യുഎഇ ഡാമുകള് നിർമ്മിക്കുന്നു, അതും ഒന്നും രണ്ടല്ല 13 എണ്ണം: എല്ലാത്തിനും കാരണം ഷെയ്ഖ് മുഹമ്മദ്
ദീർഘകാലമായി തുടരുന്ന വലിയ വികസന പദ്ധതികള് ഇപ്പോഴും തുടരുകയാണ് യു എ ഇ. ഇത്തിഹാദ് റെയിൽ നെറ്റ്വർക്ക്, ദുബായ് അർബൻ ടെക് ഡിസ്ട്രിക്റ്റ്, പാം ജബൽ അലി തുടങ്ങിയ പദ്ധതികളെല്ലാം ഈ പട്ടികയില് വരുന്നു. അടിസ്ഥാന സൗകര്യങ്ങളുടെ വികസനത്തിലും യു എ ഇ ഭരണാധികാരികള് വലിയ ശ്രദ്ധ വെച്ചുപുലർത്തുന്നുണ്ട്. ഇത്തരത്തിലുള്ള ചില പദ്ധതികളാണ് കഴിഞ്ഞ ദിവസം യു എ ഇ പ്രഖ്യാപിച്ചിരിക്കുന്നത്.
യു എ ഇയിൽ ഒരു ഡസനിലധികം പുതിയ ഡാമുകളും കനാലുകളും നിർമ്മിക്കാന് പോകുകയെന്നാണ് ഇന്ന് വന്നിരിക്കുന്ന പുതിയ പ്രഖ്യാപനം. 'ഇനിഷ്യേറ്റീവ്സ് ഓഫ് ദ യുഎഇ പ്രസിഡന്റ്'എന്ന പദ്ധതിയുടെ കീഴിൽ ഉള്പ്പെടുത്തിയാണ് ഡാമുകളും കനാലുകളും നിർമ്മിക്കാന് പോകുന്നത്. ഇതിലൂടെ മഴവെള്ള ശേഖരണം വർധിപ്പിക്കുക, രാജ്യത്തിൻ്റെ ജലസംഭരണശേഷി 8 ദശലക്ഷം ഘനമീറ്ററായി ഉയർത്തുക എന്നതുമാണ് പ്രധാനമായി ലക്ഷ്യമിടുന്നത്.
പുതിയ ഡാമുകളും കനാലുകളും നിർമ്മിക്കുന്നതിലൂടെ കനത്ത മഴയുടെ സാഹചര്യത്തിലുണ്ടാകുന്ന വെള്ളക്കെട്ട് തടയുക, ചില ജനവാസ മേഖലകളിൽ കനത്ത മഴയുടെ ആഘാതം ലഘൂകരിക്കാന് സാധിക്കുമെന്നും ഭരണകൂടം കണക്ക് കൂട്ടുന്നു. രാജ്യത്തിൻ്റെ വിവിധ പ്രദേശങ്ങളിലായി ഒമ്പതോളം ഡാമുകളും 9 കിലോമീറ്റർ നീളത്തിൽ ഒമ്പതോളം കനാലുകളും നിർമ്മിക്കുമെന്നും വാർത്താ ഏജൻസിയായ വാം പുറത്തുവിട്ട റിപ്പോർട്ടില് വ്യക്തമാക്കുന്നു.
നിലവിലുള്ള രണ്ട് അണക്കെട്ടുകളുടെ നവീകരണവും പദ്ധതിയില് ഉള്പ്പെടുത്തിയിട്ടുണ്ട്. 19 മാസത്തിനുള്ളില് നിർമ്മാണ പ്രവർത്തികള് പൂർത്തീകരിക്കാനാണ് തീരുമാനം. ഷാർജയിലെ ഷിസ് ഏരിയ, ഖോർഫക്കാൻ, അജ്മാനിലെ മസ്ഫൗട്ട് ഏരിയ, റാസൽഖൈമയിലെ ഷാം. അൽ ഫഹാലിന്, ഫുജൈറയുടെ മുഹമ്മദ് ബിൻ സായിദ് സിറ്റി, അൽ ഹൈൽ, അൽ ഖരിയ, ഖിദ്ഫ, മർബ, ധദ്ന, അൽ സെയ്ജി, അൽ ഗാസിമ്രി എന്നിവിടങ്ങളിലാണ് നിർമ്മാണ പ്രവർത്തികള് നടക്കുക.
ഈ വർഷം ഏപ്രിലില് 75 വർഷത്തെ ചരിത്രത്തിനിടയിലെ ഏറ്റവും വലിയ മഴയായിരുന്നു യു എ ഇയില് ലഭിച്ചതോടെ. ഇതോടെ പ്രധാന പാതകളില് അടക്കം വെള്ളം കയറുകയും ഗതാഗതം തടസ്സപ്പെടുകയും ചെയ്തു. വീടുകളും ഹൈവേകളും വെള്ളക്കെട്ടിന്റെ കെടുതി അനുഭവിച്ചപ്പോള് നിരവധി വിമാന സർവ്വീസുകള് റദ്ദാക്കേണ്ടി വരികയും ചെയ്തിരുന്നു.
കനത്ത നാശം വിതച്ച മഴയ്ക്ക് പിന്നാലെ പ്രസിഡൻ്റ് ഷെയ്ഖ് മുഹമ്മദ് രാജ്യത്തെ അടിസ്ഥാന സൗകര്യങ്ങളെക്കുറിച്ച് സമഗ്രമായ പഠനത്തിന് ഉത്തരവിടുകയായിരുന്നു. ഈ പഠന റിപ്പോർട്ടിന്റെ അടിസ്ഥാനത്തിലാണ് പുതിയ ഡാമുകളും കനാലുകളും നിർമ്മിക്കാന് ഉത്തരിവിട്ടതെന്നും റിപ്പോർട്ടുകള് വ്യക്തമാക്കുന്നു.
-
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
യുഎഇയില് നാളെയും മറ്റന്നാളും മഴ കനക്കും! മോശം കാലാവസ്ഥയുടെ അവസാന തരംഗമെന്ന് മുന്നറിയിപ്പ് -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
ഖത്തറിന്റെ ആ മോഹം നടന്നേക്കില്ല; 10000 കോടിക്ക് 5 പദ്ധതി മതിയാകില്ല, പ്ലാന് ബി കണ്ടെത്തിയേക്കും -
ദുബായിൽ റോക്കറ്റ് പോലെ കുതിച്ച് സ്വർണവില; കൂടിയത് 20 ദിർഹത്തിൽ അധികം, 24 കാരറ്റിന്റെ വില എത്ര? -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം - ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ
Click it and Unblock the Notifications
Sign in with Google