ടി20 ലോകകപ്പിലെ വിക്കറ്റ് കീപ്പര് സ്ഥാനമാണോ ലക്ഷ്യമിടുന്നത്? കാര്ത്തിക്കിന്റെ മറുപടി വൈറല്
വരാനിരിക്കുന്ന ടി20 ലോകകപ്പിനുള്ള തയ്യാറെടുപ്പിലാണ് ഇന്ത്യന് ക്രിക്കറ്റ് ടീം. ജൂണിലാണ് ടി 20 ലോകകപ്പ് തുടങ്ങുന്നത്. നടന്ന് കൊണ്ടിരിക്കുന്ന ഐപിഎല് ടി 20 ലോകകപ്പിനുള്ള ടീം സെലക്ഷനില് പരിഗണിക്കും എന്നതില് സംശയമില്ല. ലോകകപ്പ് ടീമിലേക്ക് വിക്കറ്റ് കീപ്പര് സ്ഥാനത്തേക്ക് ആരെയാണ് പരിഗണിക്കുക എന്നതാണ് ക്രിക്കറ്റ് ആരാധകര് എല്ലാവരും ഉറ്റുനോക്കുന്നത്.
സമീപകാലത്തൊന്നും വിക്കറ്റ് കീപ്പര് സ്ഥാനത്തേക്ക് ഇത്രയും വലിയ മത്സരം ഇന്ത്യന് ക്രിക്കറ്റില് ഉണ്ടായിട്ടില്ല. അതിനിടെ റോയല് ചലഞ്ചേഴ്സ് ബാംഗ്ലൂരിന്റെ വിക്കറ്റ് കീപ്പറും വെറ്ററനുമായ ദിനേഷ് കാര്ത്തിക്ക് ലോകകപ്പ് ടീമിലേക്ക് തന്റെ സാധ്യതയെ കുറിച്ച് പറഞ്ഞതാണ് വൈറലായിരിക്കുന്നത്. നിലവില് ലോകകപ്പ് ടീമില് ഇടം നേടാന് നോക്കുന്ന വിക്കറ്റ് കീപ്പര്മാരുടെ പട്ടികയില് താന് എട്ടാം സ്ഥാനത്താണ് എന്നാണ് കാര്ത്തിക് പറയുന്നത്.
സ്കൈ സ്പോര്ട്സ് പോഡ്കാസ്റ്റില് മുന് ഇംഗ്ലണ്ട് താരം നാസര് ഹുസൈനിന്റെ ചോദ്യത്തോടായിരുന്നു അദ്ദേഹത്തിന്റെ പ്രതികരണം. ''നിങ്ങള് നാസിനോട് (നാസര് ഹുസൈന്) ഒരു ഇന്ത്യന് ടീമിനെ ഉള്പ്പെടുത്താന് ആവശ്യപ്പെട്ടാല് അതില് ആറ് വിക്കറ്റ് കീപ്പര്മാര് ഉണ്ടെങ്കില്, ഞാന് പട്ടികയില് എട്ടാം സ്ഥാനത്തായിരിക്കും,' എന്നായിരുന്നു ദിനേഷ് കാര്ത്തിക്ക് ചിരിയോടെ പറഞ്ഞത്.
ടീമിലെ നിയുക്ത കീപ്പര് കെ എല് രാഹുലാണെങ്കിലും ജിതേഷ് ശര്മ്മ രാഹുലിന് വലിയ വെല്ലുവിളി ഉയര്ത്തുന്നുണ്ട്. സഞ്ജു സാംസണ്, റിഷഭ് പന്ത്, ധ്രുവ് ജുറേല്, ഇഷന് കിഷന് എന്നിവരും വിക്കറ്റ് കീപ്പര് സ്ഥാനത്തേക്കുള്ള സാധ്യതയില് മുന്പന്തിയിലാണ്. അതിനാല് തന്നെ ദിനേഷ് കാര്ത്തിക് പട്ടികയില് ഏറെ താഴെയാണ് എന്നതാണ് യാഥാര്ത്ഥ്യം. ഐപിഎല്ലില് ഇത് മിക്കവാറും കാര്ത്തിക്കിന്റെ അവസാന സീസണായിരിക്കും.
ഈ സീസണില് ബാറ്റില് മികവ് പുലര്ത്തിയെങ്കിലും കാര്ത്തിക്ക് ഇന്ത്യക്ക് വേണ്ടി ഒരിക്കല് കൂടി കളിക്കാന് സാധ്യത വളരെ കുറവാണ്. 2022 ടി 20 ലോകകപ്പിലാണ് ദിനേഷ് കാര്ത്തിക്ക് അവസാനമായി ഇന്ത്യന് കുപ്പായമണിഞ്ഞത്. ഐപിഎല് 2024 ലില് നിശബ്ദമായെങ്കിലും ചാര്ട്ടില് ഒന്നാം സ്ഥാനത്ത് നില്ക്കുന്നത് ജിതേഷ് ശര്മ്മയാണ്. സഞ്ജു സാംസണ് ബാറ്റിംഗില് മിടുക്ക് കാണിക്കുന്നുണ്ടെങ്കിലും ടോപ്പ് ഓര്ഡറിലാണ് ബാറ്റ് ചെയ്യുന്നത്.
ധ്രുവ് ജുറല് ഇതുവരെ ഇന്ത്യക്കായി ഒരു ടി20 മത്സരം കളിച്ചിട്ടില്ല. പരിക്കിന് ശേഷം തിരിച്ചെത്തിയ കെഎല് രാഹുല് ഈ സീസണില് ഇതുവരെ കാര്യമായൊന്നും ചെയ്തിട്ടില്ല. നീണ്ട ഇടവേളക്ക് ശേഷം ഐപിഎല് 2024-ല് തിരിച്ചുവരവ് നടത്തിയ റിഷഭ് പന്ത് ഫോമിലേക്ക് തിരിച്ചെത്തുന്നതിന്റെ സൂചന കാണിക്കുന്നുണ്ട്. ഇവരില് ആരെ തിരഞ്ഞെടുക്കും എന്നതാണ് സെലക്ഷന് കമ്മിറ്റിക്ക് മുന്നിലുള്ള ചോദ്യം.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google