ഇന്ത്യന് ഓവര്സീസ് ബാങ്കില് സെക്യൂരിറ്റി ഗാര്ഡ് ഒഴിവുകള്; ആര്ക്കൊക്കെ അപേക്ഷിക്കാം
ഇന്ത്യന് ഓവര്സീസ് ബാങ്ക് സെക്യൂരിറ്റി ഗാര്ഡ് തസ്തികകളിലേക്കുള്ള നിയമനത്തിനായുള്ള വിജ്ഞാപനം പുറത്തിറക്കി. യോഗ്യരായ ഉദ്യോഗാര്ത്ഥികള്ക്ക് ഓണ്ലൈനായി അപേക്ഷിക്കാം. ആകെ 25 ഒഴിവുകളാണ് റിപ്പോര്ട്ട് ചെയ്തിരിക്കുന്നത്. തമിഴ്നാട്ടിലെ ചെന്നൈ കേന്ദ്രമാക്കിയായിരിക്കും നിയമനം. മുന് സൈനികര്/മുന് അഗ്നിവീര് വിഭാഗത്തില്പ്പെട്ടവരില് നിന്നാണ് അപേക്ഷ ക്ഷണിക്കുന്നത്.
യോഗ്യരായ ഉദ്യോഗാര്ത്ഥികള്ക്ക് 25.08.2026 മുതല് 14.09.2026 വരെ ഓണ്ലൈനായി അപേക്ഷിക്കാവുന്നതാണ്. ആകെയുള്ള ഒഴിവുകളില് എസ് സി വിഭാഗക്കാര്ക്ക് നാലും ഒബിസി വിഭാഗക്കാര്ക്ക് ഏഴും ഇഡബ്ല്യുഎസ് വിഭാഗക്കാര്ക്ക് രണ്ടും ജനറല് വിഭാഗത്തിന് 12 ഉം വീതമാണ് ഉള്ളത്. മുന് സൈനികര്/മുന് അഗ്നിവീര് എന്നിവര്ക്കായി മാത്രമായി സംവരണം ചെയ്തിരിക്കുന്ന തസ്തികയാണിത്.
അംഗവൈകല്യമുള്ള മുന് സൈനികരെ ഇതില് ഉള്പ്പെടുത്തിയിട്ടില്ല. ഭിന്നശേഷിക്കാര്ക്കുള്ള സംവരണ വിഭാഗത്തില് ഈ തസ്തിക ഉള്പ്പെടുത്തിയിട്ടില്ല. തിരഞ്ഞെടുക്കപ്പെടുന്നവര്ക്ക് 19500 രൂപ മുതല് 37815 രൂപ വരെ ശമ്പളം ലഭിക്കും. പ്രതിരോധ സേവന കാലയളവില് അവസാനമായി ലഭിച്ച ശമ്പളത്തെ അടിസ്ഥാനമാക്കിയായിരിക്കും അടിസ്ഥാന ശമ്പളം നിശ്ചയിക്കുക. പ്രൊബേഷന് കാലയളവ് 6 മാസമാണ്.
18 നും 26 നും ഇടയില് പ്രായമുള്ളവര്ക്ക് അപേക്ഷിക്കാം. ജനറല് വിഭാഗത്തിന് 26 വയസ്സ് + പ്രതിരോധ സേവന കാലയളവ് + 3 വര്ഷം (പരമാവധി ഉയര്ന്ന പ്രായപരിധി: 45 വയസ്സ്) എന്ന തരത്തില് ഇളവ് ലഭിക്കും. എസ്സി/എസ്ടി 31 വയസ്സ് + പ്രതിരോധ സേവന കാലയളവ് + 3 വര്ഷം (പരമാവധി ഉയര്ന്ന പ്രായപരിധി: 45 വയസ്സ്), ഒബിസി 29 വയസ്സ് + പ്രതിരോധ സേവന കാലയളവ് + 3 വര്ഷം (പരമാവധി ഉയര്ന്ന പ്രായപരിധി: 45 വയസ്സ്), അഗ്നിവീര്: 21 വയസ്സ് + അഗ്നിവീര് സേവന കാലയളവ് + 3 വര്ഷം എന്നിങ്ങനെയാണ് ഇളവ് അനുവദിച്ചിരിക്കുന്നത്.
പത്താം ക്ലാസ് അല്ലെങ്കില് തത്തുല്യമായ യോഗ്യത നേടിയിരിക്കണം. എന്നാല് ബിരുദം നേടിയിരിക്കാന് പാടില്ല. തമിഴ് ഭാഷ സംസാരിക്കാനും വായിക്കാനും എഴുതാനും അറിഞ്ഞിരിക്കണം. സൈനിക സേവനത്തില് നിന്ന് വിരമിക്കുമ്പോള് മാതൃകാപരമായ സ്വഭാവ സര്ട്ടിഫിക്കറ്റ് ഉണ്ടായിരിക്കണം. വിരമിക്കുന്ന സമയത്ത് കുറഞ്ഞത് SHAPE-1 അല്ലെങ്കില് AYE മെഡിക്കല് നിലവാരം ഉണ്ടായിരിക്കണം.
ഓണ്ലൈന് പരീക്ഷ, ഇംഗ്ലീഷ് ഭാഷാ പരിജ്ഞാനം, ആപ്റ്റിറ്റിയൂഡ് ടെസ്റ്റ്, അരിത്മെറ്റിക് ടെസ്റ്റ്, സൈക്കോമെട്രിക് ടെസ്റ്റ്, പ്രാദേശിക ഭാഷാ പരീക്ഷ എന്നിവയിലൂടെയായിരിക്കും യോഗ്യരായ ഉദ്യോഗാര്ത്ഥികളെ തിരഞ്ഞെടുക്കുക. ശാരീരിക ക്ഷമതാ പരീക്ഷയും ഉണ്ടായിരിക്കും.
അപേക്ഷിക്കേണ്ട വിധം
സെക്യൂരിറ്റി ഗാര്ഡ് തസ്തികയിലേക്ക് അപേക്ഷിക്കാന് താല്പ്പര്യവും യോഗ്യതയുമുണ്ടെങ്കില്, 'ഓണ്ലൈനായി അപേക്ഷിക്കാനുള്ള ലിങ്ക്' ക്ലിക്ക് ചെയ്യുക. തുടര്ന്ന്, അനുയോജ്യമായ ഓപ്ഷന് കണ്ടെത്തി അപേക്ഷാ ഫോം പൂരിപ്പിക്കുക. വിശദവിവരങ്ങള്ക്കായി ഔദ്യോഗിക വെബ്സൈറ്റായ www.iob.in സന്ദര്ശിക്കുക.
Click it and Unblock the Notifications
Sign in with Google