പഞ്ചാബിന് പ്ലേ ഓഫില് കടക്കാന് പറ്റില്ലെന്നാര് പറഞ്ഞു? ആ കാല്ക്കുലേറ്ററിങ്ങെടുത്തേ..!
ഐപിഎല്ലില് പഞ്ചാബ് കിംഗ്സിന്റെ മോശം ഫോം തുടരുകയാണ്. ഇന്നലെ ഗുജറാത്ത് ടൈറ്റന്സിനോട് മൂന്ന് വിക്കറ്റിനാണ് പഞ്ചാബ് കിംഗ്സ് പരാജയപ്പെട്ടത്. ഇതോടെ എട്ട് കളികളില് നിന്ന് രണ്ട് വിജയം അടക്കം നാല് പോയന്റുമായി പോയന്റ് പട്ടികയില് ഒമ്പതാം സ്ഥാനത്താണ് പഞ്ചാബ് കിംഗ്സ്. ടീമിനെ ഇതുവരെ രണ്ട് വ്യത്യസ്ത ക്യാപ്റ്റന്മാരാണ് നയിച്ചത്, ആദ്യം ശിഖര് ധവാനും ഇപ്പോള് സാം കറനും.
എന്നാല് വിജയം മാത്രം പഞ്ചാബില് നിന്ന് ഏറെ അകലെയാണ്. എങ്കിലും പ്ലേ ഓഫിന് പഞ്ചാബ് കിംഗ്സിന് വിദൂരമെങ്കിലും ഇനിയും സാധ്യതയുണ്ട്. സ്വന്തം വിജയത്തോടൊപ്പം മറ്റ് ടീമുകളുടെ ജയപരാജയങ്ങളും റണ്റേറ്റും ഒത്തുവരണം എന്ന് മാത്രം. ഇനി ആറ് കളികളാണ് പഞ്ചാബ് കിംഗ്സിന് ബാക്കിയുള്ളത്. ഇതില് എല്ലാ മത്സരങ്ങളിലും ജയിച്ചാല് മാത്രമെ പഞ്ചാബ് കിംഗ്സിന് പ്ലേ ഓഫ് സാധ്യത അവശേഷിക്കുന്നുള്ളൂ.
എല്ലാ മത്സരങ്ങളും ജയിച്ചാല് പഞ്ചാബ് കിംഗ്സിന് 14 പോയന്റാകും. എന്നാല് ഈ പോയിന്റുകള്ക്ക് മാത്രം അവരെ രക്ഷിക്കാന് കഴിയില്ല. നെറ്റ് റണ് റേറ്റ് ഒരു നിര്ണായക പങ്ക് വഹിക്കാന് പോകുന്നു. കൂടാതെ ചെന്നൈ സൂപ്പര്കിംഗ്സ്, ലഖ്നൗ സൂപ്പര് ജയന്റ്സ്, ഗുജറാത്ത് ടൈറ്റന്സ്, ഡല്ഹി ക്യാപിറ്റല്സ് എന്നീ ടീമുകള് വരും കളികളില് കൂടുതലും തോല്ക്കുകയും വേണം.
പഞ്ചാബ് കിംഗ്സിന് നിലവില് -0.292 ആണ് നെറ്റ് റണ്റേറ്റ്. ടോപ് 5 ലുള്ള ടീമുകളുമായി താരതമ്യപ്പെടുത്തുമ്പോള് ഇത് അത്ര മികച്ചതല്ല. അതിനാല് തന്നെ ഇനിയുള്ള മത്സരങ്ങളില് കേവലം ജയം മാത്രമല്ല, വലിയ മാര്ജിനിലുള്ള ജയമാണ് പഞ്ചാബ് കിംഗ്സിന് വേണ്ടത്. വലിയ വെല്ലുവിളിയാണ് പഞ്ചാബിന് മുന്നിലുള്ളത് എങ്കിലും ടൂര്ണമെന്റിന്റെ മുന്കാല ചരിത്രം നോക്കുമ്പോള്, അവര് യോഗ്യത നേടിയേക്കാം.
അതിന് ആവശ്യം 14 പോയിന്റും ആരോഗ്യകരമായ നെറ്റ് റണ് റേറ്റുമാണ്. നിലവില് ഐപിഎല് പോയിന്റ് പട്ടിക ചാര്ട്ടില് മുന്നിലുള്ള ഭരിക്കുന്ന സിഎസ്കെ, കെകെആര് തുടങ്ങിയ ടീമുകള്ക്കെതിരെയാണ് പഞ്ചാബിന്റെ അടുത്ത മൂന്ന് മത്സരങ്ങള്. ഇത് വലിയ വെല്ലുവിളിയാണെങ്കിലും എന്തുവില കൊടുത്തും ജയം നേടുക എന്നതാണ് പഞ്ചാബ് കിംഗ്സിന് മുന്നിലുള്ള ഏക പോംവഴി.
നിലവില് പോയന്റ് പട്ടികയില് ഒന്നാം സ്ഥാനത്തുള്ള രാജസ്ഥാന് റോയല്സ് പോലും പ്ലേ ഓഫ് ഉറപ്പിച്ചിട്ടില്ല. എങ്കിലും 12 പോയന്റുള്ള അവര്ക്ക് സാധ്യത വളരെ കൂടുതലാണ്. കൊല്ക്കത്തക്കും ഹൈദരാബാദിനും 10 പോയന്റാണ് ഉള്ളത്. ചെന്നൈ, ലഖ്നൗ, ഗുജറാത്ത് ടീമുകള്ക്ക് എട്ട് പോയന്റും മുംബൈ, ഡല്ഹി ടീമുകള്ക്ക് ആറ് പോയന്റുമാണ് ഉള്ളത്.
Click it and Unblock the Notifications
Sign in with Google