സിഎംഡിയിൽ വീണ്ടും ഒഴിവ്: ഈ യോഗ്യതയുള്ളവർക്ക് അപേക്ഷിക്കാം
സിഎംഡിയിൽ ഒഴിവ്. അഡ്മിനിസ്ട്രേറ്റീവ് ഓഫീസർ, അക്കൗണ്ട്സ് എക്സിക്യൂട്ടീവ് തസ്തികകളിലേക്കാണ് നിയമനം. ഓരോ തസ്തികയിലും ഒരു ഒഴിവ് വീതമാണുള്ളത്. യോഗ്യത , ശമ്പളം, അപേക്ഷിക്കേണ്ടത് എങ്ങനെ തുടങ്ങിയ വിവരങ്ങളറിയാം.
അഡ്മിനിസ്ട്രേറ്റീവ് ഓഫീസർ
ഈ തസ്തികയിൽ ഒരു ഒഴിവാണുള്ളത്. എംബിഎ അല്ലെങ്കിൽ മാനേജ്മെന്റ് ബിരുദം വേണം. കമ്പനി സെക്രട്ടറിഷിപ്പും യോഗ്യതയായി പരിഗണിക്കും. എൽഎൽബി (LLB) യോഗ്യതയുള്ളവർക്ക് മുൻഗണന ലഭിക്കും.
ആകെ 15 വർഷത്തെ പ്രവൃത്തിപരിചയം നിർബന്ധമാണ്. അഞ്ച് വർഷം സൂപ്പർവൈസറി തലത്തിൽ ആയിരിക്കണം. മലയാളം, ഇംഗ്ലീഷ് ഭാഷകളിൽ അറിവ് അനിവാര്യമാണ്. സിഎംഡി (CMD) ജീവനക്കാർക്കും അപേക്ഷിക്കാൻ അർഹതയുണ്ട്.
2026 മേയ് 31-ലെ കണക്കുപ്രകാരം പ്രായം 50 വയസ്സിൽ താഴെയാകണം. വിരമിച്ചവർക്ക് 58 വയസ്സുവരെ അപേക്ഷിക്കാം. ശമ്പളം 70,000 മുതൽ 90,000 രൂപ വരെയാണ്. യോഗ്യത അനുസരിച്ച് ശമ്പളത്തിൽ വ്യത്യാസമുണ്ടാകും.
അക്കൗണ്ട്സ് എക്സിക്യൂട്ടീവ്
രണ്ടാമത്തെ ഒഴിവ് അക്കൗണ്ട്സ് എക്സിക്യൂട്ടീവ് തസ്തികയിലാണ്. റഗുലർ എംബിഎ അല്ലെങ്കിൽ എം.കോം ബിരുദം വേണം. മൂന്ന് വർഷത്തെ പ്രവൃത്തിപരിചയം അത്യാവശ്യമാണ്.
സിഎ (CA) അല്ലെങ്കിൽ സിഎംഎ (CMA) ഇന്റർമീഡിയറ്റ് യോഗ്യതയുള്ളവർക്കും അവസരമുണ്ട്. ഇവർക്ക് ഒരു വർഷത്തെ പ്രവൃത്തിപരിചയം മതിയാകും. കമ്പ്യൂട്ടറൈസ്ഡ് അക്കൗണ്ടിംഗ് സോഫ്റ്റ്വെയറുകളിൽ അറിവ് അത്യാവശ്യമാണ്.
