അധ്യാപകരാണോ? യുഎഇ ഗോള്ഡന് വിസ ലഭിക്കും..! രണ്ട് വിഭാഗങ്ങള് കൂടി ലിസ്റ്റില്, അറിയേണ്ടതെല്ലാം
ദുബായ്: കഴിഞ്ഞ ഒരു വര്ഷമായി, യുഎഇ അതിന്റെ ഗോള്ഡന് വിസ പ്രോഗ്രാം വിപുലീകരിക്കുന്നുണ്ട്. അടുത്തിടെ കണ്ടന്റ് ക്രിയേറ്റേഴ്സിനെ കൂടി ഗോള്ഡന് വിസ പരിധിയില് ഉള്പ്പെടുത്തിയിരുന്നു. ഇപ്പോഴിതാ മൂന്ന് മേഖലയിലുള്ളവര്ക്ക് കൂടി യുഎഇ ഗോള്ഡന് വിസ അനുവദിക്കും എന്നാണ് ഗള്ഫ് ന്യൂസ് റിപ്പോര്ട്ട് ചെയ്യുന്നത്.
വിദ്യാഭ്യാസം, സാങ്കേതികവിദ്യ, ആഡംബരം തുടങ്ങിയ മേഖലകളിലുടനീളം അസാധാരണ പ്രതിഭകളെ ആകര്ഷിക്കാനും സാമ്പത്തിക വളര്ച്ചയും നവീകരണവും പ്രോത്സാഹിപ്പിക്കാനുമുള്ള രാജ്യത്തിന്റെ പദ്ധതിയുടെ ഭാഗമായാണ് ഗോള്ഡന് വിസ വിപുലീകരിക്കുന്നത്. യുഎഇയുടെ ഗോള്ഡന് വിസ പ്രോഗ്രാമില് ഉള്പ്പെടുത്തിയിരിക്കുന്ന ഏറ്റവും പുതിയ വിഭാഗങ്ങള് ഇതെല്ലാമാണ്.
അധ്യാപകര്
ദുബായ് സ്കൂളുകളിലെയും സര്വകലാശാലകളിലെയും അധ്യാപകര്ക്ക് ഇപ്പോള് നോളജ് ആന്ഡ് ഹ്യൂമന് ഡെവലപ്മെന്റ് അതോറിറ്റി (കെഎച്ച്ഡിഎ) 2024 ഒക്ടോബറില് അവതരിപ്പിച്ച വിഭാഗമായ ഗോള്ഡന് വിസയ്ക്ക് അപേക്ഷിക്കാം. എമിറേറ്റിലെ സ്വകാര്യ വിദ്യാഭ്യാസ മേഖലയില് മികച്ച സംഭാവനകള് നല്കിയ അധ്യാപകര്ക്കാണ് ഈ ദീര്ഘകാല റെസിഡന്സി നല്കുന്നത്.
കിഡ്സ് സെന്റര്, സ്കൂളുകള്, ഉന്നത വിദ്യാഭ്യാസ സ്ഥാപനങ്ങള് എന്നിവിടങ്ങളില് ജോലി ചെയ്യുന്ന യോഗ്യരായ അധ്യാപകര്ക്ക് അവരുടെ അക്കാദമിക് നേട്ടങ്ങള്, അവരുടെ സ്ഥാപനങ്ങളിലെ വിദ്യാഭ്യാസ നിലവാരം ഉയര്ത്താനുള്ള ശ്രമങ്ങള് എന്നിവ അടിസ്ഥാനമാക്കി യോഗ്യത നേടാനാകും. ഗോള്ഡന് വിസ നേടിയാല് അവരുടെ കുടുംബാംഗങ്ങളെ സ്പോണ്സര് ചെയ്യാനും അധിക ആനുകൂല്യത്തോടെ ദുബായില് താമസിക്കാനും ജോലി ചെയ്യാനും അനുവദിക്കും. അതേസമയം അപേക്ഷകര് കെഎച്ച്ഡിഎ നിശ്ചയിച്ചിട്ടുള്ള പ്രത്യേക യോഗ്യതാ മാനദണ്ഡങ്ങള് പാലിക്കണം.
