ഒറ്റയടിക്ക് ആറിരട്ടിയായി ബ്രാന്ഡ് മൂല്യം; പരസ്യകമ്പനികള് കൂട്ടത്തോടെ മനുവിന്റെ പിറകെ; പ്രതിഫലം കേട്ടോ!?
പാരീസ് ഒളിംപിക്സിലെ മിന്നുന്ന പ്രകടനം മനു ഭാകറിന്റെ ബ്രാന്ഡ് വാല്യൂവിലും പ്രതിഫലിക്കുന്നു. പാരീസ് ഒളിംപിക്സില് 10 മീറ്റര് എയര് പിസ്റ്റള് വ്യക്തിഗത ഇനങ്ങളിലും മിക്സഡ് ടീം ഇനങ്ങളിലും വെങ്കലം നേടിയ മനു ഒറ്റ ഒളിംപിക്സില് തന്നെ രണ്ട് മെഡല് നേടിയ ആദ്യ ഇന്ത്യന് താരമാണ്. ഈ ചരിത്ര നേട്ടത്തോടെ പരസ്യകമ്പനികളെല്ലാം മനു ഭാകറിന് പിന്നാലെയാണ് എന്നാണ് റിപ്പോര്ട്ട്.
വൃത്തങ്ങളെ ഉദ്ധരിച്ച് ടൈംസ് ഓഫ് ഇന്ത്യയാണ് ഇക്കാര്യം റിപ്പോര്ട്ട് ചെയ്യുന്നത്. 22 കാരിയായ മനു ഭാകറിന് പിന്നാലെ 40 ഓളം പരസ്യകമ്പനികളാണ് ക്യൂ നില്ക്കുന്നത് എന്നാണ് വിവരം. മൂന്ന് വര്ഷം മുന്പത്തെ ടോക്കിയോ ഒളിംപിക്സില് നിരാശയോടെ മടങ്ങിയെത്തിയ മനു ഭാകര് പാരീസിലൂടെ കായിക ഇന്ത്യയിലെ പുതിയ ബ്രാന്ഡായി മാറുകയാണ്. ഐഒഎസ് സ്പോര്ട്സ് & എന്റര്ടൈന്മെന്റ് എന്ന ഏജന്സിയാണ് മനുവിന്റെ എന്ഡോഴ്സ്മെന്റ് ഇടപെടലുകള് നടത്തുന്നത്.
ഇതിനോടകം തങ്ങള്ക്ക് 40 ഓളം പരസ്യകമ്പനികളില് നിന്ന് ഓഫര് വന്നിട്ടുണ്ട് എന്നും അവയില് ചിലത് വലിയ ബ്രാന്ഡുകളാണ് എന്നും ഐഒഎസ് സ്പോര്ട്സ് ആന്ഡ് എന്റര്ടൈന്മെന്റ് സിഇഒയും എംഡിയുമായ നീരവ് തോമര് പറഞ്ഞു. ഒരു വര്ഷത്തേക്ക് കോടികള് വിലമതിക്കുന്ന കരാറുകള്ക്കായുള്ള ദീര്ഘകാല, ഹ്രസ്വ-ടീം ഡീലുകള് പ്രവര്ത്തിക്കുന്നുണ്ട്.
പാരീസ് ഒളിംപിക്സിന് മുന്പ് 20 ലക്ഷം രൂപയായിരുന്നു പരസ്യ സഹകരണങ്ങള്ക്കായി മനു ഈടാക്കിയിരുന്നത്. എന്നാല് ഇപ്പോള് നിലവിലെ തുകയേക്കാള് ഏഴ് മടങ്ങ് വരെ അധികമാണ് വാഗ്ദാനമായി ലഭിച്ചിരിക്കുന്നത്. അതേസമയം തങ്ങള് ദീര്ഘകാല അസോസിയേഷന് ഡീലുകളില് ആണ് ശ്രദ്ധ കേന്ദ്രീകരിക്കുന്നത് എന്ന് മനുവിന്റെ ഏജന്സി വ്യക്തമാക്കി.
'മനു ഭാകറുടെ ബ്രാന്ഡ് മൂല്യം തീര്ച്ചയായും, അഞ്ച് മുതല് ആറ് മടങ്ങ് വരെ കുതിച്ചുയര്ന്നു. മുമ്പ് ചെയ്യുന്നതെന്തും 20-25 ലക്ഷം രൂപയ്ക്ക് സമീപമായിരുന്നു. ഇപ്പോള് അത് ഏകദേശം 1.5 കോടി രൂപയുടെ അടുത്തെത്തി. ഒരു മാസം, മൂന്ന് മാസം എന്നിങ്ങനെയുള്ള ഹ്രസ്വകാല ഡിജിറ്റല്-ഇടപെടല് അന്വേഷണങ്ങളും ധാരാളം ഉണ്ട്. എന്നാല് ഞങ്ങള് ദീര്ഘകാല ഡീലുകളില് ശ്രദ്ധ കേന്ദ്രീകരിക്കുന്നു,' അദ്ദേഹം കൂട്ടിച്ചേര്ത്തു.
ഷൂട്ടിംഗ് പോലുള്ള കായിക ഇനങ്ങളില് നിന്നുള്ള കായികതാരങ്ങള്ക്ക് തിളങ്ങാനുള്ള ഒരു വലിയ അവസരമാണ് ഒളിംപിക്സ് എന്ന് തോമര് അഭിപ്രായപ്പെട്ടു. ഏഷ്യന് ഗെയിംസിലും കോമണ്വെല്ത്ത് ഗെയിംസിലും ഷൂട്ടിംഗില് ധാരാളം മെഡലുകള് ലഭിക്കാറുണ്ട് എന്നാല് പിന്നീട് ആ നേട്ടത്തിന്റെ തിളക്കം മങ്ങും. എന്നാല് ഒളിംപിക്സില് നിങ്ങള് വേറിട്ടുനില്ക്കുന്നു,' അദ്ദേഹം കൂട്ടിച്ചേര്ത്തു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google