യുഎഇയില് ഇനി ഇന്ത്യന് ഉല്പ്പന്നങ്ങള് യഥേഷ്ടം ലഭിക്കും; വരുന്നു ഭാരത് മാര്ട്ട്..!
യുഎഇയിലെ ഭാരത് മാര്ട്ട് 2026 അവസാനത്തോടെ പൊതുജനങ്ങള്ക്കായി തുറക്കും. ഇന്ത്യന് ഉല്പ്പന്നങ്ങളുടെ വിപണനം ലക്ഷ്യമിട്ടൊരുക്കുന്ന ബൃഹത്തായ മാര്ക്കറ്റ് ആണ് ഭാരത് മാര്ട്ട്. ജബല് അലി ഫ്രീ സോണില് (ജാഫ്സ) സ്ഥിതി ചെയ്യുന്ന ഭാരത് മാര്ട്ട് 2.7 ദശലക്ഷം ചതുരശ്ര അടിയിലധികം വിസ്തൃതിയുള്ള റീട്ടെയില്, ഷോറൂമുകള്, വെയര്ഹൗസ് ഏരിയ എന്നിവ ഉള്ക്കൊള്ളുന്നതാണ്.
ഇന്ത്യയും യുഎഇയും തമ്മിലുള്ള ബന്ധം ശക്തിപ്പെടുത്തുന്നതിനായി ദുബായ് കിരീടാവകാശി ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം ഇന്ത്യയിലേക്കുള്ള തന്റെ ആദ്യ ഔദ്യോഗിക സന്ദര്ശനം കഴിഞ്ഞ് മടങ്ങിയെത്തിയ സാഹചര്യത്തിലാണ് പ്രഖ്യാപനം വന്നത്. ചൈനീസ് ഡ്രാഗണ് മാര്ട്ടുമായി താരതമ്യപ്പെടുത്തുമ്പോള്, ദുബായിലെ ഒരു ബിസിനസ്-ടു-ബിസിനസ്, ബിസിനസ്-ടു-കണ്സ്യൂമര് മാര്ക്കറ്റ്പ്ലേസായിരിക്കും ഭാരത് മാര്ട്ട്.
ഇന്ത്യന് ബിസിനസുകള്ക്കും ആഗോള വിപണികള്ക്കും ഇടയിലുള്ള വ്യാപാരം സുഗമമാക്കുന്നതിനായിട്ടാണ് ഇത് രൂപകല്പ്പന ചെയ്തിരിക്കുന്നത്. ഡിപി വേള്ഡിന്റെ ഗ്രൂപ്പ് ചെയര്മാനും സിഇഒയുമായ സുല്ത്താന് അഹമ്മദ് ബിന് സുലായം ഭാരത് മാര്ട്ടിന്റെ നിര്മ്മാണം ഇതിനകം ആരംഭിച്ചതായി വ്യക്തമാക്കി. സര്ക്കാര് സഹകരണ പ്രവര്ത്തനത്തിന്റെ ഒരു ഉദാഹരണമാണിത് എന്നും അദ്ദേഹം കൂട്ടിച്ചേര്ത്തു.
ഷെയ്ഖ് ഹംദാന്റെയും ഇന്ത്യയുടെ വാണിജ്യ വ്യവസായ മന്ത്രി പിയൂഷ് ഗോയലിന്റെയും സാന്നിധ്യത്തില് കമ്പനി പദ്ധതിയുടെ വെര്ച്വല് മോഡല് അനാച്ഛാദനം ചെയ്തു. 'ഇന്ത്യ ആഗോള വ്യാപാരം വികസിപ്പിക്കുമ്പോള് ദുബായിയുടെ ലോകോത്തര അടിസ്ഥാന സൗകര്യങ്ങളും കണക്റ്റിവിറ്റിയും അതിനെ ഒരു സുപ്രധാന പങ്കാളിയാക്കുന്നു,' ഷെയ്ഖ് ഹംദാന് പറഞ്ഞു.
