യുഎഇ ബുള്ളറ്റ് ട്രെയിന് മിന്നല് വേഗത്തില്; വന്ദേഭാരത് പകുതിയേ വരൂ, ദുബായ്-അബുദാബി 30 മിനുട്ടില്
ദുബായ്: ബുള്ളറ്റ് ട്രെയിന് ഇറക്കാനുള്ള നീക്കത്തിലാണ് യുഎഇ. യുഎഇയിലെ എല്ലാ എമിറേറ്റ്സുകളും ബന്ധിപ്പിക്കുന്ന പ്രൊജക്ട് ആണ് ആലോചനയില്. ഘട്ടങ്ങളായിട്ടായിരിക്കും എല്ലായിടത്തേക്കും ട്രെയിന് എത്തുക. ഒമാന് അതിര്ത്തി വരെ നിലവില് പദ്ധതിയിടുന്ന ബുള്ളറ്റ് ട്രെയിന് ജിസിസി റെയില്വെ ശൃംഖല യാഥാര്ഥ്യമായാല് അയല് രാജ്യങ്ങളിലേക്കും സര്വീസ് നടത്തും.
ഹൈസ്പീഡ് പാസഞ്ചര് ട്രെയിന് പോകുന്ന പാതയില് തന്നെയാകും ചരക്കു വണ്ടികളും സര്വീസ് നടത്തുക. അതിവേഗ ട്രെയിന് വരുന്നതോടെ യുഎഇ നഗരങ്ങള് തമ്മിലുള്ള അകലം കുറയും. ദുബായില് നിന്ന് അബുദാബിയിലേക്കുള്ള യാത്രയ്ക്ക് വെറും 30 മിനുട്ടില് താഴെ സമയം മതിയാകും. മണിക്കൂറില് 350 കിലോമീറ്റര് വേഗതയിലാകും സര്വീസ്...
ഇത്തിഹാദ് റെയില് കഴിഞ്ഞ ദിവസമാണ് യുഎഇയുടെ ഹൈസ്പീഡ് പാസഞ്ചര് ട്രെയിന് സംബന്ധിച്ച വിവരങ്ങള് പുറത്തുവിട്ടത്. അബുദാബി-ദുബായ് എമിറ്റേറ്റുകള്ക്കിടയില് 30 മിനുട്ടില് താഴെ സമയം കൊണ്ട് യാത്ര ചെയ്യാന് സാധിക്കും. 6 സ്റ്റേഷനുകളാണ് പരിഗണനയില്. റീം ഐസ്ലാന്റ്, സഅദിയ്യത്ത്, യാസ് ഐസ്ലാന്റ്, അബുദാബി സായിദ് അന്താരാഷ്ട്ര വിമാനത്താവളം, അല് മഖ്തൂം അന്താരാഷ്ട്ര വിമാനത്താവളം, ദുബായിലെ അല് ജദഫ് എന്നിവയായിരിക്കും സ്റ്റേഷനുകള്.
ടെന്ഡര് നടപടികള് പൂര്ത്തിയാക്കിയ ശേഷമാകും മറ്റു കാര്യങ്ങളിലേക്ക് കടക്കുക. എപ്പോഴാണ് സര്വീസ് സമ്പൂര്ണ തോതില് സാധ്യമാകുക എന്ന് അധികൃതര് വിശദീകരിച്ചില്ല. പദ്ധതി യാഥാര്ഥ്യമായാല് യുഎഇയുടെ ജിഡിപിയില് കോടികളുടെ വരുമാനം കൂടി ചേര്ക്കാന് കഴിയുന്ന സാഹചര്യമാകും. ഒമാന്റെ അതിര്ത്തി വരെ സര്വീസ് ഉണ്ടാകുമെന്നാണ് പറയപ്പെടുന്നത്. എല്ലാ എമിറേറ്റിസിനെയും ബന്ധിപ്പിക്കുന്ന ട്രെയിനില് ഒരു സമയം 400 പേര്ക്ക് യാത്ര ചെയ്യാന് സാധിക്കും.
വന്ദേഭാരതും യുഎഇ അതിവേഗ ട്രെയിനും
അതേസമയം, യുഎഇ ബുള്ളറ്റ് ട്രെയിന് ഇന്ത്യയിലെ വന്ദേഭാരതിനേക്കാള് മികച്ചതാണോ എന്ന ചോദ്യവും ഉയരുന്നുണ്ട്. വേഗതയുടെ കാര്യത്തില് വന്ദേഭാരതിനേക്കാള് ഇരട്ടിയിലധികമാകും യുഎഇ ട്രെയിന്. ഇന്ത്യയും യുഎഇയും അടുത്ത സൗഹൃദം പുലര്ത്തുന്നതിനാല് പരസ്പരം സാങ്കേതിക വിദ്യ കൈമാറ്റ ചര്ച്ചകളും പ്രതീക്ഷിക്കാം.
ഇന്ത്യയില് വേഗതയിലും ആഡംബരത്തിലും ഒന്നാമന് വന്ദേഭാരത് എക്സ്പ്രസ് ആണ്. മണിക്കൂറില് 160 കിലോമീറ്റര് വേഗതയിലാണ് വന്ദേഭാരതിന്റെ സര്വീസ്. ചില റൂട്ടുകളില് ഈ വേഗതയില് സര്വീസ് നടത്താന് വന്ദേഭാരതിന് സാധിക്കുന്നില്ല. അതേസമയം, യുഎഇയുടെ ബുള്ളറ്റ് ട്രെയിന് മണിക്കൂറില് 350 കിലോമീറ്റര് വേഗതയാണ് പറയപ്പെടുന്നത്.
ഇന്ത്യയില് ബുള്ളറ്റ് ട്രെയിന് സര്വീസ് ആരംഭിക്കുന്ന ചര്ച്ചകള്ക്കും തുടക്കമിട്ടിട്ടുണ്ട്. 2033 ആകുമ്പോഴേക്കും ബുള്ളറ്റ് ട്രെയിന് വരുമെന്നാണ് പ്രതീക്ഷ. മുംബൈ- അഹമ്മദാബാദ് റൂട്ടിലാകും സര്വീസ്. വന്ദേഭാരതിന്റെ കശ്മീര് സര്വീസ് ആണ് നിലവില് ഇന്ത്യന് സഞ്ചാരികള് ഉറ്റുനോക്കുന്നത്. ചിനാബ് പാലത്തിലൂടെ കടന്ന് കശ്മീര് താഴ്വരെ വരെ നീളുന്ന സര്വീസ് അടുത്ത മാസം ആരംഭിച്ചേക്കും.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി
Click it and Unblock the Notifications
Sign in with Google