കോണ്ഗ്രസ് സഖ്യം വെറുതെ സ്വപ്നം കാണേണ്ട: നിയമസഭ തിരഞ്ഞെടുപ്പ് ഞങ്ങള് തൂത്തുവാരുമെന്ന് ബിജെപി
മുംബൈ: വരാനിരിക്കുന്ന നിയമസഭാ തിരഞ്ഞെടുപ്പിൽ മഹാരാഷ്ട്രയില് ഭരണകക്ഷിയായ മഹായുതി (ഏകനാഥ് ഷിൻഡെയുടെ ശിവസേന, ബി ജെ പി, അജിത് പവാറിൻ്റെ നാഷണലിസ്റ്റ് കോൺഗ്രസ് പാർട്ടി) സഖ്യം മികച്ച ഭൂരിപക്ഷത്തോടെ അധികാരത്തിലെത്തുമെന്ന് മഹാരാഷ്ട്ര ഉപമുഖ്യമന്ത്രിയും മുതിർന്ന ബിജെപി നേതാവുമായ ദേവേന്ദ്ര ഫഡ്നാവിസ്.
"മഹായുതി സഖ്യത്തിലൂടെ ജനങ്ങളെ അലട്ടുന്ന പ്രശ്നങ്ങൾ ഞങ്ങൾ പരിഹരിച്ചു. നിയമസഭയിൽ ഞങ്ങള്ക്ക് വെല്ലുവിളിയായിരുന്ന കാര്യങ്ങൾ ഞങ്ങൾ പരിഹരിച്ചു. അതുകൊണ്ട് തന്നെ വരാനിരിക്കുന്ന നിയമസഭ തിരഞ്ഞെടുപ്പില് ഞങ്ങള് വിജയിക്കും. ഒരു ടിവി ചാനലിന് നല്കിയ അഭിമുത്തില് ദേവേന്ദ്ര ഫഡ്നാവിസ് വ്യക്തമാക്കി.
ലോക്സഭാ തെരഞ്ഞെടുപ്പിൽ പ്രവർത്തിച്ച അതേ ഘടകങ്ങൾ നിയമസഭാ തെരഞ്ഞെടുപ്പിലും പ്രവർത്തിക്കുമെന്ന് പ്രതിപക്ഷം കരുതുന്നുണ്ടെങ്കിൽ അത് തെറ്റാണെന്നും അദ്ദേഹം പറഞ്ഞു. 2024ലെ ലോക്സഭാ തിരഞ്ഞെടുപ്പിൽ മഹായുതി സഖ്യം വലിയ തിരിച്ചടിയായിരുന്നു നേരിട്ടത്. സംസ്ഥാനത്തെ 48 ലോക്സഭാ സീറ്റുകളിൽ ഒമ്പതെണ്ണം ബി ജെ പി നേടിയപ്പോൾ, സഖ്യകക്ഷികളായ ഏകനാഥ് ഷിൻഡെയുടെ നേതൃത്വത്തിലുള്ള ശിവസേന 7 സീറ്റും ഉപമുഖ്യമന്ത്രി അജിത് പവാറിൻ്റെ നേതൃത്വത്തിലുള്ള നാഷണലിസ്റ്റ് കോൺഗ്രസ് പാർട്ടിക്ക് (എൻസിപി) ഒരു സീറ്റുമാണ് നേടാന് സാധിച്ചത്.
മറുവശത്ത്, ഉദ്ധവ് താക്കറെയുടെ നേതൃത്വത്തിലുള്ള ശിവസേന (യു ബി ടി) ഏഴ് സീറ്റുകൾ നേടിയപ്പോൾ, മറ്റ് സഖ്യകക്ഷികളായ എൻ സി പി (എസ്പി) എട്ട് സീറ്റുകളും കോൺഗ്രസ് 13 സീറ്റുകളും നേടി വലിയ മുന്നേറ്റമായിരുന്നു കാഴ്ച വെച്ചത്. എന്നാല് ലോക്സഭാ തിരഞ്ഞെടുപ്പിൽ 12 സീറ്റുകളിൽ വ്യത്യസ്തമായ രീതിയാണ് ഞങ്ങൾ കണ്ടത്, നിയമസഭാ തെരഞ്ഞെടുപ്പിൽ അത് ആവർത്തിക്കില്ലെന്നും മഹാരാഷ്ട്ര ഉപമുഖ്യമന്ത്രി അവകാശപ്പെടുന്നു.
ശിവസേനയും എൻ സി പിയും ചില സീറ്റുകളിൽ വിജയിക്കുമെന്ന് പ്രതീക്ഷിച്ചിരുന്നു, പക്ഷേ, വ്യാജ പ്രചരണം കാരണം ഞങ്ങളുടെ പ്രതിപക്ഷത്തിന് നേട്ടമുണ്ടായി. എന്നാല് നിയമസഭ തിരഞ്ഞെടുപ്പില് ഈ ഘടകങ്ങള് പ്രവർത്തിക്കില്ല. ലോക്സഭാ തിരഞ്ഞെടുപ്പിൽ അജിത് പവാറിൻ്റെ നേതൃത്വത്തിലുള്ള എൻ സി പിക്ക് വോട്ട് ഉറപ്പാക്കാൻ കഴിഞ്ഞിരുന്നില്ല. എന്നാല് നിയമസഭാ തിരഞ്ഞെടുപ്പിൽ അത് പരിഹരിക്കുമെന്നും അദ്ദേഹം കൂട്ടിച്ചേർത്തു.
മഹായുതി സഖ്യത്തിൻ്റെ ശക്തി കേന്ദ്രം പ്രതിപക്ഷം മനസ്സിലാക്കിയതിനാൽ തന്നെ ലക്ഷ്യമിടുന്നതായും ദേവന്ദ്ര ഫഡ്നാവിസ് പറഞ്ഞു. "നമ്മുടെ പ്രതിപക്ഷ പാർട്ടികൾക്ക് 50 വർഷത്തെ അനുഭവപരിചയമുള്ള നേതാക്കളുണ്ട്. മഹായുതിയുടെ ശക്തികേന്ദ്രം എവിടെയാണെന്ന് അവർക്കറിയാം. ആരെയാണ് ലക്ഷ്യമിടേണ്ടതെന്നും അവർക്കറിയാം. ഉദ്ധവ് താക്കറെയെ മാത്രമാണ് ഞാൻ വിമർശിച്ചതെങ്കിലും കോൺഗ്രസും എൻ സി പിയും (എസ്പി) അവർക്കറിയാവുന്നതുപോലെ എന്നെ കൂടുതൽ ലക്ഷ്യമിട്ടു. സഖ്യത്തിലുള്ള മൂന്ന് പാർട്ടികളിൽ ബിജെപിക്ക് കൂടുതൽ ശക്തിയുണ്ട്" അദ്ദേഹം കൂട്ടിച്ചേർത്തു.
-
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും
Click it and Unblock the Notifications
Sign in with Google