സൗദി അറേബ്യ യാത്ര ഇനി എളുപ്പം; സര്വീസ് വര്ധിപ്പിച്ച് ഫ്ളൈനാസ്, ഒപ്പം സൗദിയ എയര്ലൈന്സും
കോഴിക്കോട്: സൗദി അറേബ്യയിലുള്ള പ്രവാസികള്ക്ക് സന്തോഷം നല്കുന്ന വിവരമാണ് വന്നിരിക്കുന്നത്. സൗദി അറേബ്യയിലെ ബജറ്റ് എയര്ലൈന് ആയ ഫ്ളൈനാസ് കോഴിക്കോട് നിന്നുള്ള സര്വീസുകളുടെ എണ്ണം കൂട്ടാന് തീരുമാനിച്ചു. സൗദിയ എയര്ലൈന്സ് വൈകാതെ കോഴിക്കോട് നിന്ന് സര്വീസ് പുനരാരംഭിക്കുമെന്നാണ് മറ്റൊരു വിവരം.
റിയാദ് കേന്ദ്രമായി പ്രവര്ത്തിക്കുന്ന ഫ്ളൈനാസ് 2007ല് നാസ് എയര് എന്നാണ് അറിയപ്പെട്ടിരുന്നത്. പിന്നീട് ഫ്ളൈനാസ് എന്ന് പുനര് നാമകരണം ചെയ്യുകയായിരുന്നു. ഏഷ്യയിലെ വിവിധ രാജ്യങ്ങളിലേക്ക് ഈ വിമാനം സര്വീസ് നടത്തുന്നുണ്ട്. 2019 മുതലാണ് കരിപ്പൂര് സര്വീസ് ആരംഭിച്ചത്. അന്ന് മൂന്ന് സര്വീസ് ആയിരുന്നു. അടുത്ത മാസം മതുല് ആറാക്കി സര്വീസ് ഉയര്ത്തുകയാണ്. അറിയാം വിവരങ്ങള്...
കുറഞ്ഞ നിരക്കില് സര്വീസ് സാധ്യമാക്കുന്ന വിമാന കമ്പനിയാണ് ഫ്ളൈനാസ്. റിയാദ്, ജിദ്ദ, ദമ്മാം, മദീന എന്നിവിടങ്ങളില് നിന്ന് ഏഷ്യ, ആഫ്രിക്ക, ജിസിസി രാജ്യങ്ങള് എന്നിവിടങ്ങളിലേക്ക് ഫ്ളൈനാസ് സര്വീസ് നടത്തുന്നുണ്ട്. തിരക്കേറിയ റൂട്ടുകളില് ഘട്ടങ്ങളായി സര്വീസ് ഉയര്ത്തി വരികയാണ്. ഇതിന്റെ ഭാഗമാണ് കോഴിക്കോട് നിന്നുള്ള സര്വീസ് എണ്ണം വര്ധിപ്പിക്കുന്നത്.
വിമാനത്തിന്റെ സമയം അറിയാം
2019 ഒക്ടോബറില് കരിപ്പൂരില് നിന്ന് സര്വീസ് തുടങ്ങിയ വേളയില് തിങ്കള്, ബുധന്, വെള്ളി ദിവസങ്ങളിയായിരുന്നു യാത്ര. പിന്നീട് സര്വീസ് നാല് ദിവസമാക്കി ഉയര്ത്തി. അടുത്ത മാസം മുതല് ആഴ്ചയില് ആറ് ദിവസം സര്വീസ് നടത്തും. സെപ്തംബര് രണ്ട് മുതലാണ് പുതിയ ഷെഡ്യൂള് പ്രകാരമുള്ള സര്വീസ്. ഇതോടെ പ്രവാസികള്ക്ക് നാട്ടിലേക്കുള്ള യാത്രാ സൗകര്യം മെച്ചപ്പെടുകയാണ്.
ശനിയാഴ്ച ഒഴികെയുള്ള ദിവസങ്ങളിലായിരിക്കും ഫ്ളൈനാസിന്റെ കോഴിക്കോട്-റിയാദ് യാത്ര. റിയാദില് നിന്ന് അര്ധരാത്രി 12.45ന് പുറപ്പെടുന്ന വിമാനം രാവിലെ 8.20ന് കരിപ്പൂരിലെത്തും. രാവിലെ 9.10ന് മടങ്ങുന്ന വിമാനം 11.45ന് റിയാദിലെത്തും. ആറ് ദിവസം സര്വീസ് ഉള്ളതിനാല് ടിക്കറ്റ് കിട്ടാതെ പ്രതിസന്ധി നേരിടില്ല. മാത്രമല്ല, നിരക്ക് കുറയാനുള്ള സാധ്യതയുമുണ്ട്. ജിദ്ദയില് നിന്നുള്ള സര്വീസും പരിഗണനയിലാണ്.
സൗദിയ എയര്ലൈന്സ് വീണ്ടും വരുന്നു
ഒക്ടോബര് 27 മുതല് റിയാദ് കോഴിക്കോട് റൂട്ടില് സൗദിയ എയര്ലൈന്സ് സര്വീസ് തുടങ്ങുമെന്നാണ് അനൗദ്യോഗിക വിവരം. 2020 ആഗസ്റ്റില് കരിപ്പൂരില് വിമാന ദുരന്തമുണ്ടായ വേളയില് സര്വീസ് നിര്ത്തിവച്ചതാണ് ഈ വിമാനം. വലിയ വിമാനങ്ങള്ക്ക് കരിപ്പൂരില് അനുമതി നിഷേധിച്ചതിനെ തുടര്ന്നായിരുന്നു സര്വീസ് നിര്ത്തിവച്ചത്.
സൗദിയ എയര്ലൈന്സ് കരിപ്പൂര് സര്വീസ് ആരംഭിച്ചാല് ഹജ്ജ് തീര്ഥാടകര്ക്ക് നേട്ടമാകും. വലിയ വിമാനങ്ങള്ക്ക് മാത്രമാണ് ഹജ്ജ് സര്വീസിന്റെ ടെന്ഡറില് പങ്കെടുക്കാന് സാധിക്കുക. സൗദിയ സര്വീസ് നിര്ത്തിയതോടെ എയര് ഇന്ത്യ മാത്രമാണ് ഹജ്ജ് സര്വീസ് നടത്തുന്നത്. ഇതോെട കോഴിക്കോട് നിന്നുള്ള ഹജ്ജ് യാത്ര വലിയ നഷ്ടമായിരുന്നു. പുതിയ സാഹചര്യത്തില് ഹാജിമാര്ക്കും ഗുണം ചെയ്യുമെന്നാണ് പ്രതീക്ഷ.
-
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
ഖത്തറിന്റെ ആ മോഹം നടന്നേക്കില്ല; 10000 കോടിക്ക് 5 പദ്ധതി മതിയാകില്ല, പ്ലാന് ബി കണ്ടെത്തിയേക്കും -
ദുബായിൽ റോക്കറ്റ് പോലെ കുതിച്ച് സ്വർണവില; കൂടിയത് 20 ദിർഹത്തിൽ അധികം, 24 കാരറ്റിന്റെ വില എത്ര? -
യുഎഇയില് നാളെയും മറ്റന്നാളും മഴ കനക്കും! മോശം കാലാവസ്ഥയുടെ അവസാന തരംഗമെന്ന് മുന്നറിയിപ്പ് -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം
Click it and Unblock the Notifications
Sign in with Google