റെക്കോർഡുകള് വാരിക്കൂട്ടി രോഹിത് ശർമ്മ: എബി ഡിവില്ലിയേഴ്സിനേയും പിന്നിലാക്കി
നെതർലന്ഡിന് മുന്നില് 410 എന്ന പടുകൂറ്റന് ലക്ഷ്യം ഉയർത്തിയിരിക്കുകയാണ് ഇന്ത്യന് ബാറ്റിങ് നിര. ടോസ് നേടി ആദ്യം ബാറ്റിങ് തിരഞ്ഞെടുത്ത ക്യാപ്റ്റന് രോഹിത് ശർമ്മയുടെ തീരുമാനം ശരിവെക്കുന്ന തരത്തിലാണ് അന്ത്യന് ബാറ്റ്മാർ എല്ലാവരും ബാറ്റ് വീശിയത്. ശ്രേയസ് അയ്യരുടേയും (94 പന്തില് 128), കെഎല് രാഹുലിന്റേയും (64 പന്തില് 102) സെഞ്ചറി നേട്ടമാണ് ഇന്ത്യയുടെ സ്കോർ 400 കടത്തിയത്.
ഓപ്പണിങ് ബാറ്റ്സ്മാന്മാരായ ക്യാപ്റ്റന് രോഹിത് ശർമ്മയും ശുഭ്മാന് ഗില്ലും ഇന്ത്യക്ക് മികച്ച തുടക്കം നല്കി. രോഹിത് ശർമ്മ 61 റണ്സിനും ശുഭ്മാന് ഗില് 51 റണ്സിനും പുറത്തായപ്പോള് പിന്നാലെ എത്തിയ കോഹ്ലിയും അർധശതകം തികച്ചതിന് ശേഷമാണ് പുറത്തായത്. തുടർന്ന് എത്തിയ ശ്രേയസ് അയ്യരേയും രാഹുലിനേയും പിടിച്ച് കെട്ടാന് നെതർലന്ഡ് ബോളിങ് നിരയ്ക്ക് സാധിച്ചില്ല.
മത്സരത്തില് ഇന്ത്യന് താരങ്ങള് പല പുതിയ റെക്കോർഡുകളും കുറിച്ചു. അതില് ഏറ്റവും പ്രധാനപ്പെട്ട ഒന്ന് ക്യാപ്റ്റന് രോഹിത് ശർമ്മയുടേത് തന്നെയാണ്. മുൻ ദക്ഷിണാഫ്രിക്കൻ ക്യാപ്റ്റൻ എബി ഡിവില്ലിയേഴ്സിനെ മറികടന്ന് ഒരു കലണ്ടർ വർഷത്തിൽ ഏറ്റവും കൂടുതൽ ഏകദിന സിക്സറുകൾ നേടിയ ബാറ്ററായി രോഹിത് ശർമ്മ ഇന്നത്തോടെ മാറി. ഏഴാം ഓവറിൽ കോളിൻ അക്കർമാനെ അതിർത്തിക്ക് അപ്പുറത്തേക്ക് പായിച്ചാണ് തന്റെ സിക്സർ നേട്ടം രോഹിത് ശർമ്മ 59 ആയി ഉയർത്തിയത്.
ഓപ്പണറായി 14000 അന്താരാഷ്ട്ര റൺസ് തികച്ച ഇന്ത്യൻ നായകന് ഇത് മറ്റൊരു നേട്ടവുമായി. ഒരു ഏകദിന ലോകകപ്പ് എഡിഷനിൽ ക്യാപ്റ്റനെന്ന നിലയിൽ ഏറ്റവും കൂടുതൽ സിക്സറുകളും ഫോറുകളും രോഹിത് ഇതിനോടകം നേടിയിട്ടുണ്ട്. ഒരു ലോകകപ്പ് എഡിഷനിൽ ഏറ്റവും കൂടുതൽ റൺസ് നേടിയ ഇന്ത്യൻ നായകൻ കൂടിയാണ് അദ്ദേഹം. തുടർച്ചയായ ലോകകപ്പുകളിൽ 500 റൺസ് നേടുന്ന ചരിത്രത്തിലെ ആദ്യ കളിക്കാരനായും രോഹിത് മാറി. ലോകകപ്പില് ഒരു ഇന്ത്യൻ ക്യാപ്റ്റൻ 500-ലധികം റൺസ് നേടുന്നത് ഇതാദ്യമാണ്.
അതേസമയം, ഏകദിന ലോകകപ്പ് ചരിത്രത്തില് ഒരു ഇന്ത്യന് താരത്തിന്റെ വേഗമേറിയ രണ്ടാമത്തെ ഫിഫ്റ്റിയെന്ന റെക്കോര്ഡ് ഈ മത്സരത്തിലൂടെ ഗില് നേടി. രോഹിത് ശർമ്മയും നേരത്തെ 30 ബോളില് അർധശകതം പൂർത്തിയാക്കിയിട്ടുണ്ട്. ലോകകപ്പില് ഒരു ഇന്ത്യന് താരത്തിന്റെ അതിവേഗ അർധശകതകമെന്ന ഓള്ടൈം റെക്കോര്ഡ് നിലവില് മുന് ബാറ്റിങ് ഇതിഹാസം സച്ചിന് ടെണ്ടുല്ക്കറുടെ പേരിലാണ്. 26 ബോളിലാണ് അദ്ദേഹം അർധശതകം തികച്ചത്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google