ദുബായ് ഗെയിമിംഗ് വിസ
ദുബായ് പ്രോഗ്രാം ഫോര് ഗെയിമിംഗ് 2033 ന് കീഴില് ദുബായ് ഗെയിമിംഗ് വിസ അവതരിപ്പിച്ചിട്ടുണ്ട്. വളര്ന്നുവരുന്ന ഇ-സ്പോര്ട്സ് മേഖലയെ പിന്തുണയ്ക്കുന്നതിനാണ് ഇത്. ഈ 10 വര്ഷത്തെ ഗോള്ഡന് വിസ ഗെയിമിംഗ് വ്യവസായത്തില് പ്രവര്ത്തിക്കുന്ന വ്യക്തികള്ക്ക് ലഭിക്കുന്നതാണ്. ദുബായ് കിരീടാവകാശിയും യുഎഇയുടെ ഉപപ്രധാനമന്ത്രിയും പ്രതിരോധ മന്ത്രിയും ചെയര്മാനുമായ ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂമാണ് ഇത് ആരംഭിച്ചത്.
ഗോള്ഡന് വിസയ്ക്ക് അപേക്ഷിക്കുന്നതിന് ഉദ്യോഗാര്ത്ഥികള് ആദ്യം ദുബായ് കള്ച്ചറില് നിന്നുള്ള അക്രഡിറ്റേഷന് സര്ട്ടിഫിക്കറ്റ് നേടണം. 25 വയസാണ് കുറഞ്ഞ പ്രായപരിധി. ഗെയിമിംഗിനും ഇ-സ്പോര്ട്സിനും വേണ്ടിയുള്ള ആഗോള ഹബ്ബായി ദുബായെ സ്ഥാനപ്പെടുത്താനാണ് ഈ സംരംഭം ലക്ഷ്യമിടുന്നത്.
ലക്ഷ്വറി യാച്ച് ഉടമകള്
അബുദാബിയിലെ ആഡംബര നൗക ഉടമകള്ക്ക് ഇപ്പോള് 'അബുദാബി ഗോള്ഡന് ക്വേ' സംരംഭത്തിലൂടെ 10 വര്ഷത്തെ ഗോള്ഡന് വിസയ്ക്ക് യോഗ്യത നേടാം. അബുദാബി ഇന്വെസ്റ്റ്മെന്റ് ഓഫീസ്, യാസ് മറീന എന്നിവയുമായി സഹകരിച്ച് അബുദാബി ഡിപ്പാര്ട്ട്മെന്റ് ഓഫ് കള്ച്ചര് ആന്ഡ് ടൂറിസം അവതരിപ്പിച്ച പദ്ധതി ഉയര്ന്ന ആസ്തിയുള്ള വ്യക്തികളെ എമിറേറ്റില് നിക്ഷേപിക്കുന്നതിന് ആകര്ഷിക്കുക എന്ന ലക്ഷ്യത്തോടെയാണ് വിഭാവനം ചെയ്തിരിക്കുന്നത്.
40 മീറ്ററോ അതില് കൂടുതലോ ഉള്ള കപ്പലുകളുള്ള സ്വകാര്യ യാച്ച് ഉടമകള്ക്ക് ഗോള്ഡന് വിസയ്ക്ക് നോമിനേറ്റ് ചെയ്യാം. യാച്ചിംഗ് മേഖലയിലെ പ്രധാന എക്സിക്യൂട്ടീവുകള്, യാച്ച് നിര്മ്മാണ കമ്പനികളുടെ ഓഹരി ഉടമകള്, പ്രധാന ഏജന്റുമാര്, സേവന ദാതാക്കള് എന്നിവരും ഈ സംരംഭത്തില് ഉള്പ്പെടുന്നു. നാമനിര്ദ്ദേശം ചെയ്യപ്പെട്ട വ്യക്തികളുടെ കുടുംബാംഗങ്ങള്ക്കും ഈ പ്രോഗ്രാമിന് കീഴില് റെസിഡന്സിക്ക് അര്ഹതയുണ്ടായിരിക്കും.
Click it and Unblock the Notifications
Sign in with Google