• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എൽഡിഎഫ് - യുഡിഎഫ് വോട്ടുകൾ ബിജെപിക്ക് ലഭിക്കില്ല: ഡോ.എസ് എസ് ലാൽ

  • By അഭിജിത്ത് ജയൻ

ആരോഗ്യമന്ത്രി പദം സ്വപ്നം കണ്ടല്ല കോൺഗ്രസിൽ സജീവമായതെന്ന് കഴക്കൂട്ടത്തെ യുഡിഎഫ് സ്ഥാനാർഥി ഡോ.എസ് എസ് ലാൽ. പാർട്ടിയുടെ പ്രവർത്തനങ്ങളിൽ ശ്രദ്ധ കേന്ദ്രീകരിക്കുകയാണ് ലക്ഷ്യം.അധികാരം കിട്ടിയാലും ഇല്ലെങ്കിലും പാർട്ടിയിൽ തുടർന്ന് പ്രവർത്തിക്കുമെന്നും അദ്ദേഹം വൺ ഇന്ത്യ മലയാളത്തോട് പറഞ്ഞു. ശബരിമല വിഷയത്തിൽ കൃത്യമായ നിലപാടാണ് കോൺഗ്രസ് സ്വീകരിച്ചത്. അയ്യായിരത്തിനും പതിനായിരത്തിനുമിടയിൽ വ്യക്തമായ ഭൂരിപക്ഷത്തോടെ കഴക്കൂട്ടത്ത് വിജയിക്കാൻ കഴിയുമെന്നും അദ്ദേഹം വ്യക്തമാക്കി.വൺ ഇന്ത്യ മലയാളം പ്രതിനിധി അഭിജിത്ത് ജയൻ ഡോ.എസ് എസ് ലാലുമായി നടത്തിയ അഭിമുഖം തുടർന്ന് വായിക്കാം.

യുഡിഎഫ് ശബരിമല ചർച്ചയാക്കിയോ?

യുഡിഎഫ് ശബരിമല ചർച്ചയാക്കിയോ?

വികസനത്തെക്കുറിച്ച് ബിജെപിക്ക് അറിയില്ല. സാധാരണ ജനങ്ങളുടെ പ്രശ്നങ്ങളിൽ ശ്രദ്ധകേന്ദ്രീകരിക്കാൻ അവർക്ക് കഴിയുന്നില്ല. ശബരിമല ജനങ്ങളെ സ്വാധീനിക്കുന്ന വിഷയം തന്നെയാണ്. യുഡിഎഫ് അതിൽ, കൃത്യമായ നിലപാട് സ്വീകരിച്ചു. സിപിഎമ്മിനും ബിജെപിക്കും ശബരിമല വിഷയത്തിൽ ഒട്ടും താല്പര്യമില്ല. ഒരു ബാധ്യതയും ഇരുകൂട്ടർക്കുമില്ല.

യുഡിഎഫ് സർക്കാർ വന്നാൽ ആരോഗ്യമന്ത്രിയാകുമോ?

യുഡിഎഫ് സർക്കാർ വന്നാൽ ആരോഗ്യമന്ത്രിയാകുമോ?

ലോകാരോഗ്യ സംഘടനയിലെ പൊതുജനാരോഗ്യ വിദഗ്ധൻ്റെ ചുമതല രാജിവെച്ച് രാഷ്ട്രീയത്തിലേക്ക് വരുന്നത് കോൺഗ്രസിൽ സജീവമാകാനാണ്. പാർട്ടിയുടെ പ്രവർത്തനങ്ങളിൽ സഹായിക്കാനാണ് ശ്രദ്ധകേന്ദ്രീകരിക്കുന്നത്. പാർട്ടിക്ക് വിധേയനാണ് താൻ. കോൺഗ്രസ് ആവശ്യപ്പെടുന്നത് ചെയ്യാനാണ് തൻ്റെ ആഗ്രഹം. മന്ത്രിപദം ലാക്കാക്കിയല്ല, കോൺഗ്രസിലേക്ക് വരുന്നത്. അധികാരം കിട്ടിയാലും ഇല്ലെങ്കിലും പാർട്ടിയിൽ തുടർന്ന് പ്രവർത്തിക്കും.

എസ് എസ് ലാലിനെ പരിഗണിക്കാനുണ്ടായ സാഹചര്യം എന്തായിരുന്നു?

എസ് എസ് ലാലിനെ പരിഗണിക്കാനുണ്ടായ സാഹചര്യം എന്തായിരുന്നു?

തന്നെക്കാൾ പ്രഗത്ഭരായ നിരവധി പേരെ കഴക്കൂട്ടത്ത് പാർട്ടി പരിഗണിച്ചിരുന്നു.കെഎസ്‌യു, കോൺഗ്രസ് ബന്ധമുള്ളവരെ പാർട്ടിയിൽ സജീവമാക്കി അവസരം നൽകുകയായിരുന്നു പാർട്ടി ചെയ്തത്. നിരവധി പേരുകൾ കഴക്കൂട്ടത്തേക്ക് പാർട്ടി പരിഗണിച്ചിരുന്നു. തൻ്റെ സാന്നിധ്യം കൊണ്ട് പാർട്ടിക്ക് ഗുണം ഉണ്ടാവുകയാണെങ്കിൽ അതിൽ കവിഞ്ഞ് മറ്റൊന്നും തനിക്കില്ല.

എത്ര വോട്ടിൻ്റെ ഭൂരിപക്ഷം ലഭിക്കും?

എത്ര വോട്ടിൻ്റെ ഭൂരിപക്ഷം ലഭിക്കും?

കഴക്കൂട്ടം അടിസ്ഥാനപരമായി കോൺഗ്രസ് മണ്ഡലമാണ്. ഘടകകക്ഷികൾക്കും കോൺഗ്രസിനും നല്ല വേരോട്ടമുള്ള മണ്ഡലമാണ് കഴക്കൂട്ടം. തനിക്ക് മണ്ഡലത്തിൽ വ്യാപകമായ എതിർപ്പ് അനുഭവിക്കേണ്ടി വന്നില്ല. എന്നാൽ, സിപിഎം - ബിജെപി സ്ഥാനാർത്ഥികൾക്ക് ജനങ്ങളിൽ നിന്ന് അനുകൂല പ്രതികരണമായിരുന്നില്ല പലതവണയും നേരിടേണ്ടിവന്നത്. 5000 - 10,000 ഇടയ്ക്കുള്ള മികച്ച ഭൂരിപക്ഷം ലഭിക്കും. പ്രവചനങ്ങൾ പലപ്പോഴും നടക്കണമെന്നില്ല.എന്നാലും,വിജയിക്കുമെന്ന് തന്നെയാണ് പ്രതീക്ഷയുള്ളത്.

ഉമ്മൻ ചാണ്ടി
Know all about
ഉമ്മൻ ചാണ്ടി

English summary
Kazhakoottam UDF candidate Dr SS Lal said that he was not dreaming of becoming the health minister but was active in the Congress. SS Lal said the aim was to focus on the party's activities
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X