ലുലു ഗ്രൂപ്പ് സ്വന്തമാക്കിയത് യുഎഇ ധനമന്ത്രാലയത്തിന്റെ വന് കരാർ: ജിസിസിയില് ഇത് ആദ്യം
ലുലു ഹൈപ്പർമാർക്കറ്റുമായി സുപ്രധാനമായ കരാറില് ഒപ്പിട്ട് യു എ ഇ സർക്കാർ. സർക്കാറിന്റെ ഡിജിറ്റൽ സംഭരണ സംവിധാനത്തിന്റെ കാര്യക്ഷമത വർദ്ധിപ്പിക്കുന്നതിനുള്ള കാരറിലാണ് ലുലുവും യു എ ഇ ധനമന്ത്രാലയാലും കഴിഞ്ഞ ദിവസം ഒപ്പുവെച്ചിരിക്കുന്നത്. ഈ കരാർ വഴി ഫെഡറൽ സ്ഥാപനങ്ങൾക്ക് ഡിജിറ്റൽ സംഭരണ പ്ലാറ്റ്ഫോമിലൂടെ മത്സരാധിഷ്ഠിത വിലയിൽ വിപുലമായ തോതിലുള്ള ഉൽപ്പന്നങ്ങൾ ലഭ്യമാക്കും. ദുബായില് നടന്ന കരാർ ഒപ്പിടല് ചടങ്ങില് ധനകാര്യകാര്യ സഹമന്ത്രി എച്ച്.ഇ. മുഹമ്മദ് ബിൻ ഹാദി അൽ ഹുസൈനി, ലുലു ഗ്രൂപ്പ് ഇന്റർനാഷണലിന്റെ ചെയർമാനും മാനേജിങ് ഡയറക്ടറുമായ യൂസഫ് അലി എന്നിവരും പങ്കെടുത്തു.
കരാർ പ്രാബല്യത്തില് വരുന്നതോടെ സർക്കാർ സ്ഥാപനങ്ങള്ക്ക് ലുലു വഴി ഉയർന്ന ഗുണനിലവാരമുള്ള ഉല്പന്നങ്ങള് ലഭ്യമാക്കും. ലുലുവിനെ സംബന്ധിച്ച് ഇത്തരമൊരു കരാർ ഏറെ നിർണ്ണായകമാണ്. ഡിജിറ്റൽ സംഭരണ പ്ലാറ്റ്ഫോം ഉപയോഗിക്കുന്ന ഫെഡറൽ സ്ഥാപനങ്ങൾക്ക് പ്രത്യേക ഇളവുകളും ഓഫറുകളും ലഭിക്കും. ഇത് പൊതുചെലവിന്റെ കാര്യക്ഷമത വർദ്ധിപ്പിക്കുകയും മെച്ചപ്പെട്ട മൂല്യം ഉറപ്പാക്കുകയും ചെയ്യുമെന്നും പ്രതീക്ഷിക്കുന്നു.
കരാർ വഴി ഫെഡറൽ സ്ഥാപനങ്ങൾക്ക് പ്ലാറ്റ്ഫോമിന്റെ സഹായത്തോടെ വിതരണക്കാരന്റെ പേജിലേക്ക് നേരിട്ട് എത്താൻ സാധിക്കപ്പെടും. ഇതിലൂടെ സംഭരണ പ്രക്രിയകൾ വേഗത്തിലാവുകയും സുതാര്യത വർദ്ധിപ്പിക്കുയും ചെയ്യുന്നു. കൂടാതെ, ഡിജിറ്റൽ സംഭരണ സംവിധാനത്തിൽ അംഗീകൃത വിതരണക്കാരുടെ ശൃംഖല വിപുലീകരിക്കാനുള്ള ധനമന്ത്രാലയത്തിന്റെ ശ്രമങ്ങളെ ഈ കരാർ പിന്തുണയ്ക്കും.
"ഈ തന്ത്രപരമായ കരാർ, ഫെഡറൽ ഗവൺമെന്റിന്റെ കൂടുതൽ വഴക്കമുള്ളതും സുസ്ഥിരവുമായ ബിസിനസ് മോഡലുകൾ എന്ന ദർശനത്തിന് അനുസൃതമായി ഗവൺമെന്റ് സംഭരണ സംവിധാനത്തിന്റെ കാര്യക്ഷമത വർദ്ധിപ്പിക്കാനുള്ള ധനമന്ത്രാലയത്തിന്റെ തുടർച്ചയായ ശ്രമങ്ങളുടെ ഭാഗമാണ്. ഈ പങ്കാളിത്തത്തിലൂടെ, ഫെഡറൽ സ്ഥാപനങ്ങളുടെ ആവശ്യങ്ങൾ നിറവേറ്റുന്ന വൈവിധ്യമാർന്ന, ഉയർന്ന ഗുണനിലവാരമുള്ള ഓപ്ഷനുകൾ നൽകാനും സുതാര്യതയും മത്സരക്ഷമതയും പ്രോത്സാഹിപ്പിക്കാനും ഞങ്ങൾ ലക്ഷ്യമിടുന്നു." എച്ച്.ഇ. മുഹമ്മദ് ബിൻ ഹാദി അൽ ഹുസൈനി പറഞ്ഞു.
