ഇടതിന്റെ സംഘപരിവാർ വിരുദ്ധ പോരാട്ടങ്ങളുടെ ഒരു അടയാളമാണ് ജഹാംഗീർപുരിയില്‍ കണ്ടത്: കെകെ ശൈലജ

Published: Wednesday, April 20, 2022, 16:39 [IST]

രാജ്യത്ത് സംഘപരിവാർ നടത്തുന്ന ഭീകരയ്ക്കെതിരായി ഇടതുപക്ഷം നടത്തുന്ന പോരാട്ടങ്ങളുടെ ഒരു അടയാളമാണ് ഇന്ന് ജഹാംഗീർപുരിയില്‍ കണ്ടതെന്നും സി പി എം നേതാവ് കെകെ ശൈലജ. ജഹാംഗീർപുരിയിലെ കെട്ടിട്ടം പൊളിക്കല്‍ സി പി എം പോളിറ്റ് ബ്യൂറോ അംഗം ബൃന്ദ കാരാട്ട് നേരിട്ടെത്തി തടഞ്ഞതിന്റെ പശ്ചാത്തലത്തിലായിരുന്നു കെകെ ശൈലജയുടെ പ്രതികരണം.

അനധികൃതമായി കുടിയൊഴിപ്പിക്കല്‍ നടപടികള്‍ നടന്നുകൊണ്ടിരുന്ന ഡല്‍ഹിയിലെ ജഹാംഗീര്‍പുരിയില്‍ സി പി ഐ എം നടത്തുന്ന ഇടപെടലുകള്‍ മാതൃകാപരമാണ്‌. നോർത്ത് ഡൽഹി മുനിസിപ്പൽ കോർപറേഷൻ്റെ നിയമവിരുദ്ധ നടപടിക്കെതിരെ സി പി ഐ എം പൊളിറ്റ് ബ്യൂറോ അംഗം ബൃന്ദാ കാരാട്ടിൻ്റെ നേതൃത്വത്തിൽ പാർട്ടി സഖാക്കൾ ഇന്ന് സ്ഥലത്ത് നേരിട്ട് എത്തി നടത്തിയ ഇടപെടൽ പ്രശംസനീയമാണെന്നും കെകെ ശൈലജ പ്രസ്താവനയിലൂടെ വ്യക്തമാക്കി. അവരുടെ പ്രസ്താവനയുടെ പൂർണ്ണ രൂപം ഇങ്ങനെ..

അനധികൃതമായി കുടിയൊഴിപ്പിക്കല്‍ നടപടികള്‍ നടന്നുകൊണ്ടിരുന്ന ഡല്‍ഹിയിലെ ജഹാംഗീര്‍പുരിയില്‍ സിപിഐ എം നടത്തുന്ന ഇടപെടലുകള്‍ മാതൃകാപരമാണ്‌. നോർത്ത് ഡൽഹി മുനിസിപ്പൽ കോർപറേഷൻ്റെ നിയമവിരുദ്ധ നടപടിക്കെതിരെ സി പി ഐ എം പൊളിറ്റ് ബ്യൂറോ അംഗം ബൃന്ദാ കാരാട്ടിൻ്റെ നേതൃത്വത്തിൽ പാർട്ടി സഖാക്കൾ ഇന്ന് സ്ഥലത്ത് നേരിട്ട് എത്തി നടത്തിയ ഇടപെടൽ പ്രശംസനീയമാണ്. കെട്ടിടങ്ങൾ പൊളിക്കുന്നത് നിർത്തിവയ്ക്കണമെന്ന സുപ്രീം കോടതി ഉത്തരവുണ്ടായിട്ടും ഇത് വകവയ്ക്കാതെ പൊളിക്കൽ നടപടികൾ തുടർന്ന നോർത്ത് ഡൽഹി കോർപറേഷൻ നടപടിയെയാണ് ബൃന്ദാ കാരാട്ടും സഖാക്കളും നേരിട്ടെത്തി തടഞ്ഞത്.

അധികാരമുപയോഗിച്ച് ന്യൂനപക്ഷങ്ങൾക്ക് നേരെ ബി ജെ പിയും സംഘപരിവാർ ശക്തികളും രാജ്യത്താകമാനം നടത്തുന്ന കടന്നുകയറ്റങ്ങളുടെ ഏറ്റവും പുതിയ ഉദാഹരണമാണ് ജഹാംഗീർപുരിയിലേത്. കൈയ്യേറ്റമാരോപിച്ച് ന്യൂനപക്ഷങ്ങളുടെ വീടുകൾ തകര്‍ക്കുകയായിരുന്നു സംഘ പരിവാര്‍ ലക്ഷ്യം. എന്നാൽ കൃത്യസമയത്ത് സ്ഥലത്തെത്തിയ പാർട്ടി പൊളിറ്റ് ബ്യൂറോ അംഗം ബൃന്ദാ കാരാട്ട് സുപ്രീംകോടതി ഉത്തരവ് കാണിച്ചതോടെ അധികാരികൾ മുട്ട് മടക്കി. രാജ്യത്താകമാനം സംഘപരിവാർ അതിക്രമങ്ങള്‍ക്ക്ഇരയാക്കപ്പെട്ട ജനങ്ങളെ സംരക്ഷിച്ച് നിർത്തുന്നതിനായി സി പി ഐഎമ്മും ഇടതുപക്ഷവും നടത്തുന്ന ശ്രമങ്ങളുടെ ഒരു അടയാളമാണ് ജഹാംഗിർപുരിയിലേത്.