മക്കയിലെ ക്ലോക്ക് ടവറില് പതിച്ച് മിന്നല്പ്പിണര്; വിസ്മയിപ്പിക്കുന്ന ദൃശ്യം
മദീന: ഇസ്ലാം മതവിശ്വാസികളുടെ പുണ്യസ്ഥലമായ മക്കയില് ശക്തമായ കൊടുങ്കാറ്റും ഇടിമിന്നലും. ഇതിനിടെ മക്കയിലെ ക്ലോക്ക് ടവറില് ഇടിമിന്നല് പതിക്കുന്നതിന്റെ ദൃശ്യങ്ങളും പുറത്തുവന്നു. ലോകത്തിലെ ഏറ്റവും വലിയ ക്ലോക്ക് ടവര് ആണിത്. ഇതിന്റെ മുകളിലേക്ക് മിന്നല്പ്പിണര് പതിക്കുന്ന ഭീതിദവും അതേസമയം മനോഹരവുമായ ദൃശ്യങ്ങളാണ് ഇപ്പോള് പുറത്ത് വന്നിരിക്കുന്നത്.
നാഷണല് സെന്റര് ഫോര് മെറ്റീരിയോളജിയുടെ കണക്കനുസരിച്ച് മണിക്കൂറില് 80 കിലോമീറ്റര് വേഗതയില് ആയിരുന്നു ആ സമയം കൊടുങ്കാറ്റ് വീശിയിരുന്നത്. ഈ സമയം തന്നെയാണ് ഇടിമിന്നിലും ക്ലോക്ക് ടവറില് പതിച്ചത്. എന്നാല് ശക്തമായ മിന്നല്പിണറേറ്റിട്ടും ലോകത്തിലെ ഏറ്റവും ഉയരം കൂടിയ കെട്ടിടങ്ങളിലൊന്നായ മക്ക ക്ലോക്ക് ടവറിന് കേടുപാടുകള് ഒന്നും സംഭവിച്ചിട്ടില്ല.
Image Credit: X/Visual feast
മിന്നല്പ്പിണര് പതിക്കുന്ന സമയത്ത് ശാഖകളുള്ള ഒരു വൃക്ഷത്തോട് സാമ്യമുള്ള ഒരു ആകൃതിയാണ് ആകാശത്ത് പ്രത്യക്ഷപ്പെട്ടത്. തുടര്ന്ന് ആകാശത്ത് ഒരു ശോഭയുള്ള പ്രകാശം പരന്നു. മിന്നല് ശക്തമായ ഇടിമുഴക്കത്തോടെ അടിക്കുന്നതിന് മുമ്പ് ഒരു നേര്രേഖയും ഉണ്ടാക്കിയിരുന്നു. ഇതാദ്യമായല്ല ക്ലോക്ക് ടവറില് മിന്നല് വീഴുന്നത് വീഡിയോയില് രേഖപ്പെടുത്തുന്നത്. മക്കയില് മഴ പെയ്യുമ്പോഴെല്ലാം ക്ലോക്ക് ടവറിലെ ചന്ദ്രക്കല ലക്ഷ്യമാക്കിയുള്ള ഇടിമിന്നലുകളും സോഷ്യല് മീഡിയയില് വൈറലാകാറുണ്ട്.
മക്ക ക്ലോക്ക് ടവറില് 800 ഫിക്സഡ് സ്റ്റിക്കുകളും 20 ഓട്ടോമാറ്റിക്കായി നീട്ടുന്ന മിന്നല് ചാലകങ്ങളും ഘടിപ്പിച്ചിട്ടുണ്ട്. ഇതിനാലാണ് ഇടിമിന്നല് കോക്ക് ടവറിന് ആഘാതം വരുത്തിവെക്കാത്തത്. ഇടിമിന്നലുകളെ ആകര്ഷിക്കുന്നതിനായി ഈ തണ്ടുകള് ടവറിന്റെ ഏറ്റവും ഉയര്ന്ന സ്ഥാനത്താണ് സ്ഥാപിച്ചിരിക്കുന്നത്. മിന്നല് അടിക്കുമ്പോള്, തണ്ടുകള് ദശലക്ഷക്കണക്കിന് വോള്ട്ട് ഊര്ജ്ജത്തെ ചെമ്പ് അല്ലെങ്കില് അലുമിനിയം കേബിളുകള് വഴി ഭൂമിയിലേക്ക് സുരക്ഷിതമായി എത്തിക്കുന്നു.
മക്ക ക്ലോക്ക് ടവര് സമുച്ചയത്തില് റെസിഡന്ഷ്യല് കെട്ടിടങ്ങള്, അബ്രാജ് അല് ബൈത്ത് ഷോപ്പിംഗ് സെന്റര്, ഹജ് തീര്ഥാടകര്ക്ക് ഭക്ഷണം നല്കുന്ന ഫെയര്മോണ്ട് ഹോട്ടല്സ് ആന്ഡ് റിസോര്ട്ട്സ് നടത്തുന്ന പഞ്ചനക്ഷത്ര ഹോട്ടല് എന്നിവ ഉള്പ്പെടുന്നു. കോംപ്ലക്സ് ആയിരത്തിലധികം പാര്ക്കിംഗ് സ്ഥലങ്ങളും ഉണ്ട്.
Click it and Unblock the Notifications
Sign in with Google