സാജന്റെ തിരഞ്ഞെടുപ്പ് ചിഹ്നമെങ്കിലും ശ്രീമാന് മുനീര് കാണണം...
ഡിഷ് ആന്റിനയാണ് കോഴിക്കോട് സൗത്ത് മണ്ഡലത്തില് എംകെ മുനീറിനെതിരെ മത്സരിയ്ക്കുന്ന ഇന്ത്യാവിഷനിലെ ഡ്രൈവര് എകെ സാജന്റെ ചിഹ്നം. കേരളത്തിലെ ആദ്യത്തെ മുഴുവന് സമയ വാര്ത്താ ചാനലായ ഇന്ത്യാവിഷനിലെ പ്രശ്നങ്ങള് ജനസമക്ഷമെത്തിയ്ക്കുന്ന സ്ഥാനാര്ത്ഥിയ്ക്ക് ലഭിച്ച ചിഹ്നം അര്ത്ഥഗര്ഭം തന്നെ!
ഞങ്ങളുടെ ശമ്പളമെവിടെ എന്ന് ചോദിച്ചുകൊണ്ടാണ് സാജന് മത്സരിയ്ക്കുന്നത്. മുനീര് നല്ല കോഴിക്കോട്ടുകാരനാണെങ്കില് സാജന് നല്ല തൊഴിലാളിയാണ്. നന്മയുള്ള നല്ല കോഴിക്കോട്ടുകാരന് നല്ല തൊഴിലാളിയുടെ ദുരിതം കാണാനാകുന്നില്ലേ ആവോ?
എന്തായാലും എംകെ മുനീറിനെ കോഴിക്കോട് സൗത്തില് തോല്പിയ്ക്കാനാകുമെന്ന പ്രതീക്ഷയൊന്നും സാജനില്ല. പക്ഷേ തിരഞ്ഞെടുപ്പില് ജയിക്കാനല്ല ഈ പോരാട്ടം, ജീവിതത്തില് തോറ്റുകൊടുക്കാതിരിയ്ക്കാനാണ്.
ആശ്വാസ വാക്കുകള്ക്കും വാഗ്ദാനങ്ങള്ക്കും അപ്പുറം എന്തെങ്കിലും സംഭവിച്ചിരുന്നെങ്കില് ഒരു പക്ഷേ സാജന് പിന്വാങ്ങിയേനെ. എന്നാല് അതെല്ലാം വെറുതേയായിരുന്നു.