മലയാളി ശുചീകരണ തൊഴിലാളിക്ക് 22 ലക്ഷത്തിലേറെ രൂപയുടെ യുഎഇ സർക്കാർ പുരസ്കാരം; കഷ്ടപാടിനുള്ള ആദരം
കൊച്ചി: തൊഴിൽ മികവിന് യു എ ഇ മാനവ വിഭവശേഷി -സ്വദേശിവത്കരണ മന്ത്രാലയത്തിന്റെ പുരസ്കാരം നേടി മലയാളി. അബുദാബി കനേഡിയൻ മെഡിക്കൽ സെന്ററിലെ (സി എം സി) ശുചീകരണ തൊഴിലാളിയായ പ്രമീള കൃഷ്ണ(51)നാണ് പുരസ്കാരം ലഭിച്ചത്. ഒരു ലക്ഷം ദിർഹം ആണ് സമ്മാനം. അതായത് 22 ലക്ഷത്തിലേറെ ഇന്ത്യ രൂപ. ഇത് കൂടാതെ സ്വർണനാണയം, സർടിഫിക്കറ്റ്, മൊമെന്റോ, ഇൻഷുറൻസ് കാർഡ്, ഗിഫ്റ്റ് വൗച്ചർ എന്നിവയടങ്ങുന്ന സമ്മാനങ്ങളും പ്രമീളക്ക് ലഭിച്ചു. 13 വർഷത്തെ മികച്ച സവേനത്തിനാണ് പ്രമീളയ്ക്ക് പുരസ്കാരം ലഭിച്ചത്.
പ്രമീളയുടെ പുരസ്കാര നേട്ടത്തെ കുറിച്ച് മാനവ വിഭവശേഷി മന്ത്രാലയം എക്സിൽ വീഡിയോ പങ്കിട്ടുണ്ട്. തന്റെ ജോലിയ കുറിച്ച് വീഡിയോയിൽ പ്രമീള വിശദീകരിക്കുന്നുണ്ട്.'രാവിലെ എട്ട് മണിക്ക് ഞാൻ ജോലിക്കെത്തും. ഡോക്ടർമാരുടെ റൂമിലെത്തി അവർക്ക് വേണ്ട കാര്യങ്ങൾ എല്ലാം ചെയ്ത് വെച്ച് മെഡിക്കൽ വേസ്റ്റുകൾ മാറ്റി കൃത്യമായി എല്ലാ കാര്യങ്ങളും 9 മണിയാകുമ്പോഴേക്കും പൂർത്തിയാക്കി വെക്കും', പ്രമീള പറഞ്ഞു. 13 വർഷം മുൻപാണ് താൻ ഇവിടേക്ക് വന്നതെന്ന് പ്രമീള പറയുന്നു. തുടക്കത്തിൽ നല്ല ബുദ്ധിമുട്ടുണ്ടായിരുന്നു. ഇവിടെ ഡോക്ടർമാരുടേയും നഴ്സുമാരുടേയും കൂടെ നിന്നാണ് കാര്യങ്ങൾ പഠിച്ചത്. എനിക്ക് പുരസ്കാര നേട്ടത്തിൽ വലിയ സന്തോഷമുണ്ട്. കൂടുതൽ ആത്മാർത്ഥതയോടെ ജോലി ചെയ്യാനുള്ള പ്രോത്സാഹനം കൂടിയാണ് ഈ പുരസ്കാരം',പ്രമീള പറഞ്ഞു.
അബുദാബിയിൽ നഴ്സായ സഹോദരനാണ് പ്രമീളയെ സന്ദർശക വിസയിൽ ദുബായിൽ കൊണ്ടുവന്നത്. ഭർത്താവിന്റെ മരണത്തോടെ മക്കളെ എങ്ങനെ പഠിപ്പിക്കുമെന്ന് അറിയാതെ കടുത്ത സാമ്പത്തിക ബുദ്ധിമുട്ടുകൾ നേരിടുന്ന സാഹചര്യത്തിലായിരുന്നു ഇത്. ഒടുവിൽ കനേഡിയൻ മെഡിക്കൽ സെന്ററിൽ ജോലി ലഭിച്ചു. ഈ ജോലിയിലൂടെയാണ് പ്രമീള തന്റെ ജീവിതം കെട്ടിപടുത്തത്. മക്കൾക്ക് മികച്ച വിദ്യാഭ്യാസം നൽകി. മുത്ത മകൾ ഗായത്രി സാമ്പത്തിക ശാസ്ത്രത്തിൽ ബിരുദാനന്തര ബിരുദധാരിയാണ്. മകൻ വിഷ്ണു അനാഥാലയത്തിൽ ജോലി ചെയ്യുന്നു. ഇരുവരും വിവാഹിതരാണ്. നാട്ടിൽ വീട് പണി അവസാന ഘട്ടത്തിലാണെന്നും പുരസ്കാര തുക വീട് പണിക്ക് വേണ്ടി എടുത്ത 10 ലക്ഷം രൂപ വായ്പ അടച്ച് തീർക്കാൻ ഉപകരിക്കുമെന്നും ു്പമീള പറഞ്ഞു.
അതേസമയം ഇതാദ്യമായല്ല പ്രമീളയ്ക്ക് പുരസ്കാരം ലഭിക്കുന്നത്. നേരത്തെ അബുദാബി മനുഷ്യവിഭവ മന്ത്രാലയത്തിന്റെ എമിറേറ്റ്സ് ലേബർ മാർക്കറ്റ് പുരസ്കാരവും സിഎംസിയുടെ അവാർഡും പ്രമീളക്ക് ലഭിച്ചിട്ടുണ്ട്.
Click it and Unblock the Notifications
Sign in with Google