കിഷന്റെ ഇഷ്ടങ്ങള്‍

ഇഷ്ടപ്പെട്ട കായിക ഇനം ഏതാണ്?ക്രിക്കറ്റും ഫുട് ബോളും

ഇഷ്ടപ്പെട്ട വിഷയം
സയന്‍സ്, കണക്ക്

ചോക്ലേറ്റില്‍ ഏറെ ഇഷ്ടപ്പെട്ടത്
കാട്ബറി മില്‍ക് ചോക്ലേറ്റ്

ഇഷ്ടപ്പെട്ട നടന്‍, നടി
കീനി റീവ്സ്, സുസ്മിതാ സെന്‍

ഇഷ്ടപ്പെട്ട സിനിമ
സ്പീല്‍ ബര്‍ഗിന്റെ എല്ലാ സിനിമകളും

എന്തൊക്കെയാണ് ഇഷ്ടവിനോദങ്ങള്‍?

നീന്തല്‍, കമ്പ്യൂട്ടറില്‍ അഡോബ് ഫോട്ടോഷോപ്പിലും കോറല്‍ഡ്രോയിലും എന്തെങ്കിലും ചെയ്യുക, ധാരാളം ചോക്കലേറ്റ് കഴിയ്ക്കുക.

ചെല്ലപ്പേര് ?

സണ്ണിയെന്നാണ് എല്ലാവരും വിളിയ്ക്കുന്നത്. ചിലപ്പോ ഡയറക്ടറെന്നും വിളിയ്ക്കും (ചിരിച്ചുകൊണ്ട്)

കിഷന്‍ ശ്രീകാന്ത് എന്ന വ്യത്യസ്തനായ കുട്ടി

ഒരു പ്രശസ്ത വ്യക്തി എന്നനിലയ്ക്ക് ജനങ്ങള്‍ സമീപിയ്ക്കുമ്പോള്‍ കിഷന്‍ എങ്ങനെയാണ് പ്രതികരിയ്ക്കുന്നത്?

എല്ലാ കുട്ടികളെയും പോലെ തന്നെ. പക്ഷേ ആളുകള്‍ കവിളില്‍ നുള്ളുന്നത് മാത്രം എനിയ്ക്ക് ഇഷ്ടപ്പെടാറില്ല....

ഇത്രയും ചെറിയപ്രായത്തില്‍ ഇത്ര പ്രശസ്തനായതിനെക്കുറിച്ച്

ഇതൊരു തുടക്കം മാത്രമാണെന്നാണ് ഞാന്‍ കരുതുന്നത്. എനിയ്ക്കിനിയും ഏറെക്കാര്യങ്ങള്‍ നേടാനിരിയ്ക്കുന്നു. പുതുയ ഒരുപാട് കാര്യങ്ങള്‍ പഠിയ്ക്കാനുണ്ട്. എന്നും പഠിച്ചുകൊണ്ടിരിക്കുന്ന ഒരു കുട്ടിയായിരിക്കാനാണ് എനിയ്ക്കാഗ്രഹം.

പണത്തിന്റെ കാര്യങ്ങളൊക്കെ ആരാണ് കൈകാര്യം ചെയ്യുന്നത്?
ഇപ്പോള്‍ ഞാനൊരു ആദായനികുതി ദായകനാണ്. അച്ഛനും അമ്മയും തന്നെയാണ് അക്കൗണ്ടുകളൊക്കെ കൈകാര്യംചെയ്യുന്നത്.

ഗിന്നസ് ബുക്കില്‍ സ്ഥാനം നേടിയതിനെക്കുറിച്ച്
ഗിന്നസ് ബുക്കില്‍സ്ഥാനം നേടണമെന്നൊന്നും ഞാന്‍ ആഗ്രഹിച്ചിരുന്നില്ല. അത് എന്നെത്തേടിയെത്തുകയായിരുന്നു.