ഖത്തർ വേറെ ലെവല്: സമ്പത്തിന്റെ കാര്യത്തില് അസൂയപ്പെടുത്തുന്ന നേട്ടം: ജിഡിപി മുന്നോട്ട്
ദോഹ: തുടർച്ചയായ വളർച്ചാ നിരക്ക് രേഖപ്പെടുത്തി ഖത്തർ സമ്പദ് വ്യവസ്ഥ. 2024 ൽ 2.4 ശതമാനം വളർച്ചാ നിരക്ക് രേഖപ്പെടുത്തിയ ഖത്തർ സമ്പദ് വ്യവസ്ഥ സ്ഥിര വില അടിസ്ഥാനത്തിൽ 713 ബില്യൺ റിയാലിലെത്തി. 2023 ല് ഇത് 697 ബില്യൺ റിയാലായിരുന്നു എന്നതാണ് ശ്രദ്ധേയം. കഴിഞ്ഞ ദിവസം പുറത്തിറങ്ങിയ നാഷണൽ പ്ലാനിംഗ് കൗൺസിലിലെ നാഷണൽ സ്റ്റാറ്റിസ്റ്റിക്സ് സെന്ററിന്റെ കണക്കുകൾ പ്രകാരം, 2024 ലെ നാലാം പാദത്തിൽ ഖത്തറിന്റെ ജി ഡി പി വാർഷികാടിസ്ഥാനത്തിൽ 6.1% വളർച്ച കൈവരിച്ചു.
2023 ലെ ഇതേ കാലയളവിലെ 170.1 ബില്യൺ റിയാലായിരുന്ന ഖത്തറിന്റെ ജി ഡി പി ഈ വർഷം 181 ബില്യൺ റിയാലിലേക്കുമെത്തി. ഖത്തർ സമ്പദ്വ്യവസ്ഥ ശ്രദ്ധേയമായ വളർച്ചാ നിരക്കുകൾ തുടരുന്നുണ്ടെന്നും, സുസ്ഥിര വളർച്ചയിലേക്കും സാമ്പത്തിക വൈവിധ്യവൽക്കരണത്തിലേക്കുമുള്ള രാജ്യത്തിന്റെ പുരോഗതി നിലനിർത്തുന്നുണ്ടെന്നും കണക്കുകള് പുറത്ത് വന്നതിന് പിന്നാലെ ദേശീയ ആസൂത്രണ കൗൺസിൽ (എൻപിസി) സെക്രട്ടറി ജനറൽ ഡോ. അബ്ദുൽ അസീസ് ബിൻ നാസർ അൽ ഖലീഫ വ്യക്തമാക്കി.
പരമ്പരാഗതമായ ഇന്ധന വരുമാനത്തിന് അപ്പുറം ഖത്തർ സമ്പദ്വ്യവസ്ഥയുടെ ദ്രുതഗതിയിലുള്ള വികാസവും വർദ്ധിച്ചുവരുന്ന വൈവിധ്യവൽക്കരണവും ഏറ്റവും കണക്കുകളില് പ്രതിഫലിക്കുന്നുണ്ടെന്നും അദ്ദേഹം പറഞ്ഞു. ഇന്ധന ഇതര പ്രവർത്തനങ്ങൾ മൊത്തത്തിൽ പ്രതിവർഷം 3.4 ശതമാനം വളർച്ച കൈവരിച്ചപ്പോള് ക്രൂഡ് ഓയില് മേഖലയിലെ വരുമാനം സ്ഥിരത പുലർത്തി.
2024 ൽ, മൊത്തം ജി ഡി പിയുടെ ഏകദേശം 64% എണ്ണ ഇതര മേഖലയില് നിന്നായിരുന്നു. 2023 ലെ നാലാം പാദവുമായി താരതമ്യപ്പെടുത്തുമ്പോൾ, ഹൈഡ്രോകാർബൺ മേഖലയിലെ പ്രവർത്തനങ്ങൾ 6.2 ശതമാനവും ഹൈഡ്രോകാർബൺ ഇതര മേഖലകൾ 6.1 ശതമാനവും വളർച്ച രേഖപ്പെടുത്തി. കണക്കുകള് പ്രകാരം നാലാം പാദത്തിൽ വളർച്ച രേഖപ്പെടുത്തിയ പ്രധാന ഹൈഡ്രോകാർബൺ ഇതര മേഖലകളിൽ താമസ, ഭക്ഷ്യ സേവനങ്ങളാണ് മുന്നിട്ട് നില്ക്കുന്നത്.
സാമ്പത്തിക മേഖല 11.1% വളർച്ച നേടി, 13.3 ബില്യൺ റിയാലിൽ നിന്ന് 14.8 ബില്യൺ റിയാലായി ഉയർന്നു. അതേസമയം മൊത്ത, ചില്ലറ വ്യാപാരം 9% വർദ്ധിച്ച് 13.5 ബില്യൺ റിയാലിൽ നിന്ന് 14.7 ബില്യണായിട്ടാണ് വർധിച്ചത്. അതേസമയം, ഖത്തറിന്റെ സാമ്പത്തിക, തൊഴിൽ വൈവിധ്യവൽക്കരണത്തിൽ സ്വകാര്യ മേഖലകളിലെ തൊഴിൽ രംഗത്ത് സ്വദേശിവൽക്കരണം നടപ്പിലാക്കുന്നത് നിർണായക പങ്കുവഹിക്കുമെന്നായിരുന്നു ഖത്തർ കരിയർ ഡെവലപ്മെന്റ് സെന്റർ (ക്യൂസിഡിസി) എക്സിക്യൂട്ടീവ് ഡയറക്ടർ അബ്ദുല്ല അഹമ്മദ് അൽ മൻസൂരി അടുത്തിടെ അഭിപ്രായപ്പെട്ടത്.
-
പശ്ചിമേഷ്യയിലെ സംഘർഷത്തിൽ വലഞ്ഞ ഒമാൻ പ്രവാസികൾക്ക് ആശ്വാസം; ശമ്പളം നേരത്തെ കിട്ടും, കാരണം? -
സൗദി അറേബ്യ കൈവിട്ട നീക്കത്തിന്; ക്രൂഡ് വില്പ്പനയില് അപൂര്വ നീക്കം, ഇരട്ടനീക്കം ഫലം കാണും -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രവാസികൾക്ക് ആശ്വാസം; വ്യോമപാത ഭാഗികമായി തുറന്ന് ഖത്തർ, യാത്രക്കാർ ശ്രദ്ധിക്കുക -
യുഎസ് സൈനികരെ പിടികൂടി എന്ന് ഇറാന്; നിഷേധിച്ച് അമേരിക്ക, യുദ്ധം പുതിയ തലത്തിലേക്ക് -
ആക്രമിച്ചാൽ നോക്കി നിൽക്കില്ല; ഇറാന് സൗദിയുടെ അന്ത്യശാസനം! -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
സൗദി അറേബ്യ, ഖത്തര് 'ഫോഴ്സ് മഷര്' എടുത്തേക്കും; 3 രാജ്യങ്ങളില് ചര്ച്ച, അമേരിക്ക കുടുങ്ങും -
വീഴാതെ പിടിച്ചുനിന്ന് ദുബായിലെ സ്വര്ണ വിപണി; യുദ്ധത്തിന് ശേഷം സംഭവിച്ചത് ഇത് -
യൂസഫലി പറഞ്ഞ വാക്ക് പാലിച്ചു; യുഎഇയിലേക്ക് 80000 കിലോ ചരക്കുകള് പറന്നെത്തി, ഇനിയും വരും -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില
Click it and Unblock the Notifications
Sign in with Google