എണ്ണ ഇതര ഉഭയകക്ഷി വ്യാപാരം വര്ധിക്കുകയും 2,300-ലധികം ഇന്ത്യന് കമ്പനികള് ജഫ്സയില് അഭിവൃദ്ധി പ്രാപിക്കുകയും ചെയ്യുന്നതോടെ, ഇന്ത്യന് ഉല്പ്പന്നങ്ങള്ക്ക് ആഗോള വിപണികളിലേക്ക് വേഗത്തില് പ്രവേശനം നല്കുന്നതിലൂടെ ഭാരത് മാര്ട്ട് യുഎഇ-ഇന്ത്യ പങ്കാളിത്തത്തെ കൂടുതല് ശക്തിപ്പെടുത്തും എന്നും അദ്ദേഹം പറഞ്ഞു. അതേസമയം മാറ്റത്തിന്റെ തുടക്കം എന്നായിരുന്നു പീയൂഷ് ഗോയല് ഈ സംഭംഭത്തെ വിശേഷിപ്പിച്ചത്.
ഇന്ത്യന് ബിസിനസുകള് ആഫ്രിക്കന് വിപണികളില് എത്താന് പ്രാപ്തമാക്കുന്നതിന് പുതിയ അവസരങ്ങള് സൃഷ്ടിക്കുന്ന ഡിപി വേള്ഡിന്റെ ശ്രമങ്ങളെ അഭിനന്ദിക്കുന്നതായും അദ്ദേഹം പറഞ്ഞു. 2.7 ദശലക്ഷം ചതുരശ്ര അടി വിസ്തീര്ണ്ണമുള്ള ഭാരത് മാര്ട്ട്, പ്രാരംഭ ഘട്ടത്തില് 1.3 ദശലക്ഷം ചതുരശ്ര അടി വിസ്തീര്ണ്ണമുള്ള, ഇന്ത്യന് സൂക്ഷ്മ, ചെറുകിട, ഇടത്തരം സംരംഭങ്ങളുടെ (എംഎസ്എംഇ) ഒരു പ്രധാന വ്യാപാര കേന്ദ്രമായി പ്രവര്ത്തിക്കും.
ജബല് അലി ഫ്രീ സോണില്തന്ത്രപരമായി സ്ഥിതി ചെയ്യുന്ന ഈ കെട്ടിട സമുച്ചയത്തില് 1,500 ഷോറൂമുകളും 700,000 ചതുരശ്ര അടിയില് കൂടുതല് അത്യാധുനിക വെയര്ഹൗസിംഗ്, ലൈറ്റ് ഇന്ഡസ്ട്രിയല് യൂണിറ്റുകള്, ഓഫീസ് സ്ഥലങ്ങള്, മീറ്റിംഗ് സൗകര്യങ്ങള് എന്നിവ ഉണ്ടായിരിക്കും. സ്ത്രീകള് നയിക്കുന്ന ബിസിനസുകള്ക്കായി ഒരു പ്രത്യേക സ്ഥലവും ഭാരത് മാര്ട്ടിനുണ്ടാകും.
ജെബല് അലി തുറമുഖത്ത് നിന്ന് വെറും 11 കിലോമീറ്റര് അകലെയും അല് മക്തൂം അന്താരാഷ്ട്ര വിമാനത്താവളത്തില് നിന്ന് 15 കിലോമീറ്റര് അകലെയും എത്തിഹാദ് റെയിലിലേക്ക് സൗകര്യപ്രദമായ പ്രവേശനവുമുള്ള ഭാരത് മാര്ട്ട്, ഇന്ത്യന് ബിസിനസുകള്ക്ക് മള്ട്ടിമോഡല് ലോജിസ്റ്റിക്സ് ശൃംഖലയിലേക്ക് പ്രവേശനം വാഗ്ദാനം ചെയ്യുമെന്ന് വാഗ്ദാനം ചെയ്യുന്നു
Click it and Unblock the Notifications
Sign in with Google