യുഎഇ പുതിയ ഇളവ് പ്രഖ്യാപിച്ചു; ജൂലൈ 9 വരെ സമയം, ഖത്തര് ഇളവ് കുറച്ചു, ഇനി 14 ദിവസം
ജിസിസി രാജ്യങ്ങളില് നിന്ന് രണ്ട് സുപ്രധാന വിവരങ്ങളാണ് വന്നിരിക്കുന്നത്. രണ്ടും പ്രവാസികളെ ബാധിക്കുന്നതാണ്. ഒന്ന് യുഎഇയില് നിന്നും മറ്റൊന്ന് ഖത്തറില് നിന്നും. യുദ്ധകാലത്ത് യുഎഇയില് നിന്ന് പുറത്തുപോകാന് സാധിക്കാതിരുന്നവര്ക്കാണ് പുതിയ ഇളവ്. ഇവര്ക്ക് നേരത്തെ ചില ഇളവുകള് നല്കിയിരുന്നു. അതിന് പുറമെയാണ് ജൂലൈ 9 വരെ പിഴ ഒഴിവാക്കി സമയം അനുവദിച്ചിരിക്കുന്നത്.
യുദ്ധകാലത്ത് വിസാ കാലാവധി കഴിഞ്ഞവര്ക്ക് യുഎഇയില് തന്നെ തുടരാന് സിറ്റിസണ്ഷിപ്പ് ഫെഡറല് അതോറിറ്റി അനുമതി നല്കിയിരുന്നു. യുദ്ധം അവസാനിക്കുകയും സമാധാനത്തിന് ധാരണ നിലവില് വരികയും ചെയ്ത സാഹചര്യത്തില് ജൂലൈ 9 വരെ പുതിയ ഇളവ് പ്രഖ്യാപിച്ചിരിക്കുകയാണ് യുഎഇ. യുദ്ധം കാരണം യുഎഇയില് പെട്ടുപോയവര്ക്ക് വിസ പുതുക്കാനും രാജ്യം വിട്ടുപോകാനുമുള്ള അവസരം പ്രഖ്യാപിച്ചിരിക്കുകയാണ്.
രേഖകള് ശരിപ്പെടുത്തി യുഎഇയില് തുടരാം. അല്ലെങ്കില് ഔദ്യോഗികമായി രാജ്യം വിടാനും അവസരമുണ്ടാകും. ജൂലൈ 9 വരെ പിഴയുണ്ടാകില്ല. അവര്ക്ക് രേഖകള് കൃത്യമാക്കാനും മറ്റുമുള്ള സമയം ജൂലൈ 9 വരെയുണ്ട്. ജൂണ് 10 മുതല് ജൂലൈ 9 വരെയുള്ള സമയമാണ് അനുവദിച്ചത്. ഇനി 20 ദിവസത്തില് താഴെ സമയമേയുള്ളൂ. യുഎഇയില് വിസിറ്റിങ് വിസയിലെത്തി കുടുങ്ങിയവര്ക്ക് ഈ അവസരം ഉപയോഗപ്പെടുത്താം.
ഖത്തറിലെ ഇളവ് 30ല് നിന്ന് 14 ദിവസമാക്കി ചുരുക്കി
ഖത്തറിലെ മലയാളി പ്രവാസികള് ഉള്പ്പെടെയുള്ള വിദേശികള്ക്ക് നിര്ണായക മുന്നറിയിപ്പുമായി ആഭ്യന്തര മന്ത്രാലയം. റസിഡന്സ് പെര്മിറ്റ് (ഐഡി) റദ്ദാക്കിയ ശേഷം രാജ്യം വിടുന്നതിനായി മുന്പ് അനുവദിച്ചിരുന്ന സമയപരിധി ഖത്തര് ഭരണകൂടം പകുതിയായി കുറച്ചു. മുന്പ് വിസ റദ്ദാക്കിയാല് 30 ദിവസത്തിനകം രാജ്യം വിടാന് അനുമതി നല്കിയിരുന്ന സ്ഥാനത്ത് ഇനി മുതല് 14 ദിവസത്തിനുള്ളില് രാജ്യം വിടണം.
നിശ്ചിത സമയപരിധിക്കുള്ളില് രാജ്യം വിടാത്തവര് കനത്ത നിയമനടപടികളും പിഴയും നേരിടേണ്ടി വരുമെന്ന് ആഭ്യന്തര മന്ത്രാലയം വ്യക്തമാക്കി. മന്ത്രാലയത്തിന്റെ പബ്ലിക് റിലേഷന്സ് വിഭാഗം സംഘടിപ്പിച്ച സുരക്ഷിത യാത്രാ ബോധവല്ക്കരണ പരിപാടിയിലാണ് ഈ സുപ്രധാന പ്രഖ്യാപനം.
എയര്പോര്ട്ട് പാസ്പോര്ട്ട് വിഭാഗത്തിലെ ഉദ്യോഗസ്ഥനായ ക്യാപ്റ്റന് അലി അഹമ്മദ് അലി അല് കുവാരിയാണ് വെബിനാറിലൂടെ പുതിയ ഇമിഗ്രേഷന് നയം ഭേദഗതി ചെയ്ത വിവരം അറിയിച്ചത്. റസിഡന്സ് പെര്മിറ്റ് റദ്ദാക്കിയ ശേഷം അനുവദിച്ച രണ്ടാഴ്ചത്തെ സമയപരിധി ലംഘിക്കുന്നവരില് നിന്നും പ്രതിദിനം 10 ഖത്തര് റിയാല് വീതം പിഴ ഈടാക്കും.
ഖത്തറിലേക്ക് ടൂറിസ്റ്റ്, ഫാമിലി സന്ദര്ശക വിസകളില് എത്തുന്നവര്ക്ക് ഈ ബാധ്യത ഇതിലും ഭീമമാണ്. വിസ കാലാവധി കഴിഞ്ഞും നിയമവിരുദ്ധമായി രാജ്യത്ത് തുടരുന്ന വിദേശികളില് നിന്ന് പ്രതിദിനം 200 ഖത്തര് റിയാല് വീതമാണ് ഓവര്സ്റ്റേ പിഴയായി ഈടാക്കുക. വിദേശികളും സന്ദര്ശകരും തങ്ങളുടെ പാസ്പോര്ട്ടിലെ വിസ സ്റ്റാമ്പ് അടിസ്ഥാനമാക്കി വിസയുടെ കാലാവധിയും അനുവദിച്ചിട്ടുള്ള താമസ പരിധിയും ഓരോ തവണയും കൃത്യമായി ഉറപ്പുവരുത്തണം. ഖത്തര് ആഭ്യന്തര മന്ത്രാലയത്തിന്റെ മെട്രാഷ് മൊബൈല് ആപ്ലിക്കേഷന് വഴി ഇത് എളുപ്പത്തില് സാധ്യമാകും.
Click it and Unblock the Notifications
Sign in with Google