• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഐപിഎല്‍: ഗവാസ്‌കറിന്റെ പ്രവചനം ഫലിച്ചു.... ഹൈദരാബാദിന്റെ നട്ടെല്ലൊടിച്ച് ചഹല്‍, മൂന്ന് വിക്കറ്റ്

ദുബായ്: ബെംഗളൂരു നിരയില്‍ ഏറ്റവുമധികം തിളങ്ങാന്‍ പോകുന്നത് യുസവേന്ദ്ര ചഹലായിരിക്കുമെന്ന് നേരത്തെ സുനില്‍ ഗവാസ്‌കര്‍ പ്രവചിച്ചിരുന്നു. അതേ രീതിയില്‍ സംഭവിക്കുന്നു. ഹൈദരാബാദിനെതിരെ തോല്‍വി മുന്നില്‍ കണ്ട് നില്‍ക്കുന്ന നിമിഷത്തില്‍ രക്ഷനായി അവതരിപ്പിക്കുകയായിരുന്നു ചഹല്‍. മൂന്നന്ന് വിക്കറ്റുകളാണ് 18 റണ്‍സ് മാത്രം വഴങ്ങി ചഹല്‍ സ്വന്തമാക്കിയത്. ഹൈദരാബാദിന്റെ ടോപ് സ്‌കോറര്‍ ജോണി ബെയര്‍സ്‌റ്റോയും ഈ വിക്കറ്റുകളില്‍ ഉള്‍പ്പെടും. അതാണ് ചഹല്‍ എടുത്ത വിക്കറ്റുകളുടെ പ്രാധാന്യം വര്‍ധിപ്പിക്കുന്നത്.

മത്സരത്തില്‍ 71 റണ്‍സിന്റെ കൂട്ടുകെട്ടുമായി ബെയര്‍‌സ്റ്റോയും മനീഷ് പാണ്ഡെയും തകര്‍ത്തടിക്കുമ്പോഴാണ് ചഹല്‍ പന്തെറിയാന്‍ എത്തിയത്. മനീഷ് പാണ്ഡെ ക്ഷമ കെട്ട് അടിച്ച പന്ത് വായുവില്‍ ഉയര്‍ന്ന പന്ത് സെയ്‌നി കൈപ്പിടിയില്‍ ഒതുക്കുകയും ചെയ്തു. നിര്‍ണായകമായ നാലാം ഓവര്‍ റണ്ണൊഴുകാതെ പിടിച്ച് നിര്‍ത്താന്‍ ചഹലിന്റെ ബൗളിംഗിന് സാധിച്ചു. നാലാം ഓവറില്‍ ജോണി ബെയര്‍സ്‌റ്റോയെ ക്ലീന്‍ ബൗള്‍ഡാക്കുകയായിരുന്നു ചഹല്‍. അടുത്ത പന്തില്‍ തന്നെ വിജയ് ശങ്കറിനെ പുറത്താക്കി മത്സരം ആര്‍സിബിക്ക് അനുകൂലമായി മാറ്റിയെടുത്തു ചഹല്‍.

സുനില്‍ ഗവാസ്‌കര്‍ കുറച്ച് ദിവസങ്ങള്‍ക്ക് മുമ്പ് നടത്തിയ പ്രവചനങ്ങളാണ് ഇതോടെ യാഥാര്‍ത്ഥ്യമായത്. വിരാട് കോലിയും എബി ഡിവില്യേഴ്‌സും ആയിരിക്കില്ല യുഎഇയില്‍ ആര്‍സിബിയുടെ കരുത്താവുകയെന്ന് ഗവാസ്‌കര്‍ പറഞ്ഞിരുന്നു. അത് യൂസവേന്ദ്ര ചാഹലായിരിക്കുമെന്നും അദ്ദേഹം പറഞ്ഞു. കളിക്കുന്തോറും സ്ലോ ആവുന്ന യുഎഇയിലെ പിച്ചുകളില്‍ ലെഗ് ബ്രേക്ക് എറിയുന്ന ചാഹലിന് തിളങ്ങാന്‍ സാധിക്കും. സ്പിന്നര്‍മാര്‍ക്ക് നല്ല രീതിയില്‍ പന്തെറിയാന്‍ സാധിക്കുന്ന പിച്ചാണ് അവിടെയുള്ളത്. ചാഹലായിരിക്കും ആര്‍സിബിയുടെ തുറുപ്പുച്ചീട്ടെന്നും ഗവാസ്‌കര്‍ പറഞ്ഞു.

ആര്‍സിബി 164 റണ്‍സിന്റെ വിജയലക്ഷ്യമാണ് ഹൈദരാബാദിനായി ഒരുക്കിയത്. എബി ഡിവില്യേഴ്‌സും ദേവദത്ത് പടിക്കലും അര്‍ധ സെഞ്ച്വറി കുറിച്ചു ആര്‍സിബിക്ക് വേണ്ടി ആദ്യ മത്സരത്തിനിറങ്ങിയ ദേവദത്ത് ശരിക്കും ഞെട്ടിച്ചു. ആദ്യ അര്‍ധ സെഞ്ച്വറി കൂടിയാണ് താരം കുറിച്ചത്. എബി ഡിവില്യേഴ്‌സ് കളി മാറ്റി മറിക്കുന്നതാണ് കണ്ടത്. 30 പന്തില്‍ 51 റണ്‍സായിരുന്നു ഡിവില്യേഴ്‌സ് അടിച്ച് കൂട്ടിയത്. നാല് ബൗണ്ടറിയും രണ്ട് സിക്‌സറും താരം അടിച്ചെടുത്തു.

English summary
IPL 2020: yusvendra chahal picks 3 wickets against srh
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X