ആംസ്റ്റര്ഡാമിന് സുരേഷ് റെയ്നയുടെ സമ്മാനം; ഇനി ഇന്ത്യന് രുചികളറിയാം, അവിടെ കാണാമെന്ന് കോലി
പുതിയൊരു സംരംഭവുമായി ക്രിക്കറ്റര് സുരേഷ് റെയ്ന. ആംസ്റ്റര്ഡാമില് ഇന്ത്യന് രുചികളെ പരിചയപ്പെടുത്തി കൊണ്ട്് അദ്ദേഹം പുതിയ റെസ്റ്റോറന്റ് ആരംഭിച്ചിരിക്കുകയാണ്. ക്രിക്കറ്റ് ലോകത്ത് വെടിക്കെട്ട് ഇന്നിംഗ്സുകള് കാഴ്ച്ച വെച്ച റെയ്ന, ഇനി പുതിയൊരു ഇന്നിംഗ്സ് ആരംഭിക്കുകയാണെന്ന് സോഷ്യല് മീഡിയയില് കുറിച്ചു. അതേസമയം പുതിയ റെസ്റ്റോറന്റിന്റെ അടുക്കളയില് നിന്നുള്ള ചിത്രവും റെയ്ന പങ്കുവെച്ചിട്ടുണ്ട്.
നിമിഷ നേരം കൊണ്ടാണ റെയ്നയുടെ പോസ്റ്റ് വൈറലായത്. ഇന്ത്യന് വിഭവങ്ങളിലെ ഏറ്റവും മികച്ച രുചികള് ആംസ്റ്റര്ഡാമില് ലഭ്യമാക്കുമെന്ന് റെയ്ന വ്യക്തമാക്കി. അതേസമയം ഇന്ത്യന് ക്രിക്കറ്റിലെ അറിയപ്പെടുന്ന ഭക്ഷണപ്രേമി കൂടിയാണ് റെയ്ന. നേരത്തെ ഐപിഎല് ക്രിക്കറ്റില് കമന്റേറ്ററുടെ റോളില് തിളങ്ങിയ റെയ്നയില് നിന്ന് തീര്ത്തും അപ്രതീക്ഷിതമായിട്ടാണ് പുതിയ സംരംഭത്തെ കുറിച്ചുള്ള വിവരങ്ങള് ആരാധകരെ തേടിയെത്തിയത്.
ഭക്ഷണം കഴിക്കുന്നതിലും, അതുപോലെ പാചകത്തിലും ഈ റെസ്റ്റോറന്റില് പ്രാധാന്യം നല്കും. നിങ്ങള്ക്കെല്ലാം എന്റെ ഭക്ഷണ പ്രിയം അറിയാവുന്നതാണ്. തന്റെ പാചകത്തിന്റെ വീഡിയോകളും നിങ്ങള് കണ്ടിട്ടുണ്ട്. ഇന്ത്യയിലെ വിവിധ ഭാഗങ്ങളില് നിന്നുള്ള രുചികള് ആംസ്റ്റര്ഡാമില് എത്തിക്കാനുള്ള ശ്രമത്തിലാണ് ഞാന്. റെസ്റ്റോറന്റിലെ കൂടുതല് വിവരങ്ങള് എല്ലാവരെയും അറിയിക്കും. പാചകത്തെ കുറിച്ചും. റെസ്റ്റോറന്റിലെ കാഴ്ച്ചകളെ കുറിച്ചുമുള്ള വിവരങ്ങള് ആരാധകരുമായി പങ്കുവെക്കുമെന്നും റെയ്ന പറഞ്ഞു.
അതേസമയം സുരേഷ് റെയ്നയുടെ പോസ്റ്റിന് വിരാട് കോലി നല്കിയ കമന്റും വൈറലായിരിക്കുയാണ്. പുതിയ സംരംഭത്തില് റെയ്നയെ മുന് ഇന്ത്യന് ക്യാപ്റ്റന് അഭിനന്ദിച്ചു. അടുത്ത തവണ ആംസ്റ്റര്ഡാമില് എത്തുമ്പോള് തീര്ച്ചയായും അവിടെ വരുമെന്നും കോലി പറഞ്ഞു. ഭാര്യ അനുഷ്ക ശര്മയുമായി ഇവിടെ എത്തുന്ന കാര്യമാണ് അദ്ദേഹം സൂചിപ്പിച്ചത്.
റെയ്നയെ പോലെ കോലിയും അറിയപ്പെടുന്ന ഭക്ഷണപ്രേമിയാണ്. ചോളെ ബട്ടൂരയും, ബട്ടര് ചിക്കനുമെല്ലാം കോലിയുടെ പ്രിയപ്പെട്ട ഭക്ഷണങ്ങളാണ്. താരത്തിന് ഡയറ്റ് ഉള്ളതിനാല് ഇവയെല്ലാം വളരെ കുറച്ച് മാത്രമേ കഴിക്കാന് പറ്റാറുള്ളൂ എന്നും നേരത്തെ വെളിപ്പെടുത്തിയിരുന്നു. റെയ്ന ഇന്ത്യന് റെസ്റ്റോറന്റ് എന്നാണ് സുരേഷ് റെയ്ന തന്റെ റെസ്റ്റോറന്റിന് പേര് നല്കിയിരിക്കുന്നത്.
ക്രിക്കറ്റില് നിന്ന് വിരമിച്ച ശേഷം പുതിയൊരു മേഖല തിരഞ്ഞെടുക്കുന്ന ആദ്യ ക്രിക്കറ്ററല്ല റെയ്ന. താരത്തിന്റെ സഹകളിക്കാരനും, ആത്മാര്ത്ഥ സുഹൃത്തുമായ മഹേന്ദ്ര സിംഗ് ധോണി നിരവധി മേഖലകളില് നിക്ഷേപം നടത്തിയിരുന്നു. സിനിമാ നിര്മാണത്തിലേക്ക് അടക്കം ധോണി എത്തിയിരുന്നു.
വിവിധ ഭാഷകളില് സിനിമകള് നിര്മിക്കാനും തീരുമാനമായിരുന്നു. സ്പോര്ട്സ് ബ്രാന്ഡുകള്, കാര്ഷിക മേഖല എന്നിവ അടക്കം ധോണിക്ക് നിരവധി മേഖലകളില് ഇതുപോലെ നിക്ഷേപമുണ്ട്. ധോണിയുടെ ഫാം ഹൗസില് നിന്നും പഴങ്ങളും, പച്ചക്കറികളും വില്ക്കാനായി കൊണ്ടുപോകാറുമുണ്ട്. അതേസമയം ധോണിയെ പോലെ വിപുലമായ രീതിയില് ബിസിനസ് വ്യാപിപ്പിക്കുമോ റെയ്ന എന്നാണ് ആരാധകര് ചോദിക്കുന്നത്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google