ബാങ്ക് ഓഫ് ബറോഡയില് 2500 ഓളം ഒഴിവുകള്; ബിരുദക്കാര്ക്ക് അവസരം, അപേക്ഷിക്കേണ്ടതിങ്ങനെ
ബാങ്ക് ഓഫ് ബറോഡ ലോക്കല് ബാങ്ക് ഓഫീസര് തസ്തികകളിലേക്കുള്ള നിയമനത്തിനായുള്ള അപേക്ഷാ നടപടികള് ആരംഭിച്ചു. ആകെ 2482 ഒഴിവുകളാണ് റിപ്പോര്ട്ട് ചെയ്തിരിക്കുന്നത്. താല്പര്യവും യോഗ്യതയുമുള്ള ഉദ്യോഗാര്ത്ഥികള്ക്ക് സെപ്റ്റംബര് 7 വരെ ഔദ്യോഗിക വെബ്സൈറ്റ് വഴി ഓണ്ലൈനായി അപേക്ഷ സമര്പ്പിക്കാം. ജൂനിയര് മാനേജ്മെന്റ് ഗ്രേഡ് സ്കെയില് - I ( JMG/S- I ) വിഭാഗത്തില് സ്ഥിര നിയമനം നടത്തുന്നതിനാണ് ഈ റിക്രൂട്ട്മെന്റ്.
നിശ്ചിത തീയതിക്ക് മുമ്പായി ഉദ്യോഗാര്ത്ഥികള് രജിസ്ട്രേഷനും ഫീസ് അടയ്ക്കലും പൂര്ത്തിയാക്കേണ്ടതുണ്ട്. അപേക്ഷകര്ക്ക് ഒരു സംസ്ഥാനത്തേക്ക് മാത്രമേ അപേക്ഷിക്കാന് കഴിയൂ. ഓരോ സംസ്ഥാനത്തിനും വിഭാഗത്തിനും പ്രത്യേകം മെറിറ്റ് ലിസ്റ്റ് തയ്യാറാക്കും. അംഗീകൃത സര്വകലാശാലയില് നിന്ന് ഏതെങ്കിലും വിഷയത്തില് ബിരുദം നേടിയിരിവരായിരിക്കണം അപേക്ഷകര്.
2026 ഓഗസ്റ്റ് 1 - ന് അപേക്ഷകര്ക്ക് 21 - നും 30 - നും ഇടയില് പ്രായമുണ്ടായിരിക്കണം. കൂടാതെ, ഒരു ഷെഡ്യൂള്ഡ് കൊമേഴ്സ്യല് ബാങ്കില് ഓഫീസറായി കുറഞ്ഞത് ഒരു വര്ഷത്തെ പ്രവൃത്തി പരിചയം ഉണ്ടായിരിക്കണം. ക്ലറിക്കല് തസ്തികയിലുള്ള പ്രവൃത്തി പരിചയം പരിഗണിക്കില്ല. അപേക്ഷിക്കുന്ന സംസ്ഥാനത്തെ പ്രാദേശിക ഭാഷ വായിക്കാനും എഴുതാനും സംസാരിക്കാനും മനസ്സിലാക്കാനും ഉദ്യോഗാര്ത്ഥികള്ക്ക് കഴിയണം.
തിരഞ്ഞെടുപ്പ് പ്രക്രിയയില് ഓണ്ലൈന് പരീക്ഷയും തുടര്ന്ന് ഗ്രൂപ്പ് ചര്ച്ചയും കൂടാതെ / അല്ലെങ്കില് വ്യക്തിഗത അഭിമുഖവും ഉള്പ്പെടുന്നു. ഇത് ബാങ്കിന്റെ ആവശ്യകതകളെ ആശ്രയിച്ചിരിക്കും. ഓണ്ലൈന് പരീക്ഷയില് 120 മാര്ക്കിനായി 120 ചോദ്യങ്ങള് ഉണ്ടാകും. പരീക്ഷാ സമയം രണ്ട് മണിക്കൂറായിരിക്കും. തെറ്റായ ഓരോ ഉത്തരത്തിനും 0.25 മാര്ക്ക് വീതം കുറയ്ക്കും.
ഇംഗ്ലീഷ് ഭാഷാ വിഭാഗം യോഗ്യതാ സ്വഭാവമുള്ളതായിരിക്കും. ഇതിലെ മാര്ക്ക് അന്തിമ മെറിറ്റ് ലിസ്റ്റില് ഉള്പ്പെടുത്തില്ല.
എങ്ങനെ അപേക്ഷിക്കാം?
ആദ്യം bankofbaroda.bank.in എന്ന ഔദ്യോഗിക വെബ്സൈറ്റ് സന്ദര്ശിക്കുക. ഹോം പേജില് നിന്ന് കരിയര് വിഭാഗം തുറക്കുക. നിലവിലെ അവസരങ്ങള് എന്ന് ടാബ് തിരഞ്ഞെടുത്ത് പ്രസ്തുത തസ്തികയിലേക്കുള്ള റിക്രൂട്ട്മെന്റ് വിജ്ഞാപനം കണ്ടെത്തുക. രജിസ്ട്രേഷന് പൂര്ത്തിയാക്കി അപേക്ഷാ ഫോം പൂരിപ്പിക്കുക. ശേഷം ആവശ്യമായ രേഖകള് അപ്ലോഡ് ചെയ്യുക. അപേക്ഷാ ഫീസ് അടയ്ക്കുക.
ഫോം സമര്പ്പിച്ച് സ്ഥിരീകരണ പേജ് ഡൗണ്ലോഡ് ചെയ്യുക. അപേക്ഷ സമര്പ്പിക്കാനായി ഇവിടെ ക്ലിക്ക് ചെയ്യുക.
Click it and Unblock the Notifications
Sign in with Google