ആസ്തിയില് ആരേക്കാളും മുമ്പന്, ഒരു മത്സരത്തിന് ജഡേജയുടെ പ്രതിഫലം എത്രയെന്നറിയാമോ..!?
ലോകകപ്പ് ക്രിക്കറ്റില് തുടര്ച്ചയായി എട്ടാം ജയം സ്വന്തമാക്കി ഇന്ത്യ കിരീട നേട്ടത്തിലേക്ക് ഒരു പടി കൂടി അടുത്തിരിക്കുകയാണ്. ലീഗ് മത്സരത്തില് ഇനി നെതര്ലാന്റുമായാണ് ഇന്ത്യക്ക് മത്സരമുള്ളത്. സെമി നേരത്തെ തന്നെ ഉറപ്പിച്ചതിനാല് ഒരു മത്സരം കൂടി ഇന്ത്യ കളിക്കും എന്നുറപ്പാണ്. ഈ ലോകകപ്പില് മികച്ച പ്രകടനമാണ് ഇന്ത്യ എല്ലാ മത്സരത്തിലും കാഴ്ച വെച്ചിട്ടുള്ളത്.
ബാറ്റ്സ്മാന്മാരും ബൗളര്മാരും ആധികാരിക പ്രകടനമാണ് കാഴ്ച വെക്കുന്നത്. അതില് എടുത്ത് പറയേണ്ട ഒരു താരമാണ് രവീന്ദ്ര ജഡേജ. ഇന്നലെ ദക്ഷിണാഫ്രിക്കയ്ക്കെതിരായ മത്സരത്തില് അഞ്ച് വിക്കറ്റാണ് ജഡേജ വീഴ്ത്തിയത്. ഈ ലോകകപ്പില് ഇന്ത്യയ്ക്കായി ഏറ്റവും കൂടുതല് വിക്കറ്റ് വീഴ്ത്തിയ ബൗളര്മാരുടെ പട്ടികയില് മൂന്നാമനാണ് ജഡേജ. മാത്രമല്ല മികച്ച ഫീല്ഡര് കൂടിയാണ് താരം.
ബി സി സി ഐയുടെ എപ്ലസ് കരാറില് ഉള്പ്പെട്ടിരിക്കുന്ന താരത്തിന്റെ ആകെ ആസ്തിയും വരുമാനവും എത്രയാണ് എന്ന് നോക്കാം. 34 കാരനായ ജഡേജക്ക് ഏകദേശം 15 മില്യണ് ഡോളര് (124 കോടി രൂപ) ആസ്തിയുണ്ട് എന്നാണ് കണക്കാക്കുന്നത്. കഴിഞ്ഞ് കുറച്ച് വര്ഷങ്ങളായി ജഡേജയുടെ വാര്ഷിക വരുമാനം ഗണ്യമായി ഉയര്ന്നിട്ടുണ്ട്. 20 കോടിയോളം രൂപയാണ് ജഡേജയുടെ വാര്ഷിക വരുമാനം എന്നാണ് റിപ്പോര്ട്ട്.
കഴിഞ്ഞ അഞ്ച് വര്ഷത്തിനിടെ ജഡേജയുടെ ആസ്തി 750% വര്ധിച്ചു. ഇത് രാജ്യത്തെ ഏറ്റവും ധനികരായ കായികതാരങ്ങളുടെയും സെലിബ്രിറ്റികളുടെയും കണക്കില് വളരെ മുന്നിലാണ്. ദേശീയ ക്രിക്കറ്റ് ടീമില് നിന്ന് പുറമെ ഐപിഎല് ഫ്രാഞ്ചൈസിയായ ചെന്നൈ സൂപ്പര്കിംഗ്സില് നിന്നും ജഡേജയ്ക്ക് വരുമാനം ലഭിക്കുന്നുണ്ട്. ചെന്നൈ സൂപ്പര് കിംഗ്സുമായി കരാറിലെത്തിയ ശേഷം ജഡേജ അഹമ്മദാബാദില് ഒരു പ്ലോട്ട് വാങ്ങി.
ഈ പ്ലോട്ടില് അദ്ദേഹം എട്ട് കോടി വില മതിക്കുന്ന തന്റെ സ്വപ്ന ഭവനം നിര്മ്മിച്ചിട്ടുണ്ട്. കാറുകളോടും ബൈക്കുകളോടും കുതിരസവാരിയോടും ഏറെ ഇഷ്ടമുള്ളയാളാണ് ജഡേജ. ജഡേജയ്ക്ക് മികച്ച കാറുകളുടെ ഒരു ശേഖരം ഉണ്ട്. കറുത്ത ഹ്യുണ്ടായ് ആക്സെന്റും വെളുത്ത ഔഡി എ4 ഉം അദ്ദേഹത്തിനുണ്ട്. മികച്ച റേസിംഗ് ബൈക്കുകളിലൊന്നായ ഹയബൂസ ബൈക്കും ജഡേജയ്ക്ക് സ്വന്തമാണ്.
ദേശീയ ടീമിനെ പ്രതിനിധീകരിച്ച് കളിക്കുന്ന ജഡേജയുടെ വാര്ഷിക പ്രതിഫലം 7 കോടി രൂപയാണ്. ഇന്ത്യക്കായി കളിക്കുന്ന ഓരോ ടെസ്റ്റ്, ഏകദിനം, ടി20 എന്നിവയ്ക്ക് യഥാക്രമം 15 ലക്ഷം, 6 ലക്ഷം, 3 ലക്ഷം എന്നിങ്ങനെയാണ് അദ്ദേഹത്തിന് ലഭിക്കുന്നത്. 2008 ലെ ഐസിസി അണ്ടര് 19 ലോകകപ്പ് വിജയത്തിലെ പ്രകടനത്തെ തുടര്ന്ന് രവീന്ദ്ര ജഡേജയെ ലേലത്തില് 12 ലക്ഷം രൂപയ്ക്കാണ് രാജസ്ഥാന് റോയല്സ് സ്വന്തമാക്കിയത്.
2010 വരെ രാജസ്ഥാനൊപ്പമായിരുന്ന ജഡേജ 2011 ല് കൊച്ചി ടസ്ക്കേഴ്സ് കേരളയിലേക്കെത്തി. ഇവിടെ നിന്ന് 9.2 കോടി രൂപക്കാണ് ചെന്നൈ താരത്തെ റാഞ്ചുന്നത്. പിന്നാലെ ടീമിലെ സ്ഥിരം സാന്നിധ്യമാകാനും ജഡേജയ്്ക്കായി. 2022 ലെ ലേലത്തിന് മുന്നോടിയായി 16 കോടി രൂപയ്ക്കാണ് സി എസ് കെ താരത്തെ നിലനിര്ത്തിയത്.
ഐപിഎല് കരാര് വഴി ജഡേജ ഏകദേശം 100 കോടി രൂപ സമാഹരിച്ചിട്ടുണ്ട്. കളിക്കളത്തിന് പുറമെ പരസ്യ ചിത്രങ്ങളിലും ജഡേജ സജീവമാണ്. ASICS, Kinara Capitals, SWOTT, My11 Circle, Life OK, Incredible India എന്നിവ അടക്കം നിരവധി ബ്രാന്ഡുകള് രവീന്ദ്ര ജഡേജ അംഗീകരിക്കുന്നു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google