ഒമാന് പ്രവാസികളുടെ ശ്രദ്ധയ്ക്ക്; ഗ്രേസ് പിരീഡ് അവസാനിക്കുന്നു, ശേഷം വന് പിഴ ഒടുക്കേണ്ടി വരും
മസ്കത്ത്: നിയമ ലംഘകര്ക്കും വിസ കാലാവധി പൂര്ത്തിയായവര്ക്കും രേഖകള് ശരിയാക്കുന്നതിനുള്ള ഗ്രേസ് പിരീഡ് ജൂലൈ 31ന് അവസാനിക്കും. കാലാവധി കഴിഞ്ഞാല് ഇളവുകള് നല്കില്ല. ഉയര്ന്ന പിഴ ചുമത്തുകയും നിയമ നടപടികള് നേരിടേണ്ടി വരികയും ചെയ്യും. രേഖകള് ശരിയാക്കി ഒമാനില് തുടരുകയോ അല്ലെങ്കില് നിയമപരമായി രാജ്യം വിടുകയോ ചെയ്യാനുള്ള അവസരമണിത്.
തൊഴിലാളികള്, തൊഴില് ഉടമകള് എന്നിവര്ക്ക് രേഖകള് നിയമപരമാക്കാം. തൊഴില് മന്ത്രാലയത്തിന്റെ അംഗീകാരത്തോടെയാകും നടപടികള്. പ്രവാസികള്ക്ക് താമസ രേഖ ശരിയാക്കാനും ജോലി മാറുന്നതിനും ഇപ്പോള് സാധ്യമാണ്. ജൂലൈ 31ന് ശേഷം രേഖകള് നിയമപരമാക്കിയില്ലെങ്കില് ഓരോ ദിവസത്തെ അധിക താമസത്തിന് പിഴ ഒടുക്കേണ്ടി വരും. നാടുകടത്തിലും യാത്രാ നിരോധനവും ചുമത്തുകയും ചെയ്യും.
രേഖകള് നിയമപരമാക്കി ഒമാനില് തുടരുകയോ രാജ്യം വിട്ടുപോകുകയോ ആകാം. തൊഴില് മന്ത്രാലയം വഴിയാണ് നടപടികള് മുന്നോട്ട് നീക്കണ്ടത്. അപേക്ഷകള് നല്കിയാല് ഒരാഴ്ച്ചയ്ക്കകം രേഖകള് ശരിയാകും. പിഴ ഒടുക്കേണ്ടി വരില്ല. അതേസമയം, ക്രിമിനല് കുറ്റകൃത്യങ്ങളില്പ്പെട്ടവര്ക്ക് ഇളവ് ലഭിക്കില്ല എന്ന് ഒമാന് പോലീസ് അറിയിച്ചിട്ടുണ്ട്. ഫെബ്രുവരി ഒന്ന് മുതല് തുടങ്ങിയ ഗ്രേസ് പിരീഡ് ആണ് ജൂലൈ 31ന് അവസാനിക്കുന്നത്.
തൊഴിലാളികള് നിയമം ലംഘിച്ച് ഒമാനില് തുടരുന്നുണ്ടെങ്കില് തൊഴില് ഉടമയ്ക്ക് തൊഴില് മന്ത്രാലയം വഴി നടപടികള് സ്വീകരിക്കാം. പിഴ ഒടുക്കാതെ കമ്പനികള്ക്കും തൊഴിലാളിക്കും നടപടികള് പൂര്ത്തിയാക്കാം. നിരവധി പേര് ഗ്രേസ് പിരീഡ് അവസരം ഉപയോഗപ്പെടുത്തിയിട്ടുണ്ട്. എത്ര പേരാണ് രേഖകള് നിയമപരമാക്കിയത് എന്ന കണക്ക് ജൂലൈ 31ന് ശേഷം അധികൃതര് പുറത്തുവിടും.
ഒമാന് സര്ട്ടിഫിക്കറ്റ് നിര്ബന്ധമാക്കുന്നു
ഓഗസ്റ്റ് ഒന്ന് മുതല് യോഗ്യത തെളിയിക്കുന്ന രേഖ എഞ്ചിനിയര്മാര്ക്ക് നിര്ബന്ധമാക്കാന് തീരുമാനിച്ചു. ഒമാന് സൊസൈറ്റി ഓഫ് എഞ്ചിനിയേഴ്സ് (ഒഎസ്ഇ) നല്കുന്ന അക്രഡിറ്റേഷന് സര്ട്ടിഫിക്കറ്റാണ് നിര്ബന്ധമാക്കുന്നത്. സര്ട്ടിഫിക്കറ്റ് ഇല്ലാത്തവര്ക്ക് ഓഗസ്റ്റ് ഒന്ന് മുതല് വര്ക്ക് പെര്മിറ്റ് പുതുക്കി നല്കില്ല. പുതിയ ജോലി ലഭിച്ച് എത്തുന്ന എഞ്ചിനിയര്മാര്ക്കും ഈ നിബന്ധന ബാധകമാണ്.
സെക്ടര് സ്കില് യൂണിറ്റ് (എസ്എസ്യു) അംഗീകരിച്ച സര്ട്ടിഫിക്കറ്റ് ആണ് എഞ്ചിനിയര്മാര്ക്ക് ഉണ്ടാകേണ്ടത്. സര്ട്ടിഫിക്റ്റ് കിട്ടാന് ഓണ്ലൈന് വഴി അപേക്ഷ സമര്പ്പിക്കണം. സെപ്തംബര് ഒന്ന് മുതല് കൂടുതല് തൊഴില് മേഖലയിലേക്ക് സര്ട്ടിഫിക്കറ്റ് നിര്ബന്ധമാക്കും. അക്കൗണ്ടിങ്, ഫിനാന്സ്, ഓഡിറ്റര് തുടങ്ങി 20 തൊഴില് മേഖലയാണ് അടുത്ത ഘട്ടത്തില് ഈ പരിധിയില്പ്പെടുത്തുക.
ബംഗ്ലാദേശ്, ഇന്ത്യ, പാകിസ്താന് എന്നീ രാജ്യങ്ങളില് നിന്നുള്ള തൊഴിലാളികളാണ് ഒമാനില് കൂടുതലുള്ളത്. അതുകൊണ്ടുതന്നെ പുതിയ നിര്ദേശങ്ങള് ഈ രാജ്യങ്ങളില് നിന്നുള്ളവര് അറിഞ്ഞിരിക്കണം. തൊഴില് രംഗം കൂടുതല് കാര്യക്ഷമമാക്കുക എന്ന ലക്ഷ്യത്തോടെയാണ് ഒമാന്റെ തൊഴില് മന്ത്രാലയം പുതിയ നടപടികള് സ്വീകരിക്കുന്നത്.
Click it and Unblock the Notifications
Sign in with Google