സൗദി ക്ലബുമായി വമ്പന് ഡീല്, നെയ്മര് അല് ഹിലാലിലേക്ക്..; കരാര്ത്തുക കേട്ടോ..!!?
പാരീസ്: പി എസ് ജിയുടെ ബ്രസീല് സൂപ്പര്താരം നെയ്മര് സൗദി ഭീമന്മാരായ അല്-ഹിലാലിലേക്കെന്ന് റിപ്പോര്ട്ട്. നേരത്തെ കിലിയന് എംബാപ്പെയെ റാഞ്ചാന് അല് ഹിലാല് ശ്രമിച്ചിരുന്നു. ഇതിന് പിന്നാലെയാണ് നെയ്മറിനേയും സൗദി ക്ലബ് നോട്ടമിട്ടിരിക്കുന്നത്. അല് ഹിലാലിന്റെ 98.5 മില്യണ് ഡോളര് എന്ന ഓഫര് പി എസ് ജി സ്വീകരിച്ചതായാണ് അന്താരാഷ്ട്ര കായിക മാധ്യമങ്ങള് റിപ്പോര്ട്ട് ചെയ്യുന്നത്.
നേരത്തെ മുന് ക്ലബായ ബാഴ്സലോണയ്ക്ക് താരം മടങ്ങിയേക്കും എന്ന് റിപ്പോര്ട്ടുണ്ടായിരുന്നു. എന്നാല് അല് ഹിലാല് നല്കിയ ഓഫറിനോട് നെയ്മര് പാതിസമ്മതം മൂളിയിട്ടുണ്ട് എന്നാണ് റിപ്പോര്ട്ട്. ട്രാന്സ്ഫര് വിദഗ്ധനായ ഫാബ്രിസിയോ റൊമാനോയും ഇക്കാര്യം സ്ഥിരീകരിക്കുന്നുണ്ട്. കൂടുതല് ചര്ച്ചകള്ക്കായി നെയ്മറിന്റെ പിതാവ് മിഡില് ഈസ്റ്റിലേക്ക് പറന്നിട്ടുണ്ട് എന്നാണ് വിവരം.
പ്രീമിയര് ലീഗ് ക്ലബ്ബായ ന്യൂകാസില് യുണൈറ്റഡിന്റെ ഉടമസ്ഥതയിലുള്ള സര്ക്കാര് പിന്തുണയുള്ള പബ്ലിക് ഇന്വെസ്റ്റ്മെന്റ് ഫണ്ടിന്റെ മേല്നോട്ടത്തിലുള്ള അല് ഹിലാലുമായി നെയ്മര് രണ്ട് വര്ഷത്തെ കരാറിന് സമ്മതം മൂളിയിട്ടുണ്ട് എന്നാണ് സൂചന. ഒരു സീസണില് നെയ്മറിന് ക്ലബ് 100 മില്യണ് ഡോളര് നല്കിയേക്കും. ഫീല്ഡിന് പുറത്തുള്ള അദ്ദേഹത്തിന്റെ വരുമാനം കൂടി കണക്കിലെടുക്കുമ്പോള് അടുത്ത തവണ ലോകത്തിലെ ഏറ്റവും ഉയര്ന്ന പ്രതിഫലം വാങ്ങുന്ന കായികതാരങ്ങളുടെ ഫോര്ബ്സിന്റെ പട്ടികയിലൊരാളാകാനും നെയ്മറിനാകും.
2017 ല് ബാഴ്സലോണയില് നിന്ന് 222 മില്യണ് യൂറോയ്ക്കാണ് പി എസ് ജി നെയ്മറിനെ എത്തിച്ചത്. കണങ്കാല് ലിഗമെന്റ് ശസ്ത്രക്രിയയ്ക്ക് വിധേയനായ ശേഷം 31-കാരന് മാര്ച്ച് മുതല് കളത്തിന് പുറത്താണ്. അതിനിടെ സമ്മര് ട്രാന്സ്ഫര് വിന്ഡോയിലൂടെ ക്ലബ് വിടാനുള്ള താത്പര്യം നെയ്മര് പി എസ് ജിയെ അറിയിക്കുകയായിരുന്നു. അതേസമയം നെയ്മറിന്റെ അല് ഹിലാലിലേക്കുള്ള വരവിനെ സംബന്ധിച്ച് ഔദ്യോഗിക സ്ഥിരീകരണമൊന്നുമില്ല.
അല് ഹിലാലിനെ കൂടാതെ ബാഴ്സലോണയും അമേരിക്കന് ലീഗായ എം എല് എസിയില് നിന്നും നെയ്മറിന് ഓഫര് വരുന്നുണ്ട്. രണ്ട് വര്ഷത്തെ കരാറാണ് നെയ്മര്ക്ക് പി എസ് ജിയില് ബാക്കിയുള്ളത്. അതേസമയം നെയ്മര്ക്ക് പുറമേ ഫുള്ഹാമില് നിന്ന് സൂപ്പര്താരം അലക്സാണ്ടര് മിട്രോവിച്ചിനെയും അല് ഹിലാല് റാഞ്ചിയേക്കും. നിലവില് റൂബന് നെവസ്, കലിദോ കൗലിബാലി തുടങ്ങിയ വമ്പന് താരങ്ങള് അല് ഹിലാലിലുണ്ട്.
അതേസമയം ലോകഫുട്ബോള് മിഡില് ഈസ്റ്റിലേക്ക് വ്യാപിക്കുന്നു എന്ന് വീണ്ടും തെളിയിക്കുന്നതാണ് പുതിയ ട്രാന്സ്ഫര് വാര്ത്തകള്. സൂപ്പര്താരം ക്രിസ്റ്റ്യാനൊ റൊണാള്ഡോയ അല് നസര് ക്ലബിലെത്തിച്ചതാണ് ഇതിന് തുടക്കം. ഇതിന് പിന്നാലെ കരീം ബെന്സെമ അല് ഇത്തിഹാദിലെത്തി. എന്നാല് എംബാപ്പെയ്ക്കായും ലയണല് മെസിക്കായും സൗദി ക്ലബുകള് ശ്രമം നടത്തിയിരുന്നെങ്കിലും വിജയിച്ചിരുന്നില്ല.
-
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല
Click it and Unblock the Notifications
Sign in with Google