യുഎഇയിലെ പ്രവാസികളുടെ ശ്രദ്ധയ്ക്ക്..; പാസ്പോര്ട്ട് പുതുക്കാനായോ? ഇക്കാര്യം മറക്കല്ലേ
അബുദാബി: യുഎഇയിലെ ഇന്ത്യന് പ്രവാസികള്ക്ക് പാസ്പോര്ട്ട് പുതുക്കുന്നതിനുള്ള വിവിധ സേവനങ്ങള് വ്യക്തമാക്കി അബുദാബിയിലെ ഇന്ത്യന് എംബസി. പാസ്പോര്ട്ട് പുതുക്കല് സംബന്ധിച്ച് ലഭ്യമായ സേവനങ്ങള് മനസിലാക്കാനും സുഗമമായ പാസ്പോര്ട്ട് പുതുക്കല് പ്രക്രിയ ഉറപ്പാക്കാനും പ്രവാസികളെ സഹായിക്കുന്നതിനുള്ള മാര്ഗനിര്ദേശങ്ങളാണ് എംബസി പുറത്തിറക്കിയിരിക്കുന്നത്.
സാധാരണ പാസ്പോര്ട്ട് പുതുക്കല് സേവനം, തത്കാല് പാസ്പോര്ട്ട് പുതുക്കല് സേവനം, പാസ്പോര്ട്ട് പുതുക്കലിനായുള്ള പ്രീമിയം ലോഞ്ച് സേവനം എന്നിവ വിശദീകരിച്ച് കൊണ്ടാണ് ഇന്ത്യന് എംബസിയുടെ അറിയിപ്പ്. ഇന്ത്യന് എംബസിയും ദുബായിലെ ഇന്ത്യന് കോണ്സുലേറ്റും അധിക ഫീസ് ഈടാക്കുന്ന തത്കാല് സേവനത്തിലൂടെ മാത്രമേ പാസ്പോര്ട്ടുകള് അതിവേഗം പുതുക്കാന് കഴിയൂ.
അപേക്ഷ സമര്പ്പിക്കുന്നതിന് യുഎഇയിലെ ഇന്ത്യന് പ്രവാസികള് വിവിധ ഇന്ത്യന് കമ്മ്യൂണിറ്റി അസോസിയേഷനുകളുടെ പരിസരത്തും ദുബായിലോ അബുദാബിയിലോ ഉള്ള ബിഎല്എസ് പ്രീമിയം ലോഞ്ചുകള് ഉള്പ്പെടെയുള്ള സെന്ററുകളിലും കമ്പനിയുടെ വെബ്സൈറ്റ് വഴി അപ്പോയിന്റ്മെന്റ് ബുക്ക് ചെയ്യണം. തത്കാല് പാസ്പോര്ട്ട് പുതുക്കല് സേവനം തേടുന്നവര്ക്ക് മുന്കൂര് നിയമനം ആവശ്യമില്ല.
പ്രീമിയം ലോഞ്ച് സര്വീസ് വഴി സമര്പ്പിക്കുന്ന പാസ്പോര്ട്ടുകള് സാധാരണ സമയപരിധിക്ക് കീഴിലാണ് പ്രോസസ്സ് ചെയ്യുന്നതെന്നും മിഷന് വ്യക്തമാക്കി. മൂന്ന് തരം പാസ്പോര്ട്ട് പുതുക്കല് സേവനങ്ങളും തമ്മിലുള്ള വ്യത്യാസങ്ങള് എന്തൊക്കെയാണ് എന്നല്ലേ? സാധാരണ പാസ്പോര്ട്ട് പുതുക്കല് സേവനം എംബസിയോ കോണ്സുലേറ്റോ വഴി പ്രോസസ്സ് ചെയ്യുന്നതാണ്.
ഇതിന് മൂന്ന് മുതല് നാല് വരെ പ്രവൃത്തി ദിനങ്ങളാണ് പ്രോസസിംഗ് സമയമായി വേണ്ടത്. ഇഷ്യൂ ചെയ്യുന്നതിന് മുമ്പ് ഇന്ത്യയിലെ പൊലീസ് ക്ലിയറന്സിനു വിധേയമാണ്. തത്കാല് പാസ്പോര്ട്ട് പുതുക്കല് സേവനം അടിയന്തര ആവശ്യങ്ങള്ക്ക് ഫാസ്റ്റ് ട്രാക്ക് ഓപ്ഷനാണ്. ഇവിടെ പാസ്പോര്ട്ട് നല്കിയതിന് ശേഷമാണ് പൊലീസ് ക്ലിയറന്സ് നടക്കുന്നത്. 12 മണിക്ക് മുമ്പ് അപേക്ഷിച്ചാല് അടുത്ത പ്രവൃത്തി ദിവസമോ അതേ ദിവസം തന്നെയോ പാസ്പോര്ട്ട് നല്കും.
മുന്കൂര് അപ്പോയ്ന്മെന്റില്ലാതെ തന്നെ അപേക്ഷ സ്വീകരിക്കും. പ്രീമിയം ലോഞ്ച് സേവനങ്ങള് നിയുക്ത കേന്ദ്രങ്ങളില് മാത്രായിരിക്കും ഉണ്ടാകുക. ഇത് ഫാസ്റ്റ് ട്രാക്ക് സര്വീസ് അല്ല. പാസ്പോര്ട്ടുകള് സാധാരണ സമയപരിധിക്ക് കീഴിലാണ് പ്രോസസ്സ് ചെയ്യുന്നത്.
പാസ്പോര്ട്ട് പുതുക്കല് സേവനങ്ങള്ക്കുള്ള നിരക്കുകള് നോക്കാം
സാധാരണ പാസ്പോര്ട്ട് പുതുക്കല്
36 പേജുള്ള ബുക്ക്ലെറ്റ് -ദിര്ഹം285
60 പേജുള്ള ജംബോ ബുക്ക്ലെറ്റ് 380 ദിര്ഹം
തത്കാല് സേവനം
36 പേജുള്ള ബുക്ക്ലെറ്റ്-ദിര്ഹം 855
60 പേജുള്ള ജംബോ ബുക്ക്ലെറ്റ് -950 ദിര്ഹം
സേവന നിരക്ക് - 9 ദിര്ഹം
ഇന്ത്യന് കമ്മ്യൂണിറ്റി വെല്ഫെയര് ഫണ്ട് - ദിര്ഹം 8
പ്രീമിയം ലോഞ്ച് സേവന നിരക്ക്: മറ്റെല്ലാ സേവന നിരക്കുകളും ഫീസും കൂടാതെ 236.25 ദിര്ഹം.
Click it and Unblock the Notifications
Sign in with Google