യുഎഇയിലെ ആന്ഡ്രോയ്ഡ് ഉപയോക്താക്കള് ജാഗ്രതൈ!! മുന്നറിയിപ്പുമായി സൈബര് സുരക്ഷാ കൗണ്സില്
ദുബായ്: ആന്ഡ്രോയ്ഡ് ഉപയോക്താക്കള്ക്ക് മുന്നറിയിപ്പുമായി യു എ ഇ സൈബര് സുരക്ഷാ കൗണ്സില്. ഡാറ്റ ചോര്ച്ച തടയാന് ഫോണിലെ സോഫ്റ്റ്വെയര് അപ്ഡേറ്റ് ചെയ്യണം എന്ന് ആന്ഡ്രോയിഡ് ഉപയോക്താക്കളോട് യു എ ഇ സൈബര് സുരക്ഷാ കൗണ്സില് നിര്ദേശിച്ചു. തങ്ങളുടെ എക്സ് അക്കൗണ്ടിലൂടെയാണ് യു എ ഇ സൈബര് സുരക്ഷാ കൗണ്സിലിന്റെ പ്രതികരണം.
ആന്ഡ്രോയിഡ് ഡിവൈസുകളില് കാണപ്പെടുന്ന അതീവ അപകടസാധ്യതയുള്ള പ്രശ്നങ്ങളെ സംബന്ധിച്ച് അതോറിറ്റി ഉപയോക്താക്കള്ക്ക് മുന്നറിയിപ്പ് നല്കി. ഈ പ്രശ്നങ്ങള് പരിഹരിക്കുന്നതിന് ഗൂഗിള് അപ്ഡേറ്റുകള് പുറത്തിറക്കിയിട്ടുണ്ട്. അപ്ഡേറ്റ് ചെയ്തില്ലെങ്കില് ഡാറ്റ നഷ്ടം, നിങ്ങളുടെ വിവരങ്ങള് മോഷ്ടിക്കപ്പെടുക, നിങ്ങളുടെ അറിവില്ലാതെ നിങ്ങളുടെ ഫോണില് ക്ഷുദ്രകരമായ സോഫ്റ്റ്വെയര് പ്രവര്ത്തിക്കുക, അതിന്റെ നിയന്ത്രണം ഏറ്റെടുക്കല് എന്നിവക്ക് ഇടയാകാം.
ആന്ഡ്രോയിഡിന്റെ 11, 12, 12എല്, 13, 14 എന്നീ പതിപ്പുകള് ഈ ഭീഷണിക്ക് ഇരയാകുമെന്ന് കൗണ്സില് കണ്ടെത്തിയിട്ടുണ്ട്. നേരത്തെ, 2023 ഡിസംബറില് ആപ്പിള് ഉപയോക്താക്കള്ക്ക് അവരുടെ സോഫ്റ്റ്വെയറുകള് അപ്ഡേറ്റ് ചെയ്യാന് പ്രേരിപ്പിച്ച് കൗണ്സില് സമാനമായ മുന്നറിയിപ്പ് നല്കിയിരുന്നു. അതേസമയം യുഎഇയിലെ ഭൂരിഭാഗം ആന്ഡ്രോയിഡ് ആപ്പുകളും (56.44 ശതമാനം) ഡൗണ്ലോഡ് ചെയ്ത് 30 ദിവസത്തിനുള്ളില് അണ്ഇന്സ്റ്റാള് ചെയ്യപ്പെടുന്നു എന്ന പഠനവും പുറത്തുവന്നിരുന്നു.
ആപ്പ്സ്ഫ്ളയര് റിസര്ച്ച് അനുസരിച്ച് ബ്രാന്ഡുകള് വാഗ്ദാനം ചെയ്യുന്ന മൊബൈല് ആപ്ലിക്കേഷനുകളില് യുഎഇ ഉപഭോക്താക്കള് എളുപ്പത്തില് നിരാശരാവുകയാണ്. ആന്ഡ്രോയിഡ് ആപ്പുകളുടെ ശരാശരി 30 ദിവസത്തെ അണ്ഇന്സ്റ്റാള് നിരക്ക് യഥാക്രമം 46.76 ശതമാനവും 47.82 ശതമാനവും ഉള്ള യുഎസ്, യുകെ തുടങ്ങിയ വിപണികളെ അപേക്ഷിച്ച് യുഎഇയില് വളരെ കൂടുതലാണ്.
യു എ ഇയിലെ 10 ബിസിനസുകളില് ഒമ്പതും ഉപഭോക്താക്കളുമായി ഇടപഴകുന്നതിന് ഒരു ആപ്പ് വാഗ്ദാനം ചെയ്യുന്നു. എന്നാല് ഉപഭോക്താവിന്റെ സ്മാര്ട്ട്ഫോണുകളില് ഇവക്ക് സ്ഥിരമായി ഒരു സ്ഥാനം നേടുന്നതും പരിപാലിക്കുന്നതും വളരെ ബുദ്ധിമുട്ടാണ് എന്നാണ് പഠനം കാണിക്കുന്നത് എന്ന് ആപ്പ്സ്ഫ്ളയറിലെ ജനറല് മാനേജര് പോള് റൈറ്റ് പറഞ്ഞു
ലൈഫ്സ്റ്റൈല് ആപ്പുകള് 30 ദിവസത്തിനുള്ളില് 86 ശതമാനവും അണ്ഇന്സ്റ്റാള് ചെയ്തു. ഈ ആപ്ലിക്കേഷനുകളില് ഏറ്റവും മികച്ച 10 ശതമാനം പോലും 50 ശതമാനം അണ്ഇന്സ്റ്റാള് നിരക്ക് നേരിട്ടു. ഫിനാന്സ്, ഷോപ്പിംഗ്, ഫുഡ് & ബിവറേജ് ആപ്ലിക്കേഷനുകള് എന്നിവയെല്ലാം യഥാക്രമം 70 ശതമാനം, 66 ശതമാനം, 62 ശതമാനം എന്നിങ്ങനെ അണ്ഇന്സ്റ്റാള് നിരക്കുകള് കാണിക്കുന്നു.
-
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
ഇറാന്റെ തന്ത്രം 'പൊളിക്കാന്' യുഎഇ, സൗദി, ഇറാഖ് നീക്കം; എങ്കിലും അളവ് എത്തില്ല, 3 കുഴലുകള് -
ഖത്തറിന് മറ്റൊരു വന് തിരിച്ചടി; ഡൊണാള്ഡ് ട്രംപ് പോലും വീഴും, ആരും അറിയാതെ എത്തുന്ന കെണി -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ -
ക്ഷമ നശിച്ച് യുഎഇ; അമേരിക്കയ്ക്കൊപ്പം ഇറാനെതിരെ യുദ്ധക്കളത്തിലേക്ക്? യുദ്ധഭീതിയിൽ പ്രവാസി ലോകം -
സൗദി അറേബ്യ മൂന്നാം സ്ഥാനത്ത്; എല്പിജി കൂടുതല് ഉല്പ്പാദിപ്പിക്കുന്നത് മറ്റൊരു രാജ്യം, ചൈന മുന്നില് -
ഗൾഫ് രാജ്യങ്ങളിലെ വിദ്യാർത്ഥികൾക്ക് ആശ്വാസം; ബദൽ മൂല്യനിർണയ പദ്ധതിയുമായി സിബിഎസ്ഇ -
സ്വർണം കൂട്ടത്തോടെ വിറ്റ് റഷ്യ; 25 വർഷത്തിനിടെ ആദ്യം..വില ഇനി കുത്തനെ ഇടിയും? -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം
Click it and Unblock the Notifications
Sign in with Google