ഒമാനിലേക്ക് ഫിലിപ്പിനോകള് ഒഴുകും; പ്രത്യേക ഇളവ് പ്രഖ്യാപിച്ചു, ഇന്ത്യക്കാര്ക്ക് തിരിച്ചടിയോ
മസ്ക്കത്ത്: വിദേശികളെ കൂടുതല് ആകര്ഷിക്കുന്ന പദ്ധതിയുമായി ഒമാന് ഭരണകൂടം. ഫിലിപ്പീന്സ് പൗരന്മാര്ക്ക് പ്രത്യേക ഇളവ് പ്രഖ്യാപിച്ചു. ഫിലിപ്പിനോകള്ക്ക് ഒമാനിലേക്ക് വരാന് ഇനി വിസ ആവശ്യമില്ല. ഏത് സമയവും വരാം, രണ്ടാഴ്ച താമസിക്കാം. ടൂറിസം മേഖല പരിപോഷിപ്പിക്കുകയാണ് ഒമാന് ഭരണകൂടത്തിന്റെ ലക്ഷ്യം. ജോലിയിലെ ഇളവല്ലാത്തതിനാല് ഇന്ത്യക്കാര്ക്ക് ഇക്കാര്യത്തില് ആശങ്കയ്ക്ക് വകയില്ല.
ഫിലിപ്പിന്സിലെ ഒമാനി എംബസിയില് നടന്ന ഒമാന് ദേശീയ ദിനാഘോഷത്തിലാണ് ഇതുസംബന്ധിച്ച പ്രഖ്യാപനമുണ്ടായത്. ഇരുരാജ്യങ്ങളും തമ്മില് ബന്ധം കൂടുതല് ദൃഢമാക്കുന്നു എന്നാണ് മനസിലാകുന്നത്. 2026 ജനുവരി മുതലാണ് പുതിയ ഇളവ് പ്രാബല്യത്തില് വരിക. ഫിലിപ്പിനോകള്ക്ക് വിസ ഇല്ലാതെ പ്രവേശനം അനുവദിക്കുന്ന പശ്ചിമേഷ്യയിലെ ആദ്യ രാജ്യമാണ് ഒമാന് എന്ന് അംബസഡര് നാസര് സെയ്ദ് അബ്ദുല് അല് മന്വരി പറഞ്ഞു.
രണ്ടാഴ്ച താമസിക്കാനാണ് വിസ ആവശ്യമില്ലാത്തത്. അതേസമയം, അതില് കൂടുതല് താമസിക്കണം എങ്കില് വിസ എടുക്കേണ്ടി വരും. മനിലയില് നിന്ന് മസ്ക്കത്തിലേക്ക് നേരിട്ടുള്ള വിമാന സര്വീസ് നിലവിലുണ്ട്. ഇതിന്റെ എണ്ണം വര്ധിപ്പിക്കുന്ന പരിഗണനയിലാണ്. യാത്രക്കാര് വര്ധിക്കുമെന്ന പ്രതീക്ഷയിലാണ് വിമാന സര്വീസ് എണ്ണം വര്ധിപ്പിക്കുന്നത്. ഫിലിപ്പീന്സിലെ മറ്റു നഗരങ്ങളില് നിന്നും മസ്ക്കത്തിലേക്ക് വിമാന സര്വീസ് ഒരുക്കും.
പശ്ചിമേഷ്യയില് മറ്റു രാജ്യങ്ങളില് നിന്ന് ഒമാനെ വ്യത്യസ്തമാക്കുന്നത് രാജ്യത്തിന്റെ ഭൂപ്രകൃതിയാണ് എന്ന് അംബാസഡര് പറഞ്ഞു. തീരദേശവും മരുഭൂമിയും മലയോര മേഖലയിലും ഒമാനിലുണ്ട്. മാത്രമല്ല, സാഹസിക യാത്ര ലക്ഷ്യമിടുന്നവര്ക്കുള്ള അവസരങ്ങളും ഒമാനിലുണ്ട് എന്നും അംബാസഡര് കൂട്ടിച്ചേര്ത്തു. ഒമാനിലെ ടൂറിസം വകുപ്പിന്റെ വിവിധ പരിപാടികള് ഫിലിപ്പീന്സില് സംഘടിപ്പിക്കും.
ഒമാനും ഫിലിപ്പീന്സും തമ്മിലുള്ള ബന്ധം
ഒമാനും ഫിലിപ്പീന്സും തമ്മിലുള്ള ബന്ധം വളരെ ശക്തമാണ്. 1980 ഒക്ടോബറിലാണ് ഒമാനും ഫിലിപ്പീന്സും തമ്മില് ഔദ്യോഗിക നയതന്ത്ര ബന്ധം സ്ഥാപിച്ചത്. മസ്കറ്റില് ഫിലിപ്പീന്സ് എംബസിയും മനിലയില് ഒമാന് എംബസിയും പ്രവര്ത്തിക്കുന്നുണ്ട്. ഇരുരാജ്യങ്ങളും തമ്മിലുള്ള ബന്ധത്തിലെ ഏറ്റവും പ്രധാന കണ്ണി തൊഴില് മേഖലയാണ്.
