന നേതാക്കള് കൊല്ലപ്പെട്ടതും ഇറാന് തിരിച്ചടിയാണ്.
-
ആക്രമിച്ചാൽ നോക്കി നിൽക്കില്ല; ഇറാന് സൗദിയുടെ അന്ത്യശാസനം! -
യുഎസ് സൈനികരെ പിടികൂടി എന്ന് ഇറാന്; നിഷേധിച്ച് അമേരിക്ക, യുദ്ധം പുതിയ തലത്തിലേക്ക് -
"അടുത്തത് ആര്?" ഇറാനിലെ പുതിയ നേതാവിനെയും വധിക്കുമെന്ന് ഇസ്രായേൽ -
സൗദിയില് ഇറാന്റെ മിസൈല് പതിച്ച് ഇന്ത്യക്കാരന് ഉള്പ്പെടെ രണ്ടു പേര് കൊല്ലപ്പെട്ടു: 12 പേര്ക്ക് പരിക്ക് -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം -
സൗദി അറേബ്യ കൈവിട്ട നീക്കത്തിന്; ക്രൂഡ് വില്പ്പനയില് അപൂര്വ നീക്കം, ഇരട്ടനീക്കം ഫലം കാണും -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ്
Click it and Unblock the Notifications
Sign in with Google