ഖത്തര് പൊതുമാപ്പ് പ്രഖ്യാപിച്ചു; ഹമദ് വിമാനത്താവളത്തിലേക്ക് വരാം, നിയമ ലംഘകര്ക്ക് നാട്ടിലെത്താം
ദോഹ: നിയമം ലംഘിച്ച് കഴിയുന്ന പ്രവാസികള്ക്ക് നാട്ടിലേക്ക് മടങ്ങാന് അവസരം പ്രഖ്യാപിച്ച് ഖത്തര്. മൂന്ന് മാസത്തെ ഗ്രേസ് പിരീഡ് പ്രഖ്യാപിച്ചിരിക്കുകയാണ് ഖത്തര് ആഭ്യന്തര മന്ത്രാലയം. വിസാ നിയമം, താമസ നിയമം എന്നിവ ലംഘിച്ച് ഖത്തറില് കഴിയുന്നവര്ക്ക് ഇതൊരു അവസരമാണ്. 2015ലെ നിയമം അടിസ്ഥാനപ്പെടുത്തിയാണ് ആഭ്യന്തര മന്ത്രാലയത്തിന്റെ നടപടി.
ഫെബ്രുവരി ഒമ്പത് മുതലാണ് ഖത്തര് പ്രത്യേക ഇളവ് പ്രഖ്യാപിച്ചിരിക്കുന്നത്. മൂന്ന് മാസം തുടരും. നിയമം ലംഘിച്ച് താമസിക്കുന്നവര്ക്ക് ഹമദ് അന്താരാഷ്ട്ര വിമാനത്താവളത്തിലെ ബന്ധപ്പെട്ട ഉദ്യോഗസ്ഥരെ സമീപിക്കാം.
അല്ലെങ്കില് സാല്വ റോഡിലെ സെര്ച്ച് ആന്റ് ഫോളോ അപ്പ് ഡിപ്പാര്ട്ട്മെന്റിനെയും ബന്ധപ്പെടാം. പ്രവൃത്തി ദിവസങ്ങളില് ഉച്ചയ്ക്ക് ഒരു മണി മുതല് രാത്രി ഒമ്പത് മണി വരെയാണ് ഇതിനുള്ള സൗകര്യമുള്ളത്.
ഖത്തറില് നിന്ന് 4 ആശുപത്രികള്
ഖത്തറിലെ നാല് ആശുപത്രികള് ലോകത്തെ ഏറ്റവും നല്ല ആശുപത്രികളുടെ പട്ടികയില് ഇടംപിടിച്ചു. ഗ്ലോബല് ടോപ്പ് 250 ഹോസ്പിറ്റലുകള് എന്ന പട്ടിക ബ്രാന്റ് ഫിനാന്സ് ആണ് തയ്യാറാക്കിയത്. ഇതില് ആദ്യത്തെ 100 ആശുപത്രികളിലാണ് ഖത്തറില് നിന്നുള്ള നാലെണ്ണം.
ഹമദ് ജനറല് ആശുപത്രിക്ക് 44ാം സ്ഥാനമാണുള്ളത്. കഴിഞ്ഞ വര്ഷം ഈ ആശുപത്രി 82ാം സ്ഥാനത്തായിരുന്നു. അല് വകറ ആശുപത്രിക്ക് ഇത്തവണ 46ാം റാങ്ക് ലഭിച്ചു. 2024ല് 99ാം സ്ഥാനത്തായിരുന്നു വകറ ആശുപത്രി. എച്ച്എംസി ഹേര്ട്ട് ആശുപത്രിക്ക് ഇത്തവണ 84ാം റാങ്കാണുള്ളത്. കഴിഞ്ഞ വര്ഷം ഈ ആശുപത്രി 175 ാം റാങ്ക് ആയിരുന്നു. നാഷണല് സെന്റര് ഫോര് കാന്സര് ആന്റ് റിസര്ച്ചിന് 93ാം റാങ്ക് ആണ് ലഭിച്ചത്.
ഖത്തര്-ഇറാന് വ്യോമ കരാര്
വ്യോമയാന രംഗത്ത് സഹകരണം ശക്തമാക്കാന് ഖത്തറും ഇറാനും തീരുമാനിച്ചു. ഖത്തര് സിവില് ഏവിയേഷന് അതോറിറ്റിയും ഇറാനിയന് സിവില് ഏവിയേഷന് ഓര്ഗനൈസേഷനുമാണ് കരാറില് ഒപ്പുവച്ചിരിക്കുന്നത്. ഇരുരാജ്യങ്ങള്ക്കിടയില് വിമാന സര്വീസകളുടെ എണ്ണം ഇനി വര്ധിക്കും. വിമാന യാത്രയുമായി ബന്ധപ്പെട്ട കടലാസ് ജോലികള് കുറയുകയും ചെയ്യും.
അയല്രാജ്യമായ ഇറാനുമായി ഖത്തര് എന്നും നല്ല ബന്ധം നിലനിര്ത്തുന്നുണ്ട്. സൗദി അറേബ്യ, യുഎഇ, ബഹ്റൈന്, ഈജിപ്ത് എന്നീ രാജ്യങ്ങള് 2017ല് ഉപരോധം പ്രഖ്യാപിച്ചപ്പോള് ഖത്തര് വിമാനങ്ങള് യാത്ര ചെയ്തിരുന്നത് ഇറാന്റെ വ്യോമ പാതയിലൂടെ ആയിരുന്നു. സൗദി സഖ്യരാജ്യങ്ങള് വ്യോമ ഉപരോധം കൂടി പ്രഖ്യാപിച്ച സാഹചര്യത്തിലായിരുന്നു ഇത്.
-
ഖത്തര് ഇത്രയും പ്രതീക്ഷിച്ചില്ല; പഴയപോലെ ആകാന് 5 വര്ഷം വേണം, 2000 കോടി വരുമാന നഷ്ടം -
സൗദി അറേബ്യയും യുഎഇയും സുപ്രധാന നീക്കത്തിന്; ദമ്മാമില് നിന്ന് ഷാര്ജയിലേക്ക് പുതിയ പാത -
യുഎഇയിൽ കനത്ത മഴയ്ക്കും പൊടിക്കാറ്റിനും സാധ്യത; കടൽ പ്രക്ഷുബ്ധമാവും, യാത്രക്കാർ ഇക്കാര്യങ്ങൾ ശ്രദ്ധിക്കണം -
സൗദി അറേബ്യ വാതില് തുറന്നിട്ടു; അമേരിക്കക്ക് തായിഫിലെ താവളം, ഇറാന്റെ ഉദ്യോഗസ്ഥര് ഔട്ട് -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ
Click it and Unblock the Notifications
Sign in with Google