ഒമാനില് വലിയൊരു വിഭാഗം ഫിലിപ്പിനോ പ്രവാസികള് ജോലി ചെയ്യുന്നുണ്ട്. എഞ്ചിനീയറിംഗ്, ആരോഗ്യരംഗം (നഴ്സുമാര്), വീട്ടുജോലികള്, ഹോസ്പിറ്റാലിറ്റി തുടങ്ങിയ മേഖലകളിലാണ് ഇവര് പ്രധാനമായും പ്രവര്ത്തിക്കുന്നത്. തൊഴിലാളികളുടെ സംരക്ഷണത്തിനും അവകാശങ്ങള് ഉറപ്പാക്കുന്നതിനുമായി ഇരുരാജ്യങ്ങളും തൊഴില് കരാറുകളില് ഒപ്പുവെച്ചിട്ടുണ്ട്.
ഒമാന് പ്രധാനമായും എണ്ണ, വാതകം അധിഷ്ഠിത ഉല്പ്പന്നങ്ങള്, ലോഹങ്ങള് എന്നിവയാണ് ഫിലിപ്പീന്സിലേക്ക് കയറ്റുമതി ചെയ്യുന്നത്. ഫിലിപ്പീന്സില് നിന്ന് ഭക്ഷ്യവസ്തുക്കള്, ഇലക്ട്രോണിക്സ്, പഴവര്ഗങ്ങള് എന്നിവ ഒമാനിലേക്ക് എത്തുന്നു. ഒമാന്റെ വികസനത്തില് ഫിലിപ്പിനോ തൊഴിലാളികള്ക്ക് വലിയ പങ്കുണ്ട്. അതുപോലെ, ഫിലിപ്പീന്സിന്റെ സമ്പദ്വ്യവസ്ഥയില് ഒമാനില് നിന്നുള്ള പ്രവാസികളുടെ പണവും നിര്ണായകമാണ്.
-
പശ്ചിമേഷ്യ കത്തുന്നു: സൗദിക്കു നേരെ മിസൈൽ വർഷം, ബഹ്റൈനിലും ആക്രമണം -
സൗദി അറേബ്യ, ഖത്തര് 'ഫോഴ്സ് മഷര്' എടുത്തേക്കും; 3 രാജ്യങ്ങളില് ചര്ച്ച, അമേരിക്ക കുടുങ്ങും -
ഖത്തര് വാതകം തരുന്നത് നിര്ത്തിയാല് എന്തു ചെയ്യും? ഒന്നും സംഭവിക്കില്ലെന്ന് ഇന്ത്യ, ബദല് മാര്ഗം റെഡി -
ഇറാന് നിഷേധിച്ചു; ആ 2 ആക്രമണങ്ങളില് പങ്കില്ല, സൈപ്രസിലെത്തിയത് ഇറാന്റെ ഡ്രോണ് അല്ലെന്ന് യുകെ -
ശമ്പളം മാര്ച്ച് 17ന് കിട്ടും; ചെറിയ പെരുന്നാള് പ്രമാണിച്ച് നീക്കം, വിസ ഇളവ് നല്കാനും യുഎഇ തീരുമാനം -
'ദിലീപേട്ടൻ ആ നടന്റെ പേരിൽ എന്നെ കുറേ കളിയാക്കി, മഞ്ജു ചേച്ചിയും അവിടെ ഉണ്ടായിരുന്നു'; കാവ്യ മാധവൻ പറഞ്ഞത് -
വ്യാപകമായി സ്വർണം വിറ്റഴിച്ച് നിക്ഷേപകർ, സ്വർണവിലയിലെ കുറവ് താൽക്കാലികം മാത്രം, ഇനി വൻ കുതിപ്പ് വരും -
സ്വര്ണം വീണ്ടും താഴോട്ട്; സ്വര്ണവില ഇന്നും കുറഞ്ഞു, രൂപയുടെ കരുത്ത് നേട്ടമായി, ഇന്നത്തെ പവന് വില -
ഗള്ഫില് സ്വര്ണം കുത്തനെ കുതിച്ചു..! ഇന്ത്യയില് കുറയുമ്പോള് ദുബായില് കൂടാന് കാരണമെന്ത്? -
സ്വർണ വില ഗ്രാമിന് 27000ത്തിന് മുകളിലോ, പവൻ 2.15 ലക്ഷത്തിലേക്കും?സ്വർണം കൂടുതൽ ഞെട്ടിക്കാനൊരുങ്ങുന്നു..പ്രവചനം -
സ്വര്ണത്തിന് എന്തുപറ്റി? യുദ്ധം തുടങ്ങി ഒരാഴ്ചയായിട്ടും വില കൂടുന്നില്ല! വാങ്ങിവെച്ചത് മണ്ടത്തരമായോ? -
സ്വർണ വില ഇനി കുത്തനെ താഴേക്കോ? സ്വർണം വാങ്ങുന്നത് കുറച്ച് കേന്ദ്രബാങ്കുകളും..എന്തുപറ്റി? അമ്പരപ്പ്
Click it and Unblock the Notifications
Sign in with Google