കയ്യില് നോട്ട് ഇല്ലെങ്കിലും വിഷമിക്കേണ്ട..അയ്യായിരത്തിന് മുകളില് ഇനി ഒണ്ലി ഇ-പേയ്മെന്റ്
അയ്യായിരം രൂപയ്ക്ക് മുകളിലുള്ള പണമിടപാടുകൾ ഇ-പേയ്മെന്റാക്കാൻ ദില്ലി സർക്കാർ.
ദില്ലി: നോട്ട് ഇല്ലാത്തതിന്റെ വിഷമങ്ങള് തീര്ക്കാന് മുന്നിട്ടിറങ്ങി ദില്ലി സര്ക്കാര്. ഇനി മുതല് ദില്ലിയില് അയ്യായിരം രൂപയ്ക്ക് മുകളിലുള്ള പണമിടപാടുകളെല്ലാം ഇലക്ട്രോണിക് രീതികളിലൂടെ മാത്രമേ നടക്കൂ. സര്ക്കാരിന്റെ എല്ലാ വിഭാഗങ്ങള്ക്കും കോണ്ട്രാക്ടേഴ്സിനും സ്ഥാപനങ്ങള്ക്കും ഇത് സംബന്ധിച്ച നിര്ദേശം നല്കി.
ദില്ലി സര്ക്കാരിന്റെ ധനകാര്യ വകുപ്പ് ഇത് സംബന്ധിച്ച ഉത്തരവിറക്കി. ആര്ടിജിഎസ്, എന്ഇഎഫ്ടി, ഇസിഎസ് സംവിധാനങ്ങള് വഴി മാത്രമേ ഇനിമുതല് കോണ്ട്രാക്റ്റേഴ്സ്, സപ്ലൈയേഴ്സ്, മറ്റു സ്ഥാപനങ്ങള് എന്നിവ അയ്യായിരത്തിന് മുകളിലുള്ള പണമിടപാട് നടത്താവൂ എന്നാണ് ധനകാര്യ വകുപ്പിന്റെ നിര്ദേശം. എല്ലാ സ്വകാര്യ-പൊതുമേഖലാ സ്ഥാപനങ്ങള്ക്കും ഉത്തരവ് ബാധകമാണ്.
Click it and Unblock the Notifications
Sign in with Google