Click it and Unblock the Notifications
Just In
Don't Miss
-
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
പ്രധാന്‍മന്ത്രി ആവാസ് യോജന: മോദിയുടെ സ്വപ്ന പാര്‍പ്പിട പദ്ധതിയില്‍ എന്തെല്ലാം സംഭവിച്ചു!
ദില്ലി: 2022ഓടെ രാജ്യത്ത് 20 മില്യണ്‍ വീടുകള്‍ നിര്‍മിക്കാനുള്ള ദൗത്യം പൂര്‍ത്തിയാക്കാനാണ് പ്രധാനമന്ത്രി ലക്ഷ്യം വെക്കുന്നത്. ഈ ലക്ഷ്യം ഫലപ്രാപ്തിയിലെത്തിക്കുന്നതിനായി മോദി സര്‍ക്കാര്‍ വിവിധ പദ്ധതികളാണ് രാജ്യത്ത് ആവിഷ്കരിച്ചിട്ടുള്ളത്. കേന്ദ്രസര്‍ക്കാര്‍ പ്രധാന്‍മന്ത്രി ആവാസ് യോജന പദ്ധതിക്ക് കീഴില്‍ 51 ലക്ഷം വീടുകള്‍ നിര്‍മിക്കാനാണ് അംഗീകാരം നല്‍കിയിട്ടുള്ളത്.
കഴിഞ്ഞ മൂന്ന് വര്‍ഷത്തിനുള്ളില്‍ 28 ലക്ഷം വീടുകള്‍ ഏകദേശം അവസാന ഘട്ടത്തിലെത്തി നില്‍ക്കുകയാണ്. എട്ട് ലക്ഷം വീടുകളാണ് നിര്‍മാണം പൂര്‍ത്തിയാക്കിയിട്ടുള്ളത്. ഇത് ഗുണഭോക്താക്കള്‍ക്ക് ലഭിക്കുകയും ചെയ്തിട്ടുണ്ട്. പ്രധാന്‍ മന്ത്രി ആവാസ് യോജനക്ക് കീഴില്‍ 6,26,488 വീടുകള്‍ നിര്‍മിക്കുന്നതിന് കേന്ദ്രഭവന നഗരവികസന മന്ത്രാലയം അനുമതി നല്‍കിയിട്ടുണ്ട്. മധ്യവര്‍ഗ്ഗ കുടുംബങ്ങള്‍ക്ക് പരമാവധി ആനൂകൂല്യങ്ങള്‍ ലഭ്യമാക്കുന്നതിന് വേണ്ടി കഴിഞ്ഞ മാസമാണ് മന്ത്രാലയം ഇത്രയധികം വീടുകള്‍ നിര്‍മിക്കുന്നതിന് അംഗീകാരം നല്‍കിയത്.
സംസ്ഥാനങ്ങളില്‍ ഉത്തര്‍പ്രദേശിനാണ് ഏറ്റവും അധികം ആനുകൂല്യം ലഭിച്ചിട്ടുള്ളത്. ഉത്തര്‍പ്രദേശിന് മാത്രം 2,34,879 വീടുകള്‍ നിര്‍മിക്കുന്നതിനാണ് അംഗീകാരം നല്‍കിയിട്ടുള്ളത്. രണ്ടാം സ്ഥാനത്ത് ആന്ധ്രാപ്രദേശാണുള്ളത്. 1,40,559 വീടുകളാണ് ആന്ധ്രക്ക് ലഭിച്ചത്. പ്രധാനമന്ത്രി ആവാസ് യോജന യുവിന് കീഴില്‍ 60,28,608 വീടുകളും സിഎസ്എംസിയില്‍ നിന്നുള്ള അന്തിമ അനുമതിയ്ക്കായി കാത്തിരിക്കുന്നുണ്ട്. മധ്യപ്രദേശ് (74,631), ബിഹാര്‍ (50,017), ഛത്തീസ്ഗഡ് (30, 371), ഗുജറാത്ത് (29,794), മഹാരാഷ്ട്ര (22,265), തമിഴ്നാട് (20,794) എന്നിങ്ങനെയാണ് വീടുകള്‍ക്ക് അംഗീകാരം ലഭിച്ചിട്ടുള്ളത്. ഒഡിഷയ്ക്ക് 13,421 വീടുകളും, ത്രിപുരയ്ക്ക് 9,778 വീടുകളും മണിപ്പൂരിന് 2,588 വീടുകളും നിര്‍മിക്കാന്‍ പ്രധാന്‍മന്ത്രി ആവാസ് യോജനക്ക് കീഴില്‍ അംഗീകാരം ലഭിച്ചിട്ടുണ്ട്.
കേരളത്തില്‍ വെള്ളപ്പൊക്കത്തില്‍ വന്‍ നാശനഷ്ടമുണ്ടായ സാഹചര്യത്തില്‍ പുതിയ പ്രപ്പോസല്‍ സമര്‍പ്പിക്കാന്‍ കേന്ദ്രം കേരളത്തോട് ആവശ്യപ്പെട്ടിട്ടുണ്ട്. പ്രധാന്‍മന്ത്രി ആവാസ് യോജനക്ക് കീഴിലായിരിക്കും തുക അനുവദിക്കുക. നിലവില്‍ കേരളത്തിലെ വെള്ളപ്പൊക്കത്തില്‍ വീട് നഷ്ടപ്പെട്ടവര്‍ക്ക് 486,87 കോടി രൂപയ്ക്ക് വീട് നിര്‍മിച്ച് നല്‍കാന്‍ അനുമതിയായിട്ടുണ്ട്. ഇത് നടപ്പിലാക്കാന്‍ കേന്ദ്രത്തിന്റെ അനുമതിയും ഇതിനകം ലഭിച്ചിട്ടുണ്ട്.