അപേക്ഷകരുടെ പ്രായം 35 വയസ്സിൽ കൂടരുത്. 2026 മേയ് 31 ആണ് പ്രായപരിധി കണക്കാക്കുന്ന തീയതി. ശമ്പളം 40,000 മുതൽ 53,000 രൂപ വരെ ലഭിക്കും.കൂടുതൽവിവരങ്ങൾക്ക് https://cmd.kerala.gov.in/wp-content/uploads/2026/06/Notification-AO-and-AE.pdf
ആശ വര്ക്കര് നിയമനം
കോട്ടയ്ക്കല് കുടുംബാരോഗ്യ കേന്ദ്രത്തിന്റെ പരിധിയില് ഒഴിവുള്ള 10 29, 35 വാര്ഡുകളില് ആശമാരെ തെരഞ്ഞെടുക്കുന്നതിന് അപേക്ഷ ക്ഷണിച്ചു. മൂന്ന് ഒഴിവുകളാണുള്ളത്. ഒഴിവുള്ള വാര്ഡുകളുടെ പരിധിയിലെ സ്ഥിരതാമസക്കാരായ സ്ത്രീകള്ക്ക് മാത്രമാണ് അപേക്ഷിക്കാന് അവസരം. 10-ാം ക്ലാസ് പാസായ 25ും 45നുമിടയില് പ്രായമുള്ള വിവാഹിത, വിവാഹമോചനം നടന്നവര്, വിധവകള് എന്നിവര്ക്ക് അപേക്ഷിക്കാം. മുന് ആശാപ്രവര്ത്തകര്, ആരോഗ്യ മേഖലയില് സന്നദ്ധ സേവനം നടത്തിയവര് എന്നിവര്ക്ക് മുന്ഗണനയുണ്ട്. ഒഴിവുള്ള വാര്ഡുകളില് സിരതാമസക്കാര് ഇല്ലെങ്കില് നഗരസഭാ പരിധിയിലെ സ്ഥിര താമസക്കാരെയും പരിഗണിക്കും. അപേക്ഷകള് ജൂണ് 18നകം മെഡിക്കല് ഓഫീസര്, കുടുംബാരോഗ്യ കേന്ദ്രം, കോട്ടയ്ക്കല് എന്ന വിലാസത്തില് ലഭിക്കണം. അഭിമുഖം ജൂണ് 18ന് രാവിലെ 10ന് കോട്ടക്കല് മുനിസിപ്പാലിറ്റിയില് നടക്കും.
വെറ്ററിനറി സര്ജന് നിയമനം
തൃശ്ശൂര് ജില്ലയില് മൃഗസംരക്ഷണ വകുപ്പിന് കീഴില് പ്രവര്ത്തിക്കുന്ന മൊബൈല് സര്ജറി യൂണിറ്റിലെ നിലവിലെ ഒഴിവുകളിലേക്ക് വെറ്ററിനറി സര്ജന്മാരെ താല്കാലികമായി കരാര് അടിസ്ഥാനത്തില് നിയമിക്കുന്നു. പരമാവധി 89 ദിവസത്തേക്കായിരിക്കും നിയമനം. എം.വി.എസ്.സി ബിരുദവും കെ.എസ്.വി.സി രജിസ്ട്രേഷനുമുള്ളവര്ക്ക് മുന്ഗണന ലഭിക്കും. മേല് പറഞ്ഞ യോഗ്യതയുള്ളവരുടെ അഭാവത്തില് ബി.വി.എസ്.സി ബിരുദവും കെ.എസ്.വി.സി രജിസ്ട്രേഷനും ഉള്ളവരെയോ, ഡബ്ല്യു.വി.എസ് ട്രെയിനിംഗ് ലഭിച്ച വെറ്ററിനറി കൗണ്സില് രജിസ്ട്രേഷനുള്ള ബിരുദധാരികളെയോ പരിഗണിക്കും. തെരഞ്ഞെടുക്കപ്പെടുന്നവര്ക്ക് സര്ക്കാര് ഉത്തരവ് പ്രകാരമുള്ള വേതനം ലഭിക്കും. ഉദ്യോഗാര്ത്ഥികള് ബന്ധപ്പെട്ട അസല് രേഖകളും പകര്പ്പുകളും സഹിതം ജൂണ് 12-ന് രാവിലെ 10.30-ന് തൃശ്ശൂര് പറവട്ടാനിയിലുള്ള ജില്ലാ വെറ്ററിനറി കേന്ദ്രത്തില് നടക്കുന്ന അഭിമുഖത്തിന് നേരിട്ട് ഹാജരാകണം. ഫോണ്: 0487 2361216.
Click it and Unblock the Notifications
Sign in with Google