IPL 2021: ആര്സിബിക്കു മലയാളി ഓപ്പണിങ് കോമ്പിനേഷന്! ദേവ്ദത്തിന് കൂട്ടായി അസ്ഹറുമെത്തി
അടിസ്ഥാന വിലയ്ക്കാണ് താരത്തെ ആര്സിബി വാങ്ങിയത്
ചെന്നൈ: മലയാളി താരം മുഹമ്മദ് അസ്ഹറുദ്ദീന്റെ ആദ്യത്തെ സ്വപ്നം യാഥാര്ഥ്യമാവുന്നു. ഐപിഎല്ലില് കളിക്കണമെന്ന താരത്തിന്റെ ആഗ്രഹമാണ് യാഥാര്ഥ്യമാവാന് പോവുന്നത്. ചെന്നൈയില് നടന്ന താരലേലത്തില് കാസര്കോഡുകാരനെ റോയല് ചാലഞ്ചേഴ്സ് ബാംഗ്ലൂര് ടീം സ്വന്തമാക്കിയിരിക്കുകയാണ്. അടിസ്ഥാന വിലയായ 20 ലക്ഷം രൂപയ്ക്കാണ് ആര്സിബി അസ്ഹറിനെ ടീമിലെത്തിച്ചത്. ലേലത്തില് താരത്തിനു വേണ്ടി താല്പ്പര്യം കാണിച്ച ഏക ഫ്രാഞ്ചൈസിയും ആര്സിബിയായിരുന്നു.
Recommended Video
അസ്ഹറിന്റെ വരവോടെ മലയാളി താരങ്ങള് ആര്സിബിക്കു വേണ്ടി ഓപ്പണ് ചെയ്യുന്നത് കാണാനുള്ള സുവര്ണാവസരമാണ് ലഭിച്ചിരിക്കുന്നത്. മറ്റൊരു മലയാളിയായ ദേവ്ദത്ത് പടിക്കലിനൊപ്പം അസ്ഹറും ഓപ്പണറായെത്തിയാല് ലോകമെമ്പാടുമുള്ള മലയാളികള്ക്ക് അതു അഭിമാന മുഹൂര്ത്തമായിരിക്കും. കഴിഞ്ഞ സീസണിലെ മിന്നുന്ന പ്രകടനത്തോടെ ദേവ്ദത്ത് പ്രശംസയേറ്റു വാങ്ങിയിരുന്നു. അടുത്ത സീസണില് അത് അസ്ഹറിന്റെ ഊഴമായിരിക്കുമോയെന്നാണ് അറിയാനുള്ളത്.
സയ്ദ് മുഷ്താഖ് അലി ട്രോഫി ടി20 ടൂര്ണമെന്റില് മുംബൈക്കെതിരേ കേരളത്തിനു വേണ്ടി വെടിക്കെട്ട് സെഞ്ച്വറിയാണ് അസ്ഹറിനെ താരപദവിയിലേക്കുയര്ത്തിയത്. വെറും 37 ബോളില് സെഞ്ച്വറിയടിച്ച മലയാളി താരം ചില നാഴികക്കല്ലുകളും പിന്നിട്ടിരുന്നു. വിരാട് കോലിക്കൊപ്പം ആര്സിബിക്കു വേണ്ടി ഓപ്പണ് ചെയ്യുകയെന്നതാണ് തന്റെ ഏറ്റവും വലിയ സ്വപ്നമെന്നു ദിവസങ്ങള്ക്കു മുമ്പ് അസ്ഹര് വെളിപ്പെടുത്തിയിരിക്കുന്നത്. ഇതിനു പിന്നാലെയാണ് ഇപ്പോള് ലേലത്തില് അദ്ദേഹത്തെ ആര്സിബി തന്നെ വാങ്ങിയിരിക്കുന്നത്.
ഡികെ ശിവകുമാറിന്റെ മകളുടെ വിവാഹ ചിത്രങ്ങള്
നേരത്തേയും അസ്ഹര് ഐപിഎല് ലേലത്തിനു പേര് രജിസ്റ്റര് ചെയ്തിരുന്നെങ്കിലും അന്ന് ആരും വാങ്ങാന് താല്പ്പര്യം കാണിച്ചിരുന്നില്ല. ഇത്തവണ മുഷ്താഖ് അലി ട്രോഫിയിലെ പ്രകടനം താരത്തിന്റെ കരിയര് തന്നെ മാറ്റി മറിക്കുകയായിരുന്നു. നേരത്തേ മുംബൈ ഇന്ത്യന്സില് ട്രയല്സില് പങ്കെടുത്തിട്ടുള്ള അസ്ഹര് ഇത്തവണ വീണ്ടും മുംബൈയിലും രാജസ്ഥാന് റോയല്സിലും ട്രയല്സില് പങ്കെടുത്തിരുന്നു. പക്ഷെ വിളി വന്നത് ആര്സിബിയില് നിന്നായിരുന്നു.
നാടൻ സുന്ദരിയായി വർഷ ബൊല്ലമ- ചിത്രങ്ങൾ കാണാം