യുഎഇ വിളിക്കുന്നു, ഷാര്ജയില് 2000 തൊഴില് അവസരങ്ങള്, പരിശീലന വേളയില് 6000 ദിര്ഹം ശമ്പളം
ദുബായ്: യുഎഇയിലെ ഷാര്ജ എമിറേറ്റ്സില് ഒരുങ്ങുന്നത് വന് ജോലി അവസരം. ഈ വര്ഷത്തേക്ക് പ്രഖ്യാപിച്ച 44.5 ബില്യണ് ദിര്ഹമിന്റെ ബജറ്റ് പദ്ധതികളുടെ ഭാഗമായിട്ടാണ് ജോലികള് ഒരുങ്ങുന്നത്. ഷാര്ജ ഭരണാധികാരി ഡോ. സുല്ത്താന് ബിന് മുഹമ്മദ് അല് ഖാസിമി 1000 പേര്ക്ക് സര്ക്കാര് തസ്തികകളില് നിയമനം നല്കാന് ഉത്തരവിട്ടു. ഇതോടെ ബജറ്റിന് കീഴില് തൊഴില് അവസരങ്ങള് 2000 ആയി ഉയര്ന്നു.
പുതിയ ബിരുദ ധാരികളെയും വിദഗ്ധ ജോലിക്കാരെയും ലക്ഷ്യമിട്ടാണ് തൊഴില് അവസരങ്ങള് സൃഷ്ടിച്ചിരിക്കുന്നത്. സ്വദേശികള്ക്കാണ് ജോലി ലഭിക്കുക എങ്കിലും അനുബന്ധ അവസരങ്ങളില് നിരവധി വിദേശികള്ക്കും ജോലി കിട്ടും. ബജറ്റില് വന് പദ്ധതികളാണ് സര്ക്കാര് പ്രഖ്യാപിച്ചിട്ടുള്ളത്. തൊഴില് ലഭിക്കുന്ന 1000 പേര്ക്ക് പരിശീലന കാലയളവില് 6000 ദിര്ഹം അലവന്സ് കിട്ടും.
പ്രൊഫഷണല് ജോലി അവസരങ്ങളാണ് ഷാര്ജ പ്രഖ്യാപിച്ചിട്ടുള്ളത്. അടുത്താഴ്ച മുതല് അഭിമുഖങ്ങള് സംഘടിപ്പിക്കും. ഫെബ്രുവരി മുതല് പ്രത്യേക പരിശീലനം നല്കും. ശേഷമായിരിക്കും നേരിട്ട് സര്ക്കാര് ഓഫീസുകളില് നിയമിക്കുക. ആര്ക്കിടെക്ചറല് എഞ്ചിനിയറിങ്, അക്കൗണ്ടിങ്, ഐടി, പ്രോഗ്രാമിങ് എന്നിവയിലാണ് പരിശീലനം.
പ്രതീക്ഷയോടെ മലയാളികള്
മാനവ വിഭവ ശേഷി വകുപ്പ്, റോഡ് ഗതാഗത അതോറിറ്റി, പൊതുമരാമത്ത് വകുപ്പ്, മുന്സിപ്പാലിറ്റികള് എന്നീ സ്ഥാപനങ്ങള് സംയുക്തമായിട്ടാണ് പരിശീലനം നല്കുന്നത്. ബിരുദ വിദ്യാര്ഥികള്ക്ക് 393 സ്കോളര്ഷിപ്പുകള് നല്കുമെന്നും ഷാര്ജ ഭരണാധികാരി പ്രഖ്യാപിച്ചു. എമിറാത്തി വിദ്യാര്ഥികള്ക്കാണ് ഇത് ലഭിക്കുക. പ്രധാനപ്പെട്ട നാല് സര്വകലാശാലകളില് പഠനം നടത്താനാണ് സ്കോര്ഷിപ്പ് നല്കുന്നത്.
തൊഴില് അവസരങ്ങളുടെ പുതിയ വിവരങ്ങള്ക്ക് ഷാര്ജ മാനവ വിഭവ ശേഷി വകുപ്പിന്റെ വെബ്സൈറ്റുകളും സോഷ്യല് മീഡിയ ഹാന്ഡിലുകളും ഫോളോ ചെയ്യണം. പുതിയ ബജറ്റ് ഷാര്ജയില് നിരവധി പരോക്ഷ ജോലി അവസരങ്ങളും സൃഷ്ടിക്കും. ഇവിടെ പ്രവാസികള്ക്ക് ഉയര്ന്ന ശമ്പളത്തില് ജോലി ലഭിക്കാന് സാധ്യതയുണ്ട്. അടിസ്ഥാന സൗകര്യവികസനത്തിന് 35 ശതമാനമാണ് മാറ്റിവയ്ക്കുന്നത്. സ്വകാര്യ കമ്പനികള് ആയിരിക്കും പദ്ധതികള് ഏറ്റെടുത്ത് നടത്തുക.
സ്വദേശികള്ക്കാണ് സര്ക്കാര് പ്രഖ്യാപിച്ച നേരിട്ടുള്ള നിയമനം ലഭിക്കുക. എന്നാല് ബജറ്റിലെ പദ്ധതികളില് പരോക്ഷ ജോലി വിദേശികള്ക്ക് കിട്ടും. സ്വകാര്യ കമ്പനികള് സര്ക്കാരുമായി സഹകരിച്ച് നിരവധി പദ്ധതികളുടെ ഭാഗമാകുന്നുണ്ട്. ഇവിടെ പ്രവാസികള്ക്ക് ജോലി ലഭിക്കും. അതുകൊണ്ടുതന്നെ ഷാര്ജ ഭരണകൂടത്തിന്റെ ബജറ്റ് പ്രഖ്യാപനങ്ങള് മലയാളികള്ക്കും അവസരങ്ങളുടെ വാതില് തുറക്കും.
-
'പാനിപൂരി വിറ്റ് ഈ യുവാവ് ഒരു മാസം ഉണ്ടാക്കുന്നത് 90,000 രൂപ! ബികോംകാരൊക്കെ കാണുന്നുണ്ടല്ലോ അല്ലേ..' -
ക്ഷമ നശിച്ച് യുഎഇ; അമേരിക്കയ്ക്കൊപ്പം ഇറാനെതിരെ യുദ്ധക്കളത്തിലേക്ക്? യുദ്ധഭീതിയിൽ പ്രവാസി ലോകം -
കുസാറ്റില് എസ്എസ്എല്സിക്കാര്ക്ക് അവസരം, 22 ഒഴിവുകള്; ശമ്പളം എത്രയെന്നോ? -
സ്വർണം കൂട്ടത്തോടെ വിറ്റ് റഷ്യ; 25 വർഷത്തിനിടെ ആദ്യം..വില ഇനി കുത്തനെ ഇടിയും? -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില
Click it and Unblock the Notifications
Sign in with Google