ലുലു ഗ്രൂപ്പിനെ തൊടാന്‍ ആരുമില്ല; അത് അങ്ങ് കുവൈത്തില്‍ ആയാലും: അഞ്ചില്‍ ഏറ്റവും ആദ്യം

Updated: Tuesday, September 9, 2025, 8:41 [IST]

ഏത് ഒരു രാജ്യത്തേയും പോലും കുവൈത്തിലും സമീപ കാലത്തായി നിരവധി ഹൈപ്പർ മാർക്കറ്റ് ശൃംഖലകളാണ് ഉയർന്ന് വന്നിരിക്കുന്നത്. വീട്ടുപകരണങ്ങൾ മുതൽ രുചികരമായ ഭക്ഷണവിഭവങ്ങൾ വരെ, പ്രാദേശികവും വിദേശികളുമായ ഷോപ്പർമാർക്ക് ആവശ്യമായ എല്ലാം ഈ സ്റ്റോറുകൾ ഒരു കുടക്കീഴിൽ നൽകുന്നു. കുവൈത്തിന്റെ റീട്ടെയിൽ മേഖല കഴിഞ്ഞ കുറച്ച് വർഷങ്ങളായി ശക്തമായ വളർച്ച കൈവരിച്ചിട്ടുണ്ടെന്നും കണക്കുകള്‍ വ്യക്തമാക്കുന്നു.

കുവൈത്തിന്റെ വ്യാപാര കേന്ദ്രമെന്ന നിലയിലുള്ള തന്ത്രപ്രധാനമായ സ്ഥാനം, വിവിധ രാജ്യങ്ങളിൽ നിന്നുള്ള ഉൽപ്പന്നങ്ങൾ ലഭ്യമാക്കാൻ ഹൈപ്പർമാർക്കറ്റുകളെ കൂടുതല്‍ പ്രാപ്തമാക്കുന്നു. ഓൺലൈൻ സൂപ്പർമാർക്കറ്റുകളുടെ വർദ്ധനവ് ഷോപ്പിംഗിനെ കൂടുതൽ സൗകര്യപ്രദമാക്കിയിട്ടുണ്ട്. ഇതിലുടെ അതിവേഗത്തിലുള്ള ഷോപ്പിങും ഉപഭോക്താക്കള്‍ക്ക് സാധ്യമാകുന്നു. ഇവിടെ കുവൈത്തിലെ ഏതാനും മുന്‍നിര ഹൈപ്പർ മാർക്കറ്റുകളെയാണ് ഇനി പരിചയപ്പെടുത്തുന്നത്.

1. ലുലു ഹൈപ്പർമാർക്കറ്റ്

കുവൈത്തിലെ ഏറ്റവും ജനപ്രിയമായ ഷോപ്പിംഗ് കേന്ദ്രങ്ങളിലൊന്നാണ് മലയാളികളുടെ സ്വന്തം യൂസഫ് അലിയുടെ ലുലു ഹൈപ്പർമാർക്കറ്റ്. പഴങ്ങൾ, പച്ചക്കറികൾ, ഓർഗാനിക് ഉൽപ്പന്നങ്ങൾ, ഇലക്ട്രോണിക്സ്, ഫാഷൻ, വീട്ടുപകരണങ്ങൾ എന്നിവയുൾപ്പെടെ വൈവിധ്യമാർന്ന ഉൽപ്പന്നങ്ങൾ ഇവിടെ ലഭ്യമാണ്. ഉയർന്ന ഗുണനിലവാരവും ഇടയ്ക്കിടെയുള്ള ഡിസ്കൗണ്ടുകളും ബജറ്റ് ഷോപ്പർമാർക്ക് ലുലുവിനെ പ്രിയപ്പെട്ടതാക്കുന്നു.

2. ഫറാസ് ഹൈപ്പർമാർക്കറ്റ്

ലുലുവുമായി താരതമ്യം ചെയ്യുമ്പോള്‍ അല്‍പംകൂടെ പ്രീമിയം ഉപഭോക്താക്കളെ ലക്ഷ്യം വെക്കുന്ന സ്ഥാപനമാണ് ഫറാസ്. പ്രീമിയം പഴങ്ങളും പച്ചക്കറികളും, അന്തർദേശീയ വിഭവങ്ങൾ, പ്രാദേശിക ഉൽപ്പന്നങ്ങൾ എന്നിവ ഇവിടെ സുലഭമായി ലഭിക്കും. ഇറാനിയൻ ഉൽപ്പന്നങ്ങളിൽ താൽപ്പര്യമുള്ളവർക്ക് ഫറാസ് മികച്ച തിരഞ്ഞെടുപ്പായാരിക്കും. ഉയർന്ന മാനദണ്ഡങ്ങൾ, സീസണൽ ഡിസ്കൗണ്ടുകൾ, എക്സ്ക്ലൂസീവ് ഓഫറുകൾ എന്നിവ ഫറാസിനേയും വേറിട്ടതാക്കുന്നു. ഇറാനിയൻ പഴങ്ങൾ, പച്ചക്കറികൾ, പിസ്ത, കുങ്കുമം, ഖർജൂരം തുടങ്ങിയവയും ഇവിടെ ലഭ്യമാണ്.

3. ഗ്രാൻഡ് ഹൈപ്പർമാർക്കറ്റ്

വിലക്കുറവും മികച്ച ഉപഭോക്തൃ സേവനവും കൊണ്ട് പ്രശസ്തമായ ഹൈപ്പർമാർക്കറ്റാണ് ഗ്രാൻഡ്. ഇറക്കുമതി ചെയ്തതും പ്രാദേശികവുമായ ഉൽപ്പന്നങ്ങളുടെ വിശാലമായ ശ്രേണി ഇവിടെ ലഭ്യമാണ്. പതിവായി നടക്കുന്ന പ്രൊമോഷണൽ ഇവന്റുകളും ഡിസ്കൗണ്ടുകളും ബൾക്ക് ഷോപ്പർമാർക്ക് ഇതിനെ ആകർഷകമാക്കുന്നു.

4. കാരിഫോർ

ആഗോള റീട്ടെയിൽ ഭീമനായ കാരിഫോറാണ് കുവൈത്തിൽ വിശ്വസനീയമായ മറ്റൊരു ഹൈപ്പർമാർക്കറ്റ്. പുതിയ ബേക്കറി ഉൽപ്പന്നങ്ങൾ, ഗുണനിലവാരമുള്ള മാംസം, കടൽ ഭക്ഷണം, അന്തർദേശീയ ഉൽപ്പന്നങ്ങൾ എന്നിവ ഇവിടെ ലഭ്യമാണ്. ലോയൽറ്റി പ്രോഗ്രാമുകൾ, പ്രതിവാര ഓഫറുകൾ, ഓൺലൈൻ ഷോപ്പിംഗ് സൗകര്യം എന്നിവ തിരക്കുള്ള ഷോപ്പർമാർക്ക് കാരിഫോറിനെ സൗകര്യപ്രദമാക്കുന്നു.

5. സിറ്റി ഹൈപ്പർമാർക്കറ്റ്

സിറ്റി ഹൈപ്പർമാർക്കറ്റും മികച്ച വിലക്കുറവും വൈവിധ്യമാർന്ന ഉൽപ്പന്നങ്ങളും കൊണ്ട് ശ്രദ്ധേയമാണ്. വീട്ടുപകരണങ്ങൾ, പുതിയ പലചരക്ക് സാധനങ്ങൾ, പേഴ്സണൽ കെയർ ഉൽപ്പന്നങ്ങൾ എന്നിവ ഇവിടെ ലഭ്യമാണ്. സീസണൽ സെയിലുകളും ബണ്ടിൽ ഓഫറുകളും ഷോപ്പർമാർക്ക് കൂടുതൽ ആനുകൂല്യങ്ങള്‍ ഉറപ്പാക്കുന്നു.