പ്രവാസികള് കബളിക്കപ്പെടരുത്: റിക്രൂട്ട്മെന്റ് നിയന്ത്രണങ്ങള്ക്കായി പുതിയ സ്ഥാപനവുമായി ഒമാന്
മസ്കറ്റ്: പ്രവാസി തൊഴിലാളികളെ നിയമിക്കുന്ന ഏജൻസികളെ നിയന്ത്രിക്കാനായി പുതിയ സ്ഥാപനം രൂപീകരിച്ച് ഒമാൻ. "അസോസിയേഷൻ ഓഫ് എക്സ്പാട്രിയേറ്റ് വർക്കർ റിക്രൂട്ട്മെന്റ് ഓഫീസസ്" എന്ന പേരിലാണ് പുതിയ സ്ഥാപനത്തിന് രൂപം നല്കിയിരിക്കുന്നത്. . സർക്കാർ ഏജൻസികൾക്കൊപ്പം ചേർന്ന് റിക്രൂട്ട്മെന്റ് രീതികൾ ഏകീകരിക്കുകയും സുരക്ഷിതത്വം ഉറപ്പാക്കുകയും ലൈസൻസില്ലാതെ പ്രവർത്തിക്കുന്ന ഏജൻസികളെ തടയുകയുമാണ് പ്രധാന ലക്ഷ്യം. ഒമാനിലെയും വിദേശത്തെയും സർക്കാർ സ്ഥാപനങ്ങളുമായി ഏകോപിപ്പിച്ച് നയങ്ങൾ രൂപീകരിക്കുകയും ലൈസൻസുള്ള ഏജൻസികളുടെ അവകാശങ്ങൾ സംരക്ഷിക്കുകയും ചെയ്യും.
പ്രവാസി തൊഴിലാളികളുമായി ബന്ധപ്പെട്ട തർക്കങ്ങൾ വേഗത്തിൽ പരിഹരിക്കുന്നതിലും സ്ഥാപനം പ്രത്യേക ശ്രദ്ധ ചെലുത്തും. വിദേശ എംബസികളുമായി വിദേശകാര്യ മന്ത്രാലയത്തിലൂടെ ബന്ധപ്പെട്ട് പരിഹാര മാർഗങ്ങൾ ഉപയോഗിച്ച് കേസുകൾ കോടതി വരെയെത്താതെ തീർപ്പാക്കും. യോഗ്യതയുള്ള തൊഴിലാളികളെ നിയന്ത്രിത ചാനലുകളിലൂടെ ഒമാനിലെത്തിക്കാൻ സർക്കാരിനെ സഹായിക്കുകയും തൊഴിൽ കയറ്റുമതി രാജ്യങ്ങളുമായുള്ള ധാരണാപത്രങ്ങൾ സാധൂകരിക്കുകയും വിവിധ ദേശീയതകളിൽ നിന്നുള്ള റിക്രൂട്ട്മെന്റ് പൈപ്പ്ലൈനുകൾ വിപുലീകരിക്കുകയും ചെയ്യും. ലൈസൻസില്ലാത്ത ഏജൻസികളെ കണ്ടെത്തി ഇല്ലാതാക്കാനും അധികൃതരുമായി ചേർന്ന് കർശന നടപടി സ്വീകരിക്കും.
12 അംഗ ഭരണസമിതിയായിരിക്കും സ്ഥാപനത്തെ നയിക്കുക. അംഗങ്ങൾക്ക് രണ്ട് വർഷം കാലാവധിയുണ്ടാകും. ഒരു തവണ മാത്രം പുനർനിയമനം സാധ്യമാണ്. ആദ്യ ജനറൽ അസംബ്ലിയിൽ സ്ഥാപക അംഗങ്ങൾക്ക് ഭരണസമിതിയിലേക്ക് മത്സരിക്കാം. അംഗത്വ ഫീസ്, സർക്കാർ സബ്സിഡി, അംഗീകൃത സംഭാവനകൾ, പ്രവർത്തനങ്ങളിൽ നിന്നുള്ള വരുമാനം തുടങ്ങിയവയിൽ നിന്നാണ് ധനസമാഹരണം.
ഒമാനിലെ തൊഴിൽ വിപണിയിലെ സുതാര്യതയും നിയമവാഴ്ചയും ഉറപ്പാക്കുന്നതിനുള്ള നിർണായക ചുവടുവയ്പാണ് ഈ പുതിയ അസോസിയേഷൻ. പ്രവാസി തൊഴിലാളികൾക്കും ലൈസൻസുള്ള ഏജൻസികൾക്കും ഇത് വലിയ ആശ്വാസമാകുമെന്നാണ് പ്രതീക്ഷിക്കുന്നത്.
അതേസമയം, ഒമാൻ സ്വന്തമായി ആദ്യ ആശയവിനിമയ ഉപഗ്രഹം വിക്ഷേപിക്കുന്നതിനുള്ള ചരിത്രപരമായ കരാറിൽ ഒമാൻ ഒപ്പുവച്ചു. ഗതാഗതം, ആശയവിനിമയം, വിവരസാങ്കേതിക മന്ത്രാലയവും യൂറോപ്യൻ ബഹിരാകാശ കമ്പനിയായ എയർബസ് ഡിഫൻസ് ആൻഡ് സ്പേസും തമ്മിലാണ് കരാർ ഒപ്പുവച്ചത്. ഉപഗ്രഹത്തിന്റെ രൂപകൽപന, നിർമാണം, വിക്ഷേപണം എന്നിവയെല്ലാം ഈ കരാറിന്റെ ഭാഗമാണ്. കരാർ ഒപ്പുവയ്ക്കൽ ചടങ്ങിൽ ഗതാഗതം, ആശയവിനിമയം, വിവരസാങ്കേതിക മന്ത്രി എഞ്ചി. സയീദ് ബിൻ ഹമൂദ് അൽ മഅ്വലി ഉൾപ്പെടെ നിരവധി മന്ത്രിമാർ, മുതിർന്ന സർക്കാർ ഉദ്യോഗസ്ഥർ, സുരക്ഷാ ഏജൻസി പ്രതിനിധികൾ തുടങ്ങിയവർ സന്നിഹിതരായിരുന്നു.
-
യുഎഇയെ ഫുജൈറ രക്ഷിക്കും; വെട്ടിലായത് സൗദി അറേബ്യയും ഖത്തറും കുവൈത്തും, ഇതാണ് കാരണം -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
ഈദുല് ഫിതര് മാര്ച്ച് 20നാണോ? സൗദി അറേബ്യയിലും കേരളത്തിലും ഒരേ ദിവസമാകുമോ പെരുന്നാള് -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു
Click it and Unblock the Notifications
Sign in with Google