"ലുലു ഗ്രൂപ്പുമായുള്ള ഈ സഹകരണം, സ്വകാര്യ മേഖലയുമായുള്ള പങ്കാളിത്ത ശൃംഖല വിപുലീകരിക്കാനും യുഎഇയുടെ സാമ്പത്തിക വികസനത്തിൽ പ്രധാന പങ്കാളിയായി ശക്തിപ്പെടുത്താനുമുള്ള മന്ത്രാലയത്തിന്റെ ശ്രമങ്ങളിൽ ഒരു സുപ്രധാന ചുവടുവയ്പാണ്. ചെലവ് കാര്യക്ഷമത വർദ്ധിപ്പിക്കുന്നതിനും, വിതരണ തുടർച്ച ഉറപ്പാക്കുന്നതിനും, സ്മാർട്ട്, സംയോജിത, സുസ്ഥിര ധന സംവിധാനത്തിനുള്ള ഗവൺമെന്റിന്റെ ദർശനത്തെ പിന്തുണയ്ക്കുന്നതിനും വേണ്ടി നൂതന ഡിജിറ്റൽ പരിഹാരങ്ങൾ സ്വീകരിക്കാനുള്ള ഞങ്ങളുടെ പ്രതിബദ്ധത ഇത് പ്രതിഫലിപ്പിക്കുന്നു." എന്നും അദ്ദേഹം കൂട്ടിച്ചേർത്തു.
"ഈ തന്ത്രപരമായ കരാറിന്റെ ഭാഗമായി ധനമന്ത്രാലയവുമായി സഹകരിക്കുന്നതിൽ ഞങ്ങൾ അഭിമാനിക്കുന്നു. ഇത് പൊതു-സ്വകാര്യ പങ്കാളിത്തം ശക്തിപ്പെടുത്തുന്നതിനും യുഎഇയുടെ ഫെഡറൽ ഡിജിറ്റൽ സംഭരണ സംവിധാനത്തിന്റെ വികസനത്തിന് സംഭാവന നൽകുന്നതിനുമുള്ള ഒരു സുപ്രധാന ചുവടുവയ്പാണ്. മത്സരാധിഷ്ഠിത വിലയിൽ ഉയർന്ന ഗുണനിലവാരമുള്ള ഉൽപ്പന്നങ്ങൾ നൽകുന്നതിലൂടെ, വിഭവ മാനേജ്മെന്റിൽ കാര്യക്ഷമതയും സുസ്ഥിരതയും കൈവരിക്കാനുള്ള ഗവൺമെന്റിന്റെ കാഴ്ചപ്പാടിനെ ഞങ്ങളും പിന്തുണയ്ക്കുന്നു" എന്നായിരുന്നു ലുലു ഗ്രൂപ്പ് ചെയർമാന് എം എ യൂസഫലിയുടെ പ്രതികരണം.
ഡിജിറ്റൽ സംഭരണ പ്ലാറ്റ്ഫോമിനും ലുലു ഗ്രൂപ്പിന്റെ വെബ്സൈറ്റിനും ഇടയിലുള്ള 'പഞ്ച് ഔട്ട്' ഫീച്ചർ ആരംഭിക്കുന്നത് ഇ-സംഭരണ പ്രക്രിയകളുടെ സംയോജനത്തിൽ ഒരു ഗുണപരമായ മുന്നേറ്റമാണ്. എല്ലാ പങ്കാളികൾക്കും പ്രയോജനകരമായ ഈ ഫലപ്രദമായ സഹകരണം തുടരാൻ ഞങ്ങൾ ആഗ്രഹിക്കുന്നുവെന്നും അദ്ദേഹം പറഞ്ഞു.
കരാർ ഒപ്പിടൽ ചടങ്ങിനോടനുബന്ധിച്ച്, ധനമന്ത്രാലയം "പഞ്ച് ഔട്ട്" എന്ന പുതിയ ഡിജിറ്റൽ നാവിഗേഷൻ സംവിധാനവും ആരംഭിച്ചു,.ഇത് ഡിജിറ്റൽ സംഭരണ പ്ലാറ്റ്ഫോമിനെ ലുലു ഗ്രൂപ്പിന്റെ ഇ-കൊമേഴ്സ് പ്ലാറ്റ്ഫോമുമായി ബന്ധിപ്പിക്കുന്നു. 'പഞ്ച് ഔട്ട് ഫീച്ചർ ഫെഡറൽ സ്ഥാപനങ്ങളിലെ ഉപയോക്താക്കളെ ഡിജിറ്റൽ സംഭരണ സംവിധാനത്തിലൂടെ വിതരണക്കാരന്റെ ഇ-കൊമേഴ്സ് പ്ലാറ്റ്ഫോമിലേക്ക് നേരിട്ട് നാവിഗേറ്റ് ചെയ്യാനും, ഉൽപ്പന്നങ്ങൾ തിരഞ്ഞെടുക്കാനും, ഓർഡറുകൾ സമർപ്പിക്കാനും, സംഭരണ പ്രക്രിയ സുഗമമായും കാര്യക്ഷമമായും പൂർത്തിയാക്കാനും പ്രാപ്തമാക്കുന്നു.' അധികൃതർ വ്യക്തമാക്കി.
പഞ്ച് ഔട്ട് ഫീച്ചർ ആക്ടിവേറ്റ് ചെയ്യുന്ന ആദ്യ വിതരണക്കാരിൽ ഒന്നാണ് ലുലു ഹൈപ്പർമാർക്കറ്റ്, ഇത് ഡിജിറ്റൽ പ്ലാറ്റ്ഫോമിന്റെ പ്രമുഖ പ്രാദേശിക വിതരണക്കാരുമായുള്ള സംയോജനത്തിന്റെ തുടർച്ചയായ വിപുലീകരണത്തെ പ്രതിഫലിപ്പിക്കുന്നുവെന്നും സർക്കാർ വ്യത്തങ്ങള് പറഞ്ഞു.
Click it and Unblock the Notifications
Sign in with Google