സൗദി അറേബ്യ ഒരാഴ്ചക്കിടെ അറസ്റ്റ് ചെയ്തത് 22500 പ്രവാസികളെ: 11000 പേരെ നാടുകടത്തി; നടപടി ശക്തം
റിയാദ്: രാജ്യത്തെ പ്രവാസികള്ക്കിടയില് പരിശോധന ശക്തമാക്കി സൗദി അറേബ്യന് അധികൃതർ. പ്രവാസി സമൂഹത്തിന് ഇടയില് നടത്തിയ താമസ, തൊഴിൽ, അതിർത്തി സുരക്ഷാ നിയമലംഘനങ്ങൾ കണ്ടെത്തുന്നതിനായി നടത്തിയ ഒരാഴ്ച നീണ്ട വ്യാപക പരിശോധനയിൽ 22500 പേർ അറസ്റ്റിലായെന്നാണ് ആഭ്യന്തര മന്ത്രാലയം അധികൃതർ അറിയിച്ചിരിക്കുന്നത്.
13800 പേർ താമസ നിയമങ്ങൾ ലംഘിച്ചതിനും 5200 പേർ അതിർത്തി സുരക്ഷാ നിയമലംഘനങ്ങൾക്കും 3400 പേർ തൊഴിൽ നിയമലംഘനങ്ങൾക്കുമാണ് അറസ്റ്റിലായത്. അനധികൃതമായി രാജ്യത്തേക്ക് പ്രവേശിക്കാൻ ശ്രമിച്ച 1687 പേരും പിടിയിലായിട്ടുണ്ട്. ഇവരിൽ 61 ശതമാനം എത്യോപ്യൻ പൗരന്മാരും 38 ശതമാനം യെമനികളും 1 ശതമാനം മറ്റ് ദേശീയതക്കാരുമാണ്. അനധികൃതമായി രാജ്യം വിടാൻ ശ്രമിച്ച 40 പേരും അറസ്റ്റിലായിട്ടുണ്ട്.
നിയമലംഘകരെ വാഹനത്തില് കൊണ്ടുപോകുക, ജോലി നൽകുക, അല്ലെങ്കിൽ താമസസൗകര്യം ഒരുക്കുക എന്നിവയിൽ ഏർപ്പെട്ട 15 പേരും പിടിയിലായി.നിലവിൽ 18300 പേർക്കെതിരേയും നിയമനടപടികൾ പുരോഗമിക്കുകയാണ്. ഇതിൽ 15700 പുരുഷന്മാരും 2500 സ്ത്രീകളുമാണ്. 11000 പേർ ഇതിനോടകം നാടുകടത്തപ്പെട്ടു. മറ്റൊരു 11000 പേർ യാത്രാ രേഖകൾക്കായി നയതന്ത്ര കാര്യാലയങ്ങളിലേക്ക് റഫർ ചെയ്യപ്പെട്ടു, 3200 പേർ യാത്രാ ക്രമീകരണങ്ങൾക്കായി കാത്തിരിക്കുകയാണ്.
നിയമലംഘകർക്ക് പ്രവേശനം, തൊഴിൽ, അല്ലെങ്കിൽ താമസം ഒരുക്കുന്നവർക്ക് 15 വർഷം വരെ തടവ്, 10 ലക്ഷം റിയാൽ വരെ പിഴ, വാഹനങ്ങളോ സ്വത്തുക്കളോ കണ്ടുകെട്ടൽ, കുറ്റവാളികളുടെ പേര് പരസ്യപ്പെടുത്തൽ എന്നിവ ശിക്ഷയായി ലഭിക്കുമെന്നും മന്ത്രാലയം മുന്നറിയിപ്പ് നൽകി. നിയമലംഘനങ്ങൾ റിപ്പോർട്ട് ചെയ്യാൻ പൗരന്മാരോട് അഭ്യർത്ഥിച്ചിട്ടുണ്ട്. മക്ക, റിയാദ്, കിഴക്കൻ പ്രവിശ്യ എന്നിവിടങ്ങളിൽ 911 എന്ന നമ്പറിലും മറ്റ് പ്രദേശങ്ങളിൽ 999, 996 എന്നീ എമർജൻസി ഹോട്ട്ലൈനുകളിലും ബന്ധപ്പെടാം.
അതേസമയം, കഴിഞ്ഞ ദിവസം കുവൈത്തിലും വലിയ രീതിയിലുള്ള പരിശോധന നടന്നിരുന്നു. വിവിധ ഗവർണറേറ്റുകളിലായി റെസിഡൻസ് അഫയേഴ്സ് ഇൻവെസ്റ്റിഗേഷൻസ് ജനറൽ ഡിപ്പാർട്ട്മെന്റ് ആഭ്യന്തര മന്ത്രാലയത്തിന്റെ നേതൃത്വത്തിലാണ് പരിശോധന നടന്നത്. പരിശോധനയുടെ ഭാഗമായി റെസിഡൻസ്, തൊഴിൽ നിയമങ്ങൾ ലംഘിച്ച 192 പേരെ പിടികൂടി. ഇവരിൽ കുറ്റവാളികളോടൊപ്പം റെസിഡൻസി നിയമലംഘകരും ഉൾപ്പെടുന്നുവെന്നും റിപ്പോർട്ടുകള് വ്യക്തമാക്കുന്നു. ആഭ്യന്തര മന്ത്രി ശൈഖ് ഫഹദ് യൂസഫ് അൽ സബാഹിന്റെ നിർദ്ദേശപ്രകാരമായിരുന്നു പരിശോധന.
-
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
കുടുങ്ങിയത് ഖത്തറും സൗദി അറേബ്യയും; നേട്ടമുണ്ടാക്കിയത് ഈ 'ഒരൊറ്റ രാജ്യം', കിട്ടുന്നത് വന് ലാഭം -
സൗദി അറേബ്യയ്ക്ക് തിരിച്ചടി കിട്ടിത്തുടങ്ങി; അരാംകോയുടെ ലാഭം ഇടിഞ്ഞു, ഇനിയും ഇടിഞ്ഞേക്കും -
കറുത്ത സ്വര്ണം നിറഞ്ഞ ഖാര്ഗ് ദ്വീപ്; ഇറാനില് ട്രംപ് ഈ നീക്കം നടത്തുമോ, പെട്രോള് 200 രൂപയാകും -
പ്രവാസികൾക്ക് ആശ്വാസം; 32 പ്രത്യേക സർവീസുകളുമായി എയർ ഇന്ത്യയും എയർ ഇന്ത്യ എക്സ്പ്രസും -
പശ്ചിമേഷ്യയിലെ സംഘർഷത്തിൽ വലഞ്ഞ ഒമാൻ പ്രവാസികൾക്ക് ആശ്വാസം; ശമ്പളം നേരത്തെ കിട്ടും, കാരണം? -
ഗള്ഫിലെ സിബിഎസ്ഇ പരീക്ഷകള് വീണ്ടും മാറ്റി വെച്ചു; പുതുക്കിയ തിയതി പിന്നീട് -
'ദിലീപ് മാത്രമല്ല, മഞ്ജു വാര്യരും കണ്ടു..ദിലീപിൻ്റ ആദ്യ പ്രതികരണം ഇതായിരുന്നു..അതോടെ ധന്യ നവ്യ നായരായി' -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ
Click it and Unblock the Notifications
Sign in with Google