വിജയ് തമിഴകം പിടിക്കുമോ? പ്രവാസികള് കൂട്ടത്തോടെ നാട്ടിലേക്ക്, 'വിജയിയ്ക്ക് വോട്ട് ചെയ്യണം'
ചെന്നൈ: 2026 ലെ നിയമസഭാ തിരഞ്ഞെടുപ്പിന് മുന്നോടിയായി നൂറുകണക്കിന് പ്രവാസി തമിഴ് വോട്ടര്മാര് തമിഴ്നാട്ടിലേക്ക് എത്തിത്തുടങ്ങിയെന്ന് റിപ്പോര്ട്ട്. ഇടിവി ഭാരത് ആണ് ഇത് സംബന്ധിച്ച വാര്ത്ത റിപ്പോര്ട്ട് ചെയ്യുന്നത്. വിജയിക്ക് വോട്ട് ചെയ്യാനായി ദുബായില് നിന്ന് കുറഞ്ഞത് 500 പേരെങ്കിലും എത്തിയിട്ടുണ്ടെന്ന് തമിഴക വെട്രി കഴകം (ടിവികെ) വളണ്ടിയര്മാര് അവകാശപ്പെടുന്നു.
ഏപ്രില് 23 നാണ് തമിഴ്നാട്ടിലെ തിരഞ്ഞെടുപ്പ്. പാര്ട്ടി വളണ്ടിയര്മാര് പറയുന്നതനുസരിച്ച്, വോട്ടെടുപ്പിന് മുമ്പ് വരും ദിവസങ്ങളില് ഈ എണ്ണം കുത്തനെ ഉയരുമെന്ന് പ്രതീക്ഷിക്കുന്നു. പശ്ചിമേഷ്യയില് നിന്ന്, പ്രത്യേകിച്ച് ജിസിസി രാജ്യങ്ങളില് നിന്ന് 1,000-ത്തിലധികം പ്രവാസി ഇന്ത്യക്കാര് (എന്ആര്ഐ) മടങ്ങിയെത്താന് സാധ്യതയുണ്ട്. ടിവികെ ആദ്യമായി മത്സരിക്കുന്ന നിയമസഭാ തിരഞ്ഞെടുപ്പാണിത്.
നുങ്കമ്പാക്കത്തെ ഒരു സ്വകാര്യ ഹോട്ടലില് നടന്ന പാര്ട്ടിയുടെ പ്രകടന പത്രിക പുറത്തിറക്കല് ചടങ്ങില് നിരവധി വോട്ടര്മാര് പങ്കെടുത്തു. വിജയ്ക്ക് വോട്ട് ചെയ്യാന് ഏകദേശം 500 പേര് ഇതിനകം ആദ്യ ഘട്ടത്തില് എത്തിയിട്ടുണ്ട്. പെരമ്പൂര്, വില്ലിവാക്കം, ടി നഗര് തുടങ്ങിയ മണ്ഡലങ്ങളില് ഞങ്ങള് സജീവമായി പ്രചാരണം നടത്തിവരികയാണ്,' 2009-ല് ദുബായില് രൂപീകരിച്ച വിജയ്യുടെ ആരാധക കൂട്ടായ്മയായ വിജയ് മക്കള് ഇയക്കവുമായി ബന്ധപ്പെട്ട വളണ്ടിയര് പൂര്ണിമ പറഞ്ഞു,
പശ്ചിമേഷ്യയിലെ നിലവിലുള്ള സാഹചര്യം കാരണം മറ്റ് പലര്ക്കും യാത്ര ചെയ്യാന് കഴിഞ്ഞില്ല, പക്ഷേ കൂടുതല് പേര് ഉടന് എത്തുമെന്ന് പ്രതീക്ഷിക്കുന്നു എന്നും അവര് പറഞ്ഞു. ദുബായില് നിന്ന് മാത്രമല്ല, ഗള്ഫ് മേഖലയിലുടനീളം പിന്തുണ ഒഴുകിയെത്തുന്നുവെന്ന് മറ്റൊരു വളണ്ടിയര് ആയ കാര്ത്തികേയന് പറഞ്ഞു. അബുദാബി, കുവൈറ്റ്, ഷാര്ജ, ബഹ്റൈന് എന്നിവിടങ്ങളില് നിന്ന് ആളുകള് വരുന്നു.
വിജയിയുടെ ആദ്യ തിരഞ്ഞെടുപ്പായതിനാല്, ഇതില് ഭാഗമാകാന് വോട്ടര്മാര്ക്ക് നല്ല ആവേശമുണ്ട് എന്നും അദ്ദേഹം പറഞ്ഞു. തിരിച്ചുവരുന്ന പ്രവാസി വോട്ടര്മാര് വോട്ട് ചെയ്യുക മാത്രമല്ല, പ്രധാന മണ്ഡലങ്ങളിലുടനീളം ടിവികെ സ്ഥാനാര്ത്ഥികള്ക്കായി പ്രചാരണം നടത്തുന്നതില് സജീവമായി പങ്കെടുക്കുകയും ചെയ്യുന്നു. സംസ്ഥാനത്ത് രാഷ്ട്രീയ മാറ്റത്തിനായുള്ള ശക്തമായ ആഗ്രഹം പലരും പ്രകടിപ്പിച്ചിട്ടുണ്ട്.
പുതിയൊരു ബദലായി വിജയ്ക്ക് പിന്നില് അണിനിരക്കുകയാണ് വോട്ടര്മാര് എന്നാണ് ടിവികെ അവകാശപ്പെടുന്നത്. ടിവികെയുടെ പ്രകടനപത്രിക എല്ലാവരെയും ഉള്ക്കൊള്ളുന്നതാണ് എന്ന് ട്രാന്സ്ജെന്ഡര് ആക്ടിവിസ്റ്റ് അനുശ്രീ വേലന് പറഞ്ഞു. 'ട്രാന്സ്ജെന്ഡര് വ്യക്തികളും പ്രായമായവരും ഉള്പ്പെടെ എല്ലാ വിഭാഗങ്ങളുടെയും ആവശ്യങ്ങള് നിറവേറ്റുന്ന വാഗ്ദാനങ്ങള് വിജയ് നല്കിയിട്ടുണ്ട്. ഈ പ്രതിബദ്ധതകള് അദ്ദേഹം പാലിക്കുമെന്ന് ഞങ്ങള് വിശ്വസിക്കുന്നു,' അവര് പറഞ്ഞു.
Click it and Unblock the Notifications
Sign in with Google