സൗദിയുടെ കുതിപ്പില് അമ്പരന്ന് ലോകം.. ആ തീരുമാനം വിജയത്തിലേക്ക്, പുതിയ ചരിത്രം!
റിയാദ്: 2023 ലെ യഥാര്ത്ഥ ജിഡിപിയുടെ 50 ശതമാനവും എണ്ണ ഇതര മേഖലയിലെ പ്രവര്ത്തനങ്ങളില് നിന്ന് ആര്ജിച്ചതോടെ നാഴികക്കല്ല് പിന്നിട്ട് സൗദി അറേബ്യന് സമ്പദ്വ്യവസ്ഥ. സൗദി അറേബ്യ തങ്ങളുടെ സമ്പദ്വ്യവസ്ഥയെ വിശാലാടിസ്ഥാനത്തില് നിലനിര്ത്തുകയും വികസനത്തിനായി എണ്ണ വരുമാനത്തെ ആശ്രയിക്കുന്നത് കുറയ്ക്കുകയും ചെയ്തിരുന്നു.
അതിനാല് തന്നെ ഇത് വലിയ നേട്ടമായാണ് രാജ്യം കണക്കാക്കുന്നത്. സൗദി എണ്ണ ഇതര സമ്പദ്വ്യവസ്ഥ 1.7 ട്രില്യണ് റിയാലിലെത്തി. നിക്ഷേപം, ഉപഭോഗം, കയറ്റുമതി എന്നിവയിലെ തുടര്ച്ചയായ വളര്ച്ചയാണ് ഇത് കാണിക്കുന്നത്. യഥാര്ത്ഥ ജിഡിപിയുടെ 50 ശതമാനത്തെയാണ് ഇത് പ്രതിനിധീകരിക്കുന്നത് എന്ന് ജനറല് അതോറിറ്റി ഫോര് സ്റ്റാറ്റിസ്റ്റിക്സ് പുറത്തിറക്കിയ ഡാറ്റയില് വ്യക്തമാക്കുന്നു.
കഴിഞ്ഞ രണ്ട് വര്ഷമായി സര്ക്കാരിതര നിക്ഷേപത്തിലെ അഭൂതപൂര്വമായ പ്രകടനം മൂലമാണ് എണ്ണ ഇതര ജിഡിപി 50 ശതമാനം കൈവരിക്കാനായത്. ഇത് 57 ശതമാനം വളര്ച്ചാ നിരക്കിനെ പ്രതിനിധീകരിക്കുന്നു. ഇത് സര്ക്കാരിതര നിക്ഷേപങ്ങളുടെ മൂല്യം 2023 ല് എക്കാലത്തെയും ഉയര്ന്ന മൊത്തമായ 959 ബില്യണ് സൗദി റിയാലിലേക്ക് എത്തിച്ചു. 2021-22 കാലയളവില് 106 ശതമാനം വളര്ച്ച കൈവരിച്ച കലാ-വിനോദ മേഖല വലിയ വളര്ച്ച കൈവരിച്ചു.
അതേസമയം ഭക്ഷണം, താമസം തുടങ്ങിയ മേഖലകള് 77 ശതമാനവും ഗതാഗതവും ആശയവിനിമയവും 29 ശതമാനവും നേടി. 2023-ലെ എണ്ണ ഇതര പ്രവര്ത്തനങ്ങളിലെ വളര്ച്ച സംഭാവനയുടെ വൈവിധ്യത്തിലും വളര്ച്ചയുടെ ആക്കം കൂട്ടുന്നതിലും അസാധാരണമായിരുന്നു. ആരോഗ്യം, വിദ്യാഭ്യാസം, വിനോദം തുടങ്ങിയ സാമൂഹിക സേവനങ്ങള് 10.8 ശതമാനവും ഗതാഗതവും ആശയവിനിമയവും 7.3 ശതമാനവും വ്യാപാരം, റെസ്റ്റോറന്റുകള്, ഹോട്ടലുകള് എന്നിവയില് 7 ശതമാനവും വളര്ച്ച രേഖപ്പെടുത്തി എന്നും ആസൂത്രണ മന്ത്രാലയം പ്രസ്താവനയില് പറയുന്നു.
സേവനാധിഷ്ഠിത വരുമാനം കഴിഞ്ഞ രണ്ട് വര്ഷങ്ങളില് ചരിത്രപരമായ വളര്ച്ച നിരക്ക് രേഖപ്പെടുത്തി. ഇത് ഏകദേശം 319 ശതമാനം വരും എന്നാണ് കണക്ക്. ടൂറിസത്തിനും വിനോദത്തിനുമുള്ള ആഗോള ലക്ഷ്യസ്ഥാനമായി രാജ്യം മാറിയതിന്റെ വ്യക്തമായ സ്വാധീനമാണ് ഇത് പ്രതിഫലിപ്പിക്കുന്നത്.
വളര്ച്ചാ എഞ്ചിനുകള് വൈവിധ്യവല്ക്കരിച്ച് സമ്പന്നമായ സമ്പദ്വ്യവസ്ഥ കൈവരിക്കുക എന്ന സൗദി വിഷന് 2030 ന്റെ ലക്ഷ്യങ്ങളെയും സുസ്ഥിരവും കരുത്തുറ്റതുമായ സാമ്പത്തിക വളര്ച്ച കൈവരിക്കുന്നതിന് സംഭാവന ചെയ്യുന്ന പുതിയ മേഖലകള് തുറന്ന് പ്രസക്തമായ പ്രോഗ്രാമുകളും പ്രധാന പദ്ധതികളും നടപ്പിലാക്കുന്നതില് രാജ്യത്തിന്റെ വിജയവുമാണ് ഈ വര്ധനവ് പ്രതിഫലിപ്പിക്കുന്നത് എന്നും മന്ത്രാലയം വ്യക്തമാക്കി.
Click it and Unblock the Notifications
Sign in with Google