നൂറല്ല, ദിവസവും 50 ദിര്ഹം നഷ്ടമാകും; യുഎഇ പ്രവാസികള് ശ്രദ്ധിക്കുക... പരിഹാരം ഇങ്ങനെ
ദുബായ്: മലയാളി പ്രവാസികള് കൂടുതലുള്ള രാജ്യങ്ങളിലൊന്നാണ് യുഎഇ. ഏറ്റവും കൂടുതല് ഇന്ത്യക്കാര് ജോലി ചെയ്യുന്ന വിദേശ രാജ്യവും യുഎഇയാണ്. 90 ലക്ഷത്തോളം ഇന്ത്യക്കാരാണ് ജിസിസിയിലെ ആറ് രാജ്യങ്ങളിലായി ജോലി ചെയ്യുന്നത്. ഇതില് 34.1 ലക്ഷം പേര് യുഎഇയിലാണ് എന്ന് കേന്ദ്ര സര്ക്കാര് അടുത്തിടെ പുറത്തുവിട്ട രേഖയില് വ്യക്തമാക്കുന്നു.
യുഎഇയിലെ നിയമങ്ങളില് കാലാനുസൃതമായ മാറ്റങ്ങള് ഭരണകൂടം നടപ്പില് വരുത്താറുണ്ട്. ഒട്ടേറെ പ്രവാസികളാണ് യുഎഇയില് താമസ രേഖയുടെ കാലാവധി കഴിഞ്ഞ ശേഷവും തങ്ങുന്നത്. നിയമ വിരുദ്ധമായ ഈ താമസക്കാരെ കണ്ടെത്തിയാല് കടുത്ത നടപടി നേരിടേണ്ടിവരും. എന്നാല് ഇവര്ക്ക് രേഖകള് ശരിപ്പെടുത്താന് ഒട്ടേറെ വഴികളുണ്ട്.
താമസ വിസ, ടൂറിസ്റ്റ് വിസ, വിസിറ്റ് വിസ എന്നിവ മുഖേന യുഎഇയിലെത്തി കാലാവധി കഴിഞ്ഞിട്ടും രാജ്യം വിടാത്തവര്ക്ക് ഓരോ ദിവസവും 50 ദിര്ഹം പിഴയുണ്ടാകും. നേരത്തെ ഇത് 100 ദിര്ഹമായിരുന്നു. എല്ലാവരും കൃത്യ സമയം തന്നെ വിസ പുതുക്കണം എന്നാണ് യുഎഇ അധികൃതരുടെ നിര്ദേശം. അവസാന തിയ്യതിയിലേക്ക് നീട്ടിവയ്ക്കുന്നതും തിരിച്ചടിയാകാന് സാധ്യതയുണ്ട്.
ഔദ്യോഗിക വെബ്സൈറ്റ് വഴി വിസ പുതുക്കാവുന്നതാണ്. അല്ലെങ്കില് ദുബായ് നൗ എന്ന ആപ്പ് വഴിയും പുതുക്കാം. പഴയ രീതി തുടരാന് ആഗ്രഹിക്കുന്നവര്ക്ക് അംഗീകൃത പ്രിന്റിങ് സെന്ററുകളെ സമീപിക്കാം. ഫെഡറല് അതോറിറ്റി ഫോര് ഐഡന്റിറ്റി ആന്റ് സിറ്റിസണ്ഷിപ്പിന് കീഴില് പ്രിന്റിങ് ഓഫീസുകള് പ്രവര്ത്തിക്കുന്നുണ്ട്.
വിസ പുതുക്കുന്നതിനുള്ള അപേക്ഷയ്ക്കൊപ്പം ഫീസും അടയ്ക്കേണ്ടതുണ്ട്. വിസാ കാലാവധി പുതുക്കാനുള്ള അപേക്ഷ അംഗീകരിച്ചാല് ഇമെയില് സന്ദേശം വരും. കൂടെ ഒറിജിനല് എന്ട്രി പെര്മിറ്റും ലഭ്യമാകും. ഇവയുടെ പകര്പ്പെടുത്ത് ഉപയോഗിക്കാം. വിസയുടെ കാലാവധി കഴിയുന്നതിന്റെ നാല് ദിവസം മുമ്പെങ്കിലും അപേക്ഷ സമര്പ്പിക്കുന്നതാണ് പിഴ ഒഴിവാക്കാന് ഏറ്റവും ഉചിതം.
ഫിലിപ്പീന്സുകാര്ക്ക് വിസ പുതുക്കുമ്പോള് നല്കേണ്ട ഫീസിന്റെ കാര്യത്തില് ചില ഇളവുകള് പ്രഖ്യാപിച്ചിട്ടുണ്ട്. ബാലിക്ബയാന് സ്റ്റോര് എന്ന പ്ലാറ്റ്ഫോം ആണ് ഫിലിപ്പിനോകളെ ഇക്കാര്യത്തില് സഹായിക്കുക. ഫീസ് നാല് തവണയായി അടയ്ക്കാനുള്ള സൗകര്യമാണ് ഇവര് ഒരുക്കിയിരിക്കുന്നത്. 900 ദിര്ഹമാണ് നല്കേണ്ടെങ്കില് ഓരോ മാസവും 225 ദിര്ഹമായി നാല് തവണ അടയ്ക്കാം.
-
യുഎഇയിൽ കനത്ത മഴയ്ക്കും പൊടിക്കാറ്റിനും സാധ്യത; കടൽ പ്രക്ഷുബ്ധമാവും, യാത്രക്കാർ ഇക്കാര്യങ്ങൾ ശ്രദ്ധിക്കണം -
യുഎഇയിൽ പ്രളയസമാനമായ മഴ; വരും മണിക്കൂറുകളിൽ അതീവ ജാഗ്രതാ നിർദ്ദേശം! -
യുഎഇ നിവാസികളുടെ ശ്രദ്ധയ്ക്ക്; വെള്ളിയാഴ്ച വരെ മഴ തുടരാൻ സാധ്യത, പൊടിക്കാറ്റിനെയും സൂക്ഷിക്കണം, കാഴ്ച മറയും -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്?
Click it and Unblock the Notifications
Sign in with Google