പെട്രോളിനും ഡീസലിനും വില കുറച്ച് യുഎഇ; ഏപ്രിലിലെ നിരക്കുകള് ഇങ്ങനെ
ദുബായ്: ഏപ്രില് മാസത്തിലെ ഇന്ധനവിലയില് കുറവ് വരുത്തി യുഎഇ. ഫെബ്രുവരിയില് വര്ധിപ്പിച്ചതിന് ശേഷം തുടര്ച്ചയായ രണ്ടാം മാസമാണ് ഇന്ധനവിലയില് കുറവ് വരുത്തിയിരിക്കുന്നത്. 2015 ല് യുഎഇ പെട്രോള് വില നിയന്ത്രണം നീക്കി ആഗോള നിരക്കുകളുമായി യോജിപ്പിച്ചിരുന്നു. ഇതിന് ശേഷം എല്ലാം മാസാവസാനവും യുഎഇയിലെ ഇന്ധന നിരക്കുകള് പരിഷ്കരിക്കാറുണ്ട്.
ഇത് പ്രകാരമാണ് ഏപ്രിലിലേക്കുള്ള ഇന്ധനവില ഇന്ന് പ്രഖ്യാപിച്ചിരിക്കുന്നത്. ഏപ്രില് 1 മുതല് പുതിയ നിരക്കുകള് ബാധകമാകും. ഏപ്രില് ഒന്ന് മുതല് സൂപ്പര് 98 പെട്രോളിന് ലിറ്ററിന് 2.57 ദിര്ഹമായിരിക്കും. മാര്ച്ചില് ഇത് 2.73 ദിര്ഹമായിരുന്നു. സ്പെഷ്യല് 95 പെട്രോള് വില ലിറ്ററിന് 2.61 ദിര്ഹം എന്നുള്ളതില് നിന്ന് ലിറ്ററിന് 2.46 ദിര്ഹമായി കുറച്ചു. ഇ-പ്ലസ് 91 പെട്രോളിന് ലിറ്ററിന് 2.38 ദിര്ഹമായും വില കുറച്ചു.
മാര്ച്ചില് ഇത് 2.54 ദിര്ഹമായിരുന്നു. ഡീസലിന് ലിറ്ററിന് 2.63 ദിര്ഹമായിരിക്കും പുതിയ വില. നിലവിലെ നിരക്ക് 2.77 ദിര്ഹമായിരുന്നു. മാര്ച്ചില് ആഗോള വിപണിയില് ഇന്ധന വില താഴ്ന്ന നിലയില് തുടര്ന്നിരുന്നു. ഇത് കണക്കിലെടുത്താണ് ഏപ്രില് മാസത്തിലെ വില കുറച്ചിരിക്കുന്നത്. ആഗോള വിപണിയില് ഫെബ്രുവരിയിലെ 75 ഡോളറുമായി താരതമ്യം ചെയ്യുമ്പോള് മാര്ച്ചില് ബ്രെന്റ് വില ശരാശരി 70.93 ഡോളറായിരുന്നു.
ഇക്കഴിഞ്ഞ വെള്ളിയാഴ്ച ആദ്യ വ്യാപാരത്തില് ബ്രെന്റ് ബാരലിന് 74.11 ഡോളറും ഡബ്ല്യുടിഐ ബാരലിന് 70.01 ഡോളറുമായിരുന്നു വില. ആഗോള സംഭവവികാസങ്ങളെ ചുറ്റിപ്പറ്റിയുള്ള അനിശ്ചിതത്വമാണ് അസംസ്കൃത എണ്ണയുടെ വിലയിലെ ചാഞ്ചാട്ടത്തിന് കാരണമാകുന്നത്. വെനിസ്വേലന് എണ്ണ വാങ്ങുന്ന രാജ്യങ്ങള്ക്ക് യുഎസ് തീരുവ ചുമത്തും എന്ന് പ്രഖ്യാപിച്ചിരുന്നു.
ഇതിനൊപ്പം വ്യാപാര പിരിമുറുക്കങ്ങളുടെയും സാമ്പത്തിക ആഘാതങ്ങളേയും കുറിച്ചുള്ള ആശങ്കകളും വിപണിയെ സ്വാധീനിച്ചു. പ്രതികരിക്കുന്നുണ്ട്. ഒപെക് പ്ലസ് ക്രൂഡ് ഓയില് ഉല്പ്പാദനത്തിലെ മാറ്റങ്ങളും വിപണിയെ ബാധിക്കുന്നുണ്ട് എന്നാണ് വിവരം. മിഡില് ഈസ്റ്റില് വര്ധിച്ചു വരുന്ന സംഘര്ഷങ്ങളും എണ്ണവിലയെ സ്വാധീനിച്ചു. ചെങ്കടലില് ഹൂത്തി വിമതര്ക്കെതിരെ യുഎസ് നടത്തിയ സൈനിക ആക്രമണങ്ങള് ഇതില് പ്രധാനമാണ്.
ഗാസയില് നടന്നുകൊണ്ടിരിക്കുന്ന ഇസ്രായേലിന്റെ ആക്രമണങ്ങളും മേഖലയിലെ ആശങ്കകള് വര്ധിപ്പിച്ചിട്ടുണ്ട്. വിപണിയിലെ അസ്ഥിരതയ്ക്ക് പുറമേ, 2025 ഏപ്രില് 2 മുതല് പ്രാബല്യത്തില് വരുന്ന വെനിസ്വേലന് എണ്ണ വാങ്ങുന്നവര്ക്ക് പുതിയ താരിഫ് ചുമത്തുമെന്ന യുഎസ് പ്രഖ്യാപനവും ആഗോള എണ്ണ വിപണികളെ ബാധിച്ചിട്ടുണ്ട്.
-
പ്രവാസികൾക്ക് ആശ്വാസം; 32 പ്രത്യേക സർവീസുകളുമായി എയർ ഇന്ത്യയും എയർ ഇന്ത്യ എക്സ്പ്രസും -
കുടുങ്ങിയത് ഖത്തറും സൗദി അറേബ്യയും; നേട്ടമുണ്ടാക്കിയത് ഈ 'ഒരൊറ്റ രാജ്യം', കിട്ടുന്നത് വന് ലാഭം -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ?
Click it and Unblock the Notifications
Sign in with Google