Click it and Unblock the Notifications
Just In
Don't Miss
-
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം -
സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും… -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
ചൈനയില്‍ ഇന്റര്നെറ്റ് നിയമങ്ങള്‍ കര്‍ശനമാക്കി
ബീജിങ്: ഇന്റര്നെറ്റ് ഉപഭോക്താക്കളെ ആകെ ആശയക്കുഴപ്പത്തിലാക്കും വിധം ചൈനയില്‍ കര്‍ശന നിയമങ്ങള്‍. നെറ്റ് വഴിയുള്ള അപവാദ പ്രചാരണങ്ങളും പരദൂഷണങ്ങളും തടയുന്നതിനാണ് നിയമങ്ങള്‍ കര്‍ശനമാക്കിയതെന്ന് പറയുന്നു. നിയമം ലംഘിക്കുന്നവര്‍ക്ക് മൂന്ന് വര്‍ഷം വരെ തടവ് ശിക്ഷ അടക്കമുള്ള ശിക്ഷകളാണ് ലഭിക്കുക.
അപവാദകരമായതോ പരദൂഷണം പോലുള്ളതോ ആയ പോസ്റ്റുകള്‍ 5000 ല്‍ അധികം പേര്‍ കാണുകയോ 500 തവണയില്‍ അധികം റീട്വീറ്റ് ചെയ്യപ്പെടുകയോ ചെയ്താലാണ് ശിക്ഷ ലഭിക്കുക. സുപ്രീം പീപ്പിള്‍സ് കോടതിയാണ് ഇത് സംബന്ധിച്ച് ഉത്തരവിട്ടിരിക്കുന്നത്.
അടുത്ത കാലത്തായി രാജ്യത്ത് ഇന്റര്നെറ്റ് ആക്ടിവ്‌സ്റ്റുകളുടെ എണ്ണം ക്രമാതീതമായി വര്‍ദ്ധിച്ചത് ചൈനയിലെ കമ്യൂണിസ്റ്റ് ഭരണകൂടത്തിനെ ഏറെ പ്രകോപിപ്പിച്ചിരുന്നു. അതുകൊണ്ട് തന്നെ ഇത്തരമൊരു നീക്കം തങ്ങള്‍ക്കെതിരെയാണെന്ന് ബ്ലോഗര്‍മാരും ആക്ടിവിസ്റ്റുകളും തിരിച്ചറിഞ്ഞിട്ടുമുണ്ട്. എന്തിനെയാണ് അധികൃതര്‍ അപവാദമായി കാണുക എന്ന് എങ്ങനെ തിരിച്ചറിയും എന്ന ഭയമാണ് മിക്ക ബ്ലോഗര്‍മാരും പങ്കുവക്കുന്നത്.
സോഷ്യല്‍ മീഡയകളിലും ബ്ലോഗുകളിലും സര്‍ക്കാരിനെതിരെ നടത്തുന്ന ഏത് വിമര്‍ശനത്തിന്റേയും വായ അടപ്പിക്കാന്‍ ഈ നിയമം മൂലം ചൈനീസ് കമ്യൂണിസ്റ്റ് പാര്‍ട്ടിക്ക് സാധിക്കും. ട്വിറ്ററിന് സമാനമായ ചൈനയുടെ തനത് മൈക്രോ ബ്ലോഗിങ് സര്‍വ്വീസ് ആയ സിന വീബോക്ക് ഇപ്പോള്‍ തന്നെ അമ്പത് കോടിയ്‌ലേറെ ഉപഭോക്താക്കളുണ്ട്. വിവര കൈമാറ്റത്തിലും പ്രചരണത്തിലും സര്‍ക്കാരിനുള്ള അപ്രമാദിത്തം ഇത്തരം സൈറ്റുകള്‍ ചോദ്യം ചെയ്യാന്‍ തുടങ്ങിയ സാഹചര്യത്തിലാണ് പുതിയ നടപടി.
2009 ല്‍ വംശീയ കലാപത്തെ തുടര്‍ന്ന് അന്നത്തെ പ്രധാന മൈക്രോ ബ്ലോഗിങ് സംവിധാനമായിരുന്ന ഫാന്‍ഫോ ചൈനയില്‍ നിരോധിച്ചിരുന്നു. പിന്നീടാണ് പുതിയ സൈറ്റിന് അനുമതി നല്‍കിയത്. പൂര്‍ണമായും സര്‍ക്കാരിന്റെ നിരീക്ഷണ വലയത്തിലാണ് ഇപ്പോള്‍ ഇത്തരം സൈറ്റുകളെല്ലാം തന്നെ. പക്ഷേ സിന വീബോയുടെ ദ്രുത വളര്‍ച്ച സര്‍ക്കാരിനെ വീണ്ടും ആശയക്കുഴപ്പത്തിലാക്കിയിട്ടുണ്ട്. ഇത് തന്നെയാണ് ഇത്തരമൊരു കര്‍ശന നിയമം കൊണ്ടുവരാന്‍ ചൈനീസ് സര്‍ക്കാരിനെ നിര്‍ബന്ധിച്ചതും.
