രോഹിതിന്റെ ഒറ്റയാള് പോരാട്ടം പാഴായി; സെഞ്ച്വറി നേടിയിട്ടും തോല്വി; ചെന്നൈയുടെ ജയം 20 റണ്സിന്
ചെന്നൈ സൂപ്പര് കിംഗ്സിനെതിരെ മുംബൈ ഇന്ത്യന്സിന് തോല്വി. ടോസ് നഷ്ടപ്പെട്ട് ആദ്യം ബാറ്റ് ചെയ്ത ചെന്നൈ സൂപ്പര്കിംഗ്സ് നിശ്ചിത ഓവറില് നാല് വിക്കറ്റ് നഷ്ടത്തില് 206 റണ്സാണ് എടുത്തത്. മറുപടി ബാറ്റിംഗിനിറങ്ങിയ മുംബൈ ഇന്ത്യന്സിന് നിശ്ചിത 20 ഓവറില് ആറ് വിക്കറ്റ് നഷ്ടത്തില് 186 റണ്സ് മാത്രമെ നേടാനായുള്ളൂ. സെഞ്ച്വറി നേടി രോഹിത് ശര്മ്മ (105) പൊരുതിയെങ്കിലും പിന്തുണ നല്കാന് ആരുമുണ്ടായില്ല.
രോഹിത് 63 പന്തില് 11 ഫോറും അഞ്ച് സിക്സുമടക്കമാണ് 105 റണ്സ് നേടിയത്. കൂറ്റന് സ്കോര് പിന്തുടര്ന്നിറങ്ങിയ മുംബൈക്ക് രോഹിത് ശര്മ്മയും ഇഷന് കിഷനും മികച്ച തുടക്കമാണ് നല്കിയത്. ഒന്നാം വിക്കറ്റില് ഇരുവരും 70 റണ്സാണ് എടുത്തത്. എന്നാല് പിന്നീട് വന്നവരില് തിലക് വര്മ്മയൊഴികെ മറ്റാരും രോഹിതിന് പിന്തുണ നല്കിയില്ല. സൂര്യകുമാര് യാദവ് (0), ഹര്ദിക് പാണ്ഡ്യ (2), ടിം ഡേവിഡ് (13), റൊമാരിയോ ഷെപ്പേര്ഡ് (1) എന്നിവര് വേഗം പുറത്തായി.
70 ന് രണ്ട് എന്ന നിലയില് ഒത്തുചേര്ന്ന രോഹിത്-തിലക് സഖ്യം മൂന്നാം വിക്കറ്റില് 60 റണ്സ് കൂട്ടിച്ചേര്ത്തു. എന്നാല് പിന്നീട് വന്നവര് പവലിയനിലേക്ക് നിരനിരയായി മടങ്ങി. നേരത്തെ ചെന്നൈ സൂപ്പര് കിംഗ്സ് റിതുരാജ് ഗെയ്ക്വാദിന്റേയും ശിവം ദുബെയുടേയും അര്ധ സെഞ്ച്വറിയുടെ മികവിലാണ് 206 എന്ന മികച്ച ടോട്ടല് പടുത്തുയര്ത്തിയത്. തുടക്കത്തില് അജിങ്ക്യ രഹാനെയെ നഷ്ടപ്പെട്ട ചെന്നൈക്ക് രചിന് രവീന്ദ്രയുടേയും ഗെയ്ക്വാദിന്റേയും പ്രകടനമാണ് തുണയായത്.
ഇരുവരും രണ്ടാം വിക്കറ്റില് 52 റണ്സ് പടുത്തുയര്ത്തു. 21 റണ്സെടുത്ത രചിന് രവീന്ദ്ര പുറത്തായതിന് പിന്നാലെ എത്തിയ ശിവം ദുബെ ക്യാപ്റ്റന് പറ്റിയ കൂട്ടാളിയായി. ഇരുവരും മൂന്നാം വിക്കറ്റില് 90 റണ്സിന്റെ കൂട്ടുകെട്ടാണ് ഉണ്ടാക്കിയത്. 69 റണ്സെടുത്ത ഗെയ്ക്വാദിനെ ഹര്ദിക് പാണ്ഡ്യ പുറത്താക്കിയതോടെയാണ് കൂട്ടുകെട്ട് പിരിഞ്ഞത്. 40 പന്തില് അഞ്ച് വീതം സിക്സും ഫോറും പറത്തിയാണ് ഗെയ്ക്വാദ് 69 റണ്സ് നേടിയത്.
ഗെയ്ക്വാദ് പുറത്തായതിന് ശേഷമെത്തിയ ഡാരില് മിച്ചല് 14 പന്തില് 17 റണ്സെടുത്ത് പുറത്തായി. പിന്നീടെത്തിയ ധോണി നേരിട്ട ആദ്യ മൂന്ന് പന്തിലും സിക്സറടിച്ച് ആവേശത്തിന് തിരികൊളുത്തി. ഇതോടെ ചെന്നൈ സ്കോര് 200 കടക്കുകയും ചെയ്തു. ശിവം ദുബൈ 38 പന്തില് 66 റണ്സുമായി പുറത്താകാതെ നിന്നു. മുംബൈ നിരയില് ഏഴ് പേരാണ് പന്തെറിഞ്ഞത്. മുംബൈയ്ക്കായി ഹര്ദിക് പാണ്ഡ്യ രണ്ട് വിക്കറ്റും ജെറാള്ഡ് കോട്സെ, ശ്രേയസ് ഗോപാല്, എന്നിവര് ഓരോ വിക്കറ്റ് വീതവും വീഴ്ത്തി.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google