കനത്ത മൂടല്മഞ്ഞ്, യാത്രക്കാര് ശ്രദ്ധിക്കണം; യുഎഇയില് റെഡ് അലര്ട്ട്
അബുദാബി: കനത്ത മൂടല്മഞ്ഞ് രൂപപ്പെട്ടതിനെത്തുടര്ന്ന് യുഎഇയില് റെഡ് അലര്ട്ട് പുറപ്പെടുവിച്ച് നാഷണല് മെറ്റീരിയോളജിക്കല് സെന്റര് (എന്സിഎം). 1000 മീറ്ററില് താഴെ ദൂരക്കാഴ്ച കുറയുന്നതിനാലാണ് വാഹനമോടിക്കുന്നവര്ക്കായുള്ള നിര്ദേശത്തില് റെഡ് അലര്ട്ട് പുറപ്പെടുവിച്ചിരിക്കുന്നത്. ചില പ്രദേശങ്ങളില് എന്സിഎം യെല്ലോ അലര്ട്ടും പുറപ്പെടുവിച്ചിട്ടുണ്ട്.
ചൊവ്വാഴ്ച രാവിലെ യുഎഇയുടെ ചില ഭാഗങ്ങളില് വാഹനങ്ങള് വളരെ പതുക്കെയാണ് ഓടിയത്. മൂടല്മഞ്ഞ് കാരണം ദൂരക്കാഴ്ച കുറഞ്ഞതിനാല് വാഹനമോടിക്കുന്നവര് ജാഗ്രത പാലിക്കണമെന്ന് അധികൃതര് അറിയിച്ചു. ഇലക്ട്രോണിക് ഇന്ഫര്മേഷന് ബോര്ഡുകളില് പ്രദര്ശിപ്പിച്ചിരിക്കുന്ന മാറുന്ന വേഗപരിധി പാലിക്കാന് ഡ്രൈവര്മാരെ അഭ്യര്ത്ഥിക്കുന്നതായും അബുദാബി പൊലീസ് പറഞ്ഞു.
വ്യവസ്ഥകള്ക്കനുസൃതമായി അബുദാബിയിലെ നിരവധി പ്രധാന, ഉള്റോഡുകളില് വേഗ പരിധി മണിക്കൂറില് 80 കിലോമീറ്ററായി താഴ്ത്തി വേഗത കുറയ്ക്കല് സംവിധാനം നടപ്പിലാക്കി. ചൊവ്വാഴ്ച രാവിലെ രാജ്യത്തെ പല പ്രധാന പ്രദേശങ്ങളും മൂടല്മഞ്ഞ് കൊണ്ട് മൂടി. അല് മക്തൂം ഇന്റര്നാഷണല് എയര്പോര്ട്ട്, എക്സ്പോ, ജബല് അലി, അല് മിന്ഹാദ് എന്നിവയ്ക്ക് സമീപമുള്ള പ്രദേശങ്ങളില് കനത്ത മൂടല്മഞ്ഞായിരുന്നു.
അബുദാബിയില് ഷെയ്ഖ് ഖലീഫ ബിന് സായിദ് ഇന്റര്നാഷണല് റോഡിലും അല് മിര്ഫ മുതല് അല് റുവൈസ് വരെയും ഹബ്ഷാന്, മദീനത് സായിദ്, രമ (അല് ദഫ്ര മേഖല), അല് ഖസ്ന, സ്വീഹാന് (അല് ഐന്) എന്നിവിടങ്ങളിലും മൂടല്മഞ്ഞ് രൂപപ്പെട്ടു. കൂടാതെ, സെയ്ഹ് സുദൈറ റോഡില് ഘാന്ടൗട്ടിലേക്കുള്ള അല് ഖാതിമിലെയും ഷെയ്ഖ് മുഹമ്മദ് ബിന് സായിദ് റോഡിലൂടെയും ഉമ്മുല് ഖുവൈനില് നിന്ന് റാസല് ഖൈമ വരെയുള്ള ഭാഗങ്ങളിലും മൂടല്മഞ്ഞ് നിലനിന്നിരുന്നു.
ദൃശ്യപരത കുറയുന്നതിനാല് വാഹനങ്ങള് വേഗത കുറച്ചത് ഷെയ്ഖ് മുഹമ്മദ് ബിന് സായിദ് റോഡിലും (ഇ311) എമിറേറ്റ്സ് റോഡിലും ഗതാഗതക്കുരുക്ക് രൂപപ്പെടാന് കാരണമുണ്ട് എന്ന് യാത്രക്കാര്ക്ക് മുന്നറിയിപ്പ് നല്കി. മൂടല്മഞ്ഞുള്ള കാലാവസ്ഥ ഈ മേഖലയിലെ കാലാനുസൃതമായ മാറ്റത്തെയാണ് സൂചിപ്പിക്കുന്നു. എന്നിരുന്നാലും ചില സമയങ്ങളില് കാലാവസ്ഥ ഭാഗികമായി മേഘാവൃതമായിരിക്കും.
രാത്രിയോടെയും ബുധനാഴ്ച രാവിലെയോടെയും ഈര്പ്പം വര്ദ്ധിക്കുമെന്ന് പ്രതീക്ഷിക്കുന്നത്. ചില തീരപ്രദേശങ്ങളിലും ആന്തരിക പ്രദേശങ്ങളിലും മൂടല്മഞ്ഞ് രൂപപ്പെടാനുള്ള സാധ്യതയുണ്ട്. കാറ്റ് നേരിയതോ മിതമായതോ ആയിരിക്കും. ഇത് പകല്സമയത്ത് ഇടയ്ക്കിടെ ഉന്മേഷദായകമായിരിക്കും. അറേബ്യന് ഗള്ഫിലും ഒമാന് കടലിലും കടല്ക്ഷോഭം നേരിയ തോതില് അനുഭവപ്പെടും.
അബുദാബിയിലും ദുബായിലും താപനില യഥാക്രമം 42 ഡിഗ്രി സെല്ഷ്യസും 41 ഡിഗ്രി സെല്ഷ്യസും ആയിരിക്കും. ഈര്പ്പം 25 മുതല് 90 ശതമാനം വരെ ആയിരിക്കും.
Click it and Unblock the Notifications
Sign